Azaya 45:13 - Yálá laawoo hɛɓɛ (dc)

¹³ Ɲą́ą́ ɓə ɉulɔnui ŋɛ̨i kulɔ, a tələnmolaa, gáá pai nwɔ pələɠaa kəlee hu lalai, ya ɓə pai nwɔ́ taai tɔɔi a nįnɛ̨; ŋą́ nuąi kɔluwɔlaa hu, gɛ́ pənə gɛ́ pa a diɛ di wɔ lɔi hu. Wali kulɔ mɛ̨nį, da hvɛla kulɔ mɛ̨nį da hva kɛ ɉu. Mɛ̨nį Kəlee ŋą Hééɓomun Yai-Laa woo li!

Yálá laawoo hɛɓɛ

¹³ Ɲą́ą́ ɓə ɉulɔnui ŋɛ̨i kulɔ, a tələnmolaa, gáá pai nwɔ pələɠaa kəlee hu lalai, ya ɓə pai nwɔ́ taai tɔɔi a nįnɛ̨; ŋą́ nuąi kɔluwɔlaa hu, gɛ́ pənə gɛ́ pa a diɛ di wɔ lɔi hu. Wali kulɔ mɛ̨nį, da hvɛla kulɔ mɛ̨nį da hva kɛ ɉu. Mɛ̨nį Kəlee ŋą Hééɓomun Yai-Laa woo li!

Bible

¹³ Ŋá ńyee kpàmo Sarɔ ma a gɛ́ɛ é kɛ́ a ŋátii kɛ́-nuu. Dɔ̃yâ mɛnii kélee ŋa pâi gɔ́ɔ pîlani ǹɔii ma ƃɛ́i, ŋa pâi gɛ̂i zârai. Ŋa pâi zia pere-ŋai kélee su sã̂ai. Ǹyaa ƃe pâi ŋátaa-lêei Zerusâlɛŋ tɔɔ̂i ŋɔ́nɔ pôlu, é ŋánûai kúla ǹuɛ-laai su. Vé gɛ̂i fela-fei mɛni ma kpaa máŋ yee pɛlɛ ǹá sɛŋ mɛni. Ńyãa Yâwɛɛ ƃé m̀o tí.”

Azaya 45:13 ပူးပေါင်းရင်းမြစ်များ

Ɛsdrasə 1:3

Kaai kpɔ ka káá a Yai-Laa nwɔ nuą, gɛ́ Yálá ə lɛɛ ka pɔ. Ka ka muhəɠə ka li Ɉerusalɛmə daai, Ɉuda lɔi hu, ka pɛlɛ́ tɔɔ laa Yai-Laa ɓa, a Israɛlə nwɔ Yálá; yai gaa Ɉerusalɛmə.

Mąątɛ̨nɛ̨ 65:5

Nui yá dəli, a ə́ liiɓamun, nwun na nɛ̨ɛ̨i, gaa pai kɛi ə́ yəi bɛlɛ́n. Ku wɛi, ku kaa pai pilɛi, ə́ yəi bɛlɛ́n mɛ̨inɛ̨ɛ̨ɠaa hu, Yɛ́ pɛ́lɛ́i mu hɛnŋaa mąąhəɠɛɛɠaai hu.

Hanwon 3:6

Mɛ̨nį lɔpee ə́ kaa gɛi, ə́ kilitɔɔ mą, a ə́ tɔwɔ pɔ̨nɔ̨

Azaya 13:17

Gáá pai Medi nuą ɲąątɔɔi diɛ, di wɛi, di mąąkpaan vo wali ɓa, diɛ hɛni hviiɓo.

Azaya 14:17

Yɛ lɔi mąąpənə a lɔi pun, yɛ taaɠaa wolo, a kɔluwɔ hon, hvo kɛi pənə hvo dɛɛ gaa lɔi hu.»

Azaya 41:2

Dələnmo mun həɠə hvóló kulɔi pələ, gbɛɛ ɓə ɲali bulu, yɛ bənə yɛ ba, yɛ lɔiɠaa pɛlɛ gɔwɔ mu, yɛ tɔɔɓɛlaa pɛlɛ lɔi ɓa, yɛ nwɔ kɔ́ kɔ́ nuą kpulu hu kɛnɛ̨ yɛ munuun gbala, yɛ nwɔ tonwąi tamą, yɛ tulɔ hvaŋą a kɛi dɛ̨ɛ̨ kpoloon daɠa taɠa.

Azaya 41:25

Ŋą́ą́ nu təli, yɛ həɠə ɲələi pələ, aa pa, ə lɛɛ hvóló kulɔi pələ, ŋą dəli a naa, gaa ɓɔlɔn ɉii lɔi ɲąąwooɓo nuą mɛ̨i, yɛ da kɛ a palaya yɛ bələi pɔlɔ tan nuą da pɔlɔ tan na.

Azaya 42:6

Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Azaya 44:28

Ɲą́ą́ ɓə ŋą́ kɛ Sirusə ɓa: «Yɛ́ ɓə a nwɔ́ taatɛlɛɛi mɛ̨imun!» Gaa pai nííɓa mɛ̨nįɠaa kəlee ɲɛ̨i kulɔi, Gaa pai kɛi Ɉerusalɛmə ɓa: «'Ə́ pɛ̨nɛ̨ ə tɔɔ!» Ɛlɛɛ yɛ kɛ diɛ: «'Ka pɛ̨nɛ̨ ka Yálá nwɔ pɛlɛ́i hvilɛn a nįnɛ̨!»

Azaya 45:2

Ɲą́ą́ gbinįi, gáá pai kɛi hiɛi ə́ ɲɛ̨i tɔwɔ, gɛ́ gbu-kpuɠaa mąą yɛɛ, gɛ́ gwɛli kponŋąą hu yali, gɛ́ bɛlɛ́ laa kpulu kwɛliɠaa hu yali yali.

Azaya 46:11

Ɲą́ą́ ɓə ŋą́ kuwɔ́ təli, yɛ həɠə hvóló ɓɛlai bələ, yɛ pa, ŋą́ gwə́i mɛ̨nįɠaa ɲɛ̨i kulɔmun dəli, yɛ həɠə kpɔ kwɛala, mɛ̨nįi ŋį́ mo, gaa pai kɛi, mɛ̨nįi ŋą́ kili tee gwə́i, ŋį́ ɲąą yili, gáá pai ɲɛ̨i kulɔi.

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Azaya 52:5

Yiihu kɛa, lə ɓə kɛa ŋį́ gɛ? Yai-Laa woo li. Ɓɛlɔwai daa nwɔ nuąi hon na a mɛ̨inɛ̨ɛ̨, di laanɔ̨nwɔ̨ ɓo nuą di kaa tomąi, Yai-Laa woo li. Hvóló kəlee, da kɛ naa ɓɛlɛkpɛɛi mą.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.