Azaya 45:11 - Yálá laawoo hɛɓɛ (dc)

¹¹ Yai-Laa, yaai Israɛlə pɛli, ə ɓo a Israɛlə nwɔ Mąąhəɠəmun, nwoo ka, yɛ diɛ: Kaa ɓə mɔ̨ɔ̨ pai tɔɔi, kaa gɛ́ kolóɠaa lɛ mą́ą́, nónii mąą mɛ̨nį ɓa? Kaa ɲą́ą́wooɓo ɉɛnŋąąi ŋą́ di pɛli a ɲéé, di mąą mɛ̨nį ɓa?

Yálá laawoo hɛɓɛ

¹¹ Yai-Laa, yaai Israɛlə pɛli, ə ɓo a Israɛlə nwɔ Mąąhəɠəmun, nwoo ka, yɛ diɛ: Kaa ɓə mɔ̨ɔ̨ pai tɔɔi, kaa gɛ́ kolóɠaa lɛ mą́ą́, nónii mąą mɛ̨nį ɓa? Kaa ɲą́ą́wooɓo ɉɛnŋąąi ŋą́ di pɛli a ɲéé, di mąą mɛ̨nį ɓa?

Bible

¹¹ Yâwɛɛ, Eezuɛ Ŋɔɣâla Maa Waai, nyii Eezuɛ-ƃelai kpɛtɛ̂i, a m̀ôi ǹyɛɛi, “Lé ŋuŋ ma ƃo ƃé káyêei ká ḿarê kɛ̀ ŋ́gbɔɔi nuai mɛni ma, kpaa máŋ ká m̀ɛnii ƃó ḿâ ŋa pâi gbɛtɛ̂i a gɛ́ɛ ŋá gɛ́i.

Azaya 45:11 ပူးပေါင်းရင်းမြစ်များ

Zɛnɛse 32:26

Yii kɛa ə gaa yɛ ɲee hvo lɔi Ɉakɔbə ɓa, ə Ɉakɔbə kɛlɛ donwənən ma, ə nąą həɠə gee la gbilɛn gɔi lɔwai.

Azaya 19:25

Núwɔ́i Yai-Laa Mɛ̨nį Kəlee ŋą Hééɓomun kaa pai dooi nɔi ɓa, ya ka: «Lúwɔ́ ə kɛ nwɔ́ lɔi Eziptə ɓa da ɉu nuą, lúwɔ́ ə kɛ Asiri ɓa, yai ŋą́ bɛli a ɲéé, lúwɔ́ ə kɛ Israɛlə ɓa, yai a gwɛ́lin!»

Azaya 29:23

Mąąhɔlɔɓo, yii ŋį́ gɛ diɛ, da gaa, nonnii kaa pai Náá mąąhəɠəi, di kaa pai Ɉakɔbə nwɔ Mąąhəɠəmun laa mąąhəɠəi; di kaa pai kpɛlin ɉii Israɛlə nwɔ Yálái lííla.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 43:15

Ɲą́ą́ ɓə a Yai-Laa, ka wɔ Mąąhəɠəmun, yai Israɛlə pɛli, yɛ ɓo a ka wɔ Heeɓomun.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Azaya 43:7

Nuąi kpɔ tii náá kaa diɛ, a diɛi tii ŋį́ di pɛli, gɛ́ di kɛ yɛnɛ̨ɛ̨, gɛ́ di pɛli nwɔ́ mąąwiɛ mąą mɛ̨nį ɓa!

Azaya 44:2

Mɛ̨nįi Yai-Laa ə mo, ya ka, yai a ə́ pɛlimun, yai ə́ pɛli ə́ too ə́ lee kwəi, yɛ kpɔnmąą tɛɛ ə́ pɔ, Ɉakɔbə, 'hvó ɲɔw, yɛ́i a nwɔ tímun, yɛ́i ə́ hutɔɔ, yɛ́i ŋį́ ə́ həɠə ɉu a nííɓa.

Azaya 45:10

Nui a kɛ gaa-nąn mą: «Lə mɛ̨nį ɓa, ə́ gáá a lon?» Ɛlɛɛ yɛ kɛ gaalee ɓa: «Lə mɛ̨nį ɓa ə́ gɛ́ yɛnɛ̨ɛ̨?»

Azaya 48:17

Yai-Laa woo ka, yai tii ə́ nwun mąąɓoi, Israɛlə nwɔ nu mąąhəɠɛɛi, Ɲą́ą́ Yai-Laa, ɲą́ą́ ɓə gáá a ə́ wɔ Yálái, yai a ə́ mąąkwɛli, yɛ pɛli ɉu tɔ̨nɔ̨ hɔlɔɓoi, yai gɛ bələi tii yáá ɉon na, yɛ́ hiɛ mɛ̨i.

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,

Izikiɛ 39:7

Gáá pai gɛi di Náá mąąhəɠɛɛ kɔ́lɔn, nwɔ́ lɔi a Israɛlə lɔi, ɉu; ɛlɛɛ, vá kɛa Náá mąąhəɠɛɛ lɛɛ laa di hvo mɛlɛ kpɛɛ mą bələ ɓə lɔiɠaa da gili kɔ́lɔn na tii diɛ kɛ, ɲą́ą́ ɓə a Mɛ̨nį kəlee ŋą Hééɓomun. A Mąąhəɠə mun Israwɛlə lɔi hu.

Danîa 2:18

Ə gɛ, Yálái ŋɛ̨i gaa yələkɔlɔn ɉu, di mɛ̨nįi tii hu lɛ mą, ə di ɲɛ̨imąąwɛli kaa, ə mɛ̨nį loɔ tii kulɔ diɛ pɔ̨nɔ̨ŋa, ə ɠɛ, Daniɛlə da mɛlaa, ə mą kɛ, kilimąą nuą yiiɠaai di kaa Babilonə daai, di hvo pa di paa.

Osia 12:4

Ɉakɔbə ə laa niɛ tɔwɔ di lee kwəi, ɛlɛɛ, gɛɛ a kpakolo, da Yálá di gɔ́.

Markə 11:24

Yili ɓə gaa mą, gáá moi kaa, ɓɛlɔwai ka káá hɛn da hvɛli la Yálá ɓa, ka laa na kaa diɛ, kaa ɉɔlɔɓo; mąą hɛn tii a tɛɛ ka pɔ.

Korɛntə veelɛ 6:18

Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Zasua 10:12

Ɲələi tii Yai-Laa ə Amɔrə nuą too la Israɛlə lonnii yee ŋą, Ɉosue ə mɛ̨nį ɓo Yai-Laa ɓa Israɛlə lonnii kəlee ɲɛ̨i ɓa, yɛ mą: «Hvóló tɔɔ Gabaɔn taa mɛ̨i! Ɲąnin tɔɔ Ayalɔn nɛ̨ŋɛ̨ hu.»

Nwun mąąɓo 16:23

Yələ ta, Filisti tɔɔɓɛlaa di di ɲąą kpɔn, diɛ haláá kulɔ, di wɔ halii Dagɔn ɓa, diɛ ɉɛli pu. Diɛ kɛ di kee ɓa: Gu wɔ halii aa gu yowo Samsɔn hon aa dɛɛ gu pɔ.