Azaya 44:9 - Yálá laawoo hɛɓɛ (dc)

⁹ Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Yálá laawoo hɛɓɛ

⁹ Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Bible

⁹ Ɣâla pɔkɔɔŋ-ŋa mɛni káa nɔ́ kpɛ́ni-kpɛni. Diai da dí kpɛ̀tɛi, dífa mɛni lɛ́lɛɛ da sɔlɔ ƃô díyêei. Dífɛli-ƃela ŋɛ́i pûɔɔi. Dífe m̀ɛnii kɔ́lɔŋ da gɛ̂i. Ɣâla a pâi díkula maa kɛ̂i, dí ŋumɛ.

Azaya 44:9 ပူးပေါင်းရင်းမြစ်များ

Tɔɔɓɛlaa veelɛ 19:18

Daa yiliɠaa di wɔ haliɠaai kəlee kələn, kɛlaa, kɛ ɓə di mo a nu kanŋaa di wɔ yɛlɛ kóló kɛɛ, di ɓo a wuluɠaa, da kwɛni haɠaaɠaa, ya ɓə gɛ, Asiri tɔɔɓɛlaa diɛ di hukala.

Mąątɛ̨nɛ̨ 115:4

Di wɔ yáláɠaai kaa a hɛni, da wali, a diɛi a nukanŋaa yee pɔɔi.

Mąątɛ̨nɛ̨ 115:8

Nuąi di pɛli, di kɛ pələ kaa yɛ diɛ, da nuąi kpɔ da di kilitɔɔ diɛi.

Mąątɛ̨nɛ̨ 135:18

Nuąi da di pɛli, di kɛ pələ kaa lɔ yɛ diɛ, ə mą kɛ, nuąi da di kilitɔɔ diɛ.

Mąątɛ̨nɛ̨ 97:7

«Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 41:24

Kɛlaa kwáá gaa, ka hvo a hɛn da, ka yee hva pɛli mɛ̨nį ta kɛi, nu a ka həɠə ɉu, ɓɛlɛkpɛɛ mąą mɛ̨nį li.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Azaya 42:17

Nuąi tii kɛli di kilitɔɔ haliɠaa diɛ, di kaa yalii di pulu a nwumɛ̨ kɛnɛ̨, nuąi da kɛ kwɛli kpɛli kpɛli hɛnŋaa diɛ: «Kaa ɓə ɓaa ku wɔ yáláɠaa!»

Azaya 42:18

Wəli wolo nuą, 'ka mɛ̨nį mɛ̨n! Ɲɛ̨ipu nuą, ka ka ɲɛ̨i hee, ɛlɛɛ ka kɛɛ kaa!

Azaya 43:8

Nu huwui tii ɲɛ̨i kɔ́w kaa mą, kɛlaa ɲɛ̨i hva kɛɛ kaa, nu kan tii nwəli kaa mą, kɛlaa hva mɛ̨nį mɛ̨n, 'pa a gəlee.»

Azaya 43:9

Lɔi kəlee di mąnn di ɲąąkpɔn a gee ɓa, taaɠaa kəlee di mąn di yee lɔ geei, di nɛlɛ ɓə, nu ə hɔlɔɓo ɉu, yɛ mɛ̨nįɠaai ŋɛ̨i lɛɛ tɔwɔ, yɛ mo, ɛlɛɛ, mɛ̨nįɠaai daa gbɛa tɛɛ, di ta nɛlɛ ɓə nu ə hɔlɔɓo ɉu, yɛ di hukulɔ nąąlɔwai tɔwɔ? Di pa a mąą kɛlaɠaa, ɛlɛɛ di dɛ̨ą ɓo, nuą di mɛ̨n, diɛ kɛ diɛ: «Tɛ̨ą li.»

Azaya 44:11

Ɉali mąą nįnįn tii, ɲeepɔɠaa kəlee kaa pai nwumɛ̨i, yai bɛli nuą kaa lɔ a nu kanŋaa! 'Di kəlee di di ɲąą kpɔn, 'di pa ɓɛ! Di nwun mįnį-mįnį kaa pai yɛɛi a diɛ, di kəlee, diɛ nwumɛ̨.

Azaya 44:18

Di hvo mɛ̨nį kɔ́lɔn, di hva mɛ̨nį kpaɠala kaa, mąąhɔlɔɓo, di ɲɛ̨i kpinį pələ diɛ, di hva pɛli kɛɛ kaai, di kili wala wala pələ, mɛ̨nį ta hva pɛli lɔi di kili hu!

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Azaya 45:16

Diɛ ka, di ɲąą kpɔnŋąą, daa nwumɛ̨, lalan aa di ɲɛ̨i paa, gaa kpɔ tii, diɛ ka lii, lalan a di ɲɛ̨i paa kpɔ kɔlɔ́-kɔlɔ́, a ɉali pɛli nuą tii.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 57:12

Kɛlaa nwɛi, gáá pai ə́ «təlimo mɛ̨nį hukulɔi», ɛlɛɛ, ə́ kɛ kóló ta tɔlɔ hvo pai həlii yɛ́.

Azaya 65:13

Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Ɉeremi 2:11

Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Ɉeremi 2:26

Da nwuɔ̨mun ɉon nwuɔ̨ kɛi, nwumɛ̨ a tɛ la, bələ kpɔlɔɔ ɓə, Yələ ta, nwumɛ̨ kaa pai tɛi la a Israɛlə nuą, diɛ-o, di wɔ tɔɔɓɛlaai-o, di wɔ nwun nąmįną o, ɉaláá laa həli nuą-o, da nuąi da mɛ̨nį ɓo diɛ Yálá laa hu.

Danîa 11:38

A ɲalaɠaai tii mąąhvalin a niin la yálá, yii galaɓɔlɔni di hvo kɛ gɔlɔn. Gaa pai kɛi hɛni, wali kwɛli, da kwɛni kwəlɛɛɠaa, ə mą kɛ hɛn dakpɛliɠaa yiiɠaai mɛlɛ kaa mą, gaa pai kɛ gulɔi nwɔ yálái ɓa a haláá.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Lomaŋ 1:22

Da kɛ di kpɔɔ kaai yɛ kilimąą nuą, a mɛ̨nį gɛ, diɛmun daa ɓowo.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Ifisiɛŋ 4:18

Di wɔ kiliŋąhiɛ kaa a kpinį ŋą hon, diɛ ɓo a nwɛ̨ąą, Yálá nwɔ yɛnɛ̨ɛ̨ kɛ pələ hu, tɛɠii-yɛnɛ̨ɛ̨i tii di kaa ɉui, aa di kili walawala.

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Dutɛrɔnome 27:15

«‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›

Dutɛrɔnome 4:28

Ka kɛ laa haliɠaa yee mu yii nuą di bɛli a di yee, di ɓo a wulu, a kwɛni; di hva pɛli kɛɛ kaai, di hva pɛli mɛ̨nį mɛ̨n ɉii, di hva pɛli kɔ̨nɔ̨n mįi, di hva pɛli hɛn gun mɛ̨n ɉii.

Nwun mąąɓo 10:14

Yili ɓa, ɉaliɠaai tii ka ɉəɠə, ka di kɛ a ka wɔ yáláɠaai, ka mo diɛ. Diɛ ɓə mąąnɛ̨ɛ̨ di ka kulɔ kpaan ɉu.»