Azaya 44:1 - Yálá laawoo hɛɓɛ (dc)

¹ Kɛlaa, yiihu kɛa, Ɉakɔbə, ə́ wəli tɔɔ, yɛ́i a nwɔ́ tímun, Israɛlə, yɛ́i a nííɓamun!

Yálá laawoo hɛɓɛ

¹ Kɛlaa, yiihu kɛa, Ɉakɔbə, ə́ wəli tɔɔ, yɛ́i a nwɔ́ tímun, Israɛlə, yɛ́i a nííɓamun!

Bible

¹ Yâwɛɛ ǹyɛɛi, “Óo Zeeka, ŋátii kɛ́-nuui, íwoli tɔ́ɔ ḿâ, Eezuɛ-ƃela, káai ŋá ká sìɣe zu a ŋánûai.

Azaya 44:1 ပူးပေါင်းရင်းမြစ်များ

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Mąątɛ̨nɛ̨ 105:6

Kaai a nwɔ tímun Abrahamə kwəi, da niiɓamun Ɉakɔbə lonnii!

Mąątɛ̨nɛ̨ 136:22

Ə dɛɛ nwɔ tímun Israɛlə pɔ a gwɛlin! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 41:8

Kɛlaa yɛ́ Israɛlə, nwɔ́ tí mun, Ɉakɔbə, yɛ́i ŋį́ ə́ həɠə ɉu, kaai a mɛ́lan Abrahamə lonnii,

Azaya 41:9

kaai ŋį́ ka həɠə kpɔ lɔi kpon ɉeei, ka kɛ kpɔ ɓɛi lɔi a kpəla laa, gɛ́ ka təli, yɛ́ Israɛlə, yɛ́i ŋį́ kɛ yɛ́: «Ŋą́ tímun mąą yɛ́, ŋį́ ə́ həɠə ə́ ɓɛlaa lɔwai, və́ gíli kulɔ li ə́ hu.»

Azaya 42:23

Mɛ̨nįɠaai ŋɛ̨i gáá moi, ka nɛlɛ ɓə nwəli tɔɔi mą, yɛ nwəli tɔɔ kpɔ a nɛlɛɛ, yɛ mɛ̨n tínąą mɛ̨nį ɓa?

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 44:21

Ɉakɔbə, mɛ̨nįi ɲɛ̨i kili ə too ə́ ɲą, Israɛlə, nwɔ tímun mąą a yɛ́, ŋį́ ə́ pɛli a nwɔ tímun, Israɛlə, 'hva pɛli yá laai gɔ́lɔi.

Azaya 45:4

Nwɔ́ tímun Ɉakɔbə mąą mɛ̨nį ɓa, Ee, Israɛlə, yaai ŋį́ ɉəɠə ɉu, mąą mɛ̨nį ɓə ŋį́ ə́ təli la a ə́ laa, ŋį́ laa hee yɛ́.

Azaya 48:12

'Ə́ wəli tɔɔ Ɉakɔbə, Israɛlə yɛi gáá ə́ təlii. Gɛ́ pələ lɔ ɓaa gɛ́ pələ: Ɲą́ą́ ɓə a dɔlɔɔ tɔlɔɔ, ɲą́ą́ ɓə ɓaa gbəlan mąą.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.