Azaya 44:3 - Yálá laawoo hɛɓɛ (dc)

³ Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Yálá laawoo hɛɓɛ

³ Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Nįį yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Bible

³ “Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Azaya 44:3 ပူးပေါင်းရင်းမြစ်များ

Zôo 5:25

Ə kaa pai ə́ huwu kaai ɉu yɛ kɛnɛ̨, ɛlɛɛ, ə́ mąą yɛ poo yɛ kala ɓɔn a pɛlɛ lɔi ɓa.

Mąątɛ̨nɛ̨ 107:35

A pɛli Ə lɔi pun ɉu kpalaa mąą pənə, a pɔwa lɔi kɛ̨nɛ̨, yɛ gbali lɔi pun ɉu kpalaa kɛ a ya nwun gulɔi.

Mąątɛ̨nɛ̨ 63:1

Davidə nwɔ wələ. Ɓɛlɔwai ə kɛ la Ɉuda lɔi pun ɉu.

Hanwon 1:23

'Ka pənə ka pa, 'ka nwɔ́ kilaa pɔ̨nɔ̨ wooi mɛ̨n! Akɛtii, gáá pai nwɔ́ Kilii tɛɛi ka pɔ, ŋą́ ka kilaa pɔ̨nɔ̨, ŋą́ gwə́i woo lɛ kaa.

Azaya 27:3

Ɲą́ą́, Yai-Laa, ɲą́ą́ ɓə ɲɛ̨́i kɛi mą, gɛ́ ya pu mą a yələ kəlee; ŋą́ yíi mąą kpɛi, gɛ́ túwɔ́ ɉu, ə gɛ nu hvo pa nəi lɔ laa.

Azaya 32:15

Ə lɛɛ ɉu, Yálá nwɔ Kilii ə həɠə yələi ə pa gu pɔ. Nąąlɔwai tii, lɔi pun a mąą pənə a nɔw-yɛa lɛlɛɛ, nɔw yɛ lɛlɛ yɛ wɛla wulu.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Azaya 48:19

ə́ huwu ə li kɛ yɛ ɲɛa kɔ́w, ɉu lonnii di ɓo yɛ kwɛni wean, naa hvo li kpɛɛ ɲɛ̨́i mu a yələ lɔpee ta, di hvo li kɛ naa waa laa.

Azaya 48:21

Kpələ wɛli hvo di hon nɔi pun tii ə di tɛɛ nąą pələ, ɉu; ə ya kulɔ kwɛni kpuwulu hu di mąą mɛ̨nį ɓa, ə gwɛni kpuwulu ɓɛla, tɛɛ yaɠaa di laa.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Azaya 61:9

Ka huwu kaa pai kɔ́lɔn ɉii hįį takpɛliɠaa lɔwai, ka lonnii diɛ kɔ́lɔn huwu kəlee lɔwai; Nuąi kpɔ pai di ɲɛ̨i tɔɔi diɛ, da di kɔ́lɔn, a nuąi Yai-Laa ə lúwɔ too diɛ.

Azaya 65:23

Di hvo kɛa pai di kpɔwɔ hvii kpɛɛi, yii dɔlɔ hva kɛ mą, di hvo kɛa pai lon gaai a kámą nwɔɔ. Mąąhɔlɔɓo, di kaa pai kɛi a Yai-Laa nwɔ lúwɔ lonnii, ɛlɛɛ, di mąnin ni kaa pai kɛi di pɔ.

Izikiɛ 34:26

Gáá pai lúwɔ kɛi nɔi ŋɛ̨i ɓa, da gwɛlɛ lɔiɠaa kəlee. Gɛ́ tulɔ pu di mɛ̨i a bui lɔwai, yili yɛ kɛ diɛ a lúwɔ.

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Izikiɛ 47:8

Yɛ mą́ą́: Ɲái ŋɛ̨i kaa li hvóló ɓɛlai pələ lɔi hu, yɛ yɛɛ Ɉurdɛn ɲa-ɓoloon bɔ lɔi hu, yɛ pu Gboloyá powa hu; a pa pui Gboloyá hu, gaa pai ɲá nɛ̨ɛ̨i.

Osia 10:12

'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.

Zooɛ 2:27

Ɛlɛɛ ka gɔlɔn kaa diɛ, ɲą́ą́ gbinįi gáá Israɛlə nu huwu lɔwai. Kaa diɛ: Gáá a Yai-Laa ka wɔ Yálá. Ɲɔ́nwɔ́man və mą. Nwumɛ̨ hva kpɔ kɛa tɛ a nwɔ́ nuą a yələ ta.

Zooɛ 3:1

Yai-Laa yɛ diɛ: «Yili kəlee tɛɛ pulu, gáá pai nwɔ́ Kilii yɛɛi nu kəlee pɔ. Ka lonnii hinąą da ka lonnii nɛ̨ąą di kaa pai kɛi Yálá kwəi mɛ̨nį ɓoi. Ka wɔ hulɔgoloɠaa diɛ hįįɠaa kaa, ka wɔ muhəɠə nįnɛ̨ɠaa diɛ kwɛlɛɛn gɛɛ kaa.

Mise 5:7

Nąąlɔwai, Ɉakɔbə nu kpəli woloi pai lɛɛi, gaa pai kɛi lɔiɠaa hu, nu huwu tamąą lɔwai, yɛ yala, lɔwɔ huwɔɠaa lɔwai, yɛ yala lon, ɓɛlaa kpulu lɔwai, dɛɛ pələ tɛitɛi, a ɓɔlɔ́n di mɛ̨i, yɛ di hon ɛlɛɛ nu hva hɔlɔɓo, yɛ di kulɔ ɲəi.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Maafîu 12:43

«Akɛ ɲį́nɛ̨n ɲɔ̨nwɔ̨ɔ̨ a həɠə nu ta pulu, a li yɛ kɛɛnąą lɛlɛɛ ta kwɛli ɓɛi mąąnɛ̨ɛ̨ ə vįitɔɔ laa. Akɛ a wala kɛɛnąą ta hɔlɔɓo,

Gɛlaɠaa 10:45

Laa na nuąi kɛ a Ɉuifəɠaa, diɛi lɛɛ Piɛrə pɔ diɛ pai, di kwəi ə pili diɛ, mąąhɔlɔɓo, Kili-Mąąhəɠɛɛ yəi mɛ̨inɛ̨ɛ̨ aa kɛ tɛɛ, ə mą kɛ, huwu takpɛliɠaa pɔ.

Gɛlaɠaa 2:17

«‹Yálá ə mo yɛ diɛ: Yɛnɛ̨ɛ̨ ɲąą kpɛɛi lɔwai aa kɛi həli, gáá pai nwɔ́ Kilii tɛɛi nu kəlee pɔ, ka lon ɉinąą da ka lon nɛ̨ąą da Yálá nwɔ wɛlɛɛ laa həli, ka wɔ hilɛlɛai diɛ mɛ̨nįɠaa kaa, ɉulɔgoloɠaa diɛ hįi kaa.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.