Azaya 43:9 - Yálá laawoo hɛɓɛ (dc)

⁹ Lɔi kəlee di mąnn di ɲąąkpɔn a gee ɓa, taaɠaa kəlee di mąn di yee lɔ geei, di nɛlɛ ɓə, nu ə hɔlɔɓo ɉu, yɛ mɛ̨nįɠaai ŋɛ̨i lɛɛ tɔwɔ, yɛ mo, ɛlɛɛ, mɛ̨nįɠaai daa gbɛa tɛɛ, di ta nɛlɛ ɓə nu ə hɔlɔɓo ɉu, yɛ di hukulɔ nąąlɔwai tɔwɔ? Di pa a mąą kɛlaɠaa, ɛlɛɛ di dɛ̨ą ɓo, nuą di mɛ̨n, diɛ kɛ diɛ: «Tɛ̨ą li.»

Yálá laawoo hɛɓɛ

⁹ Lɔi kəlee di mąnn di ɲąąkpɔn a gee ɓa, taaɠaa kəlee di mąn di yee lɔ geei, di nɛlɛ ɓə, nu ə hɔlɔɓo ɉu, yɛ mɛ̨nįɠaai ŋɛ̨i lɛɛ tɔwɔ, yɛ mo, ɛlɛɛ, mɛ̨nįɠaai daa gbɛa tɛɛ, di ta nɛlɛ ɓə nu ə hɔlɔɓo ɉu, yɛ di hukulɔ nąąlɔwai tɔwɔ? Di pa a mąą kɛlaɠaa, ɛlɛɛ di dɛ̨ą ɓo, nuą di mɛ̨n, diɛ kɛ diɛ: «Tɛ̨ą li.»

Bible

⁹ M̀ó ŋ̀éniɛi su-ƃelai kélee dîa a gɛ́ɛ dí díŋa lɛ́ɣɛ gîe ma. Díɣâla-ŋai nenɛ̂ ƃé a m̀ɛnii ƃò gáa kɛ̂i sâai? Dí pá a sêre-ŋa dí dímaa sêre faa kɛ́, a gɛ́ɛ é ǹɛ́ a gɛ́ɛ dímɛnii lɛ̂lɛɛi, é díwoo maa sêre faa kɛ́ a gɛ́ɛ gáa a tɔ̃yâ.

Azaya 43:9 ပူးပေါင်းရင်းမြစ်များ

Mąątɛ̨nɛ̨ 50:1

Asafə nwɔ wələ woo. Yáláɠaa di wɔ Yálá, Yai-Laa aa hvaa; aa lɔi nuą kəlee təli ɲąąkpɔn ma. Ə həɠə voló kulɔi pələ, ə həli dooi pələ.

Azaya 34:1

'Lɔiɠaa! 'Ka lɛɠɛ ɓɛ! 'Ka ka wəli tɔɔ! Yɛnɛ̨ɛ̨ nuą! 'Ka ka wəli tɔɔ kpɔ a nɛlɛɛ! Lɔi da ɉu hɛnŋąą kəlee di di wəli tɔɔ; yɛnɛ̨ɛ̨ pilɛɛ gee mɛ̨i da ɉu lonnii kəlee.

Azaya 41:1

Gboloyá hɛ̨ąi lɔiɠaa, ka ka laa pilɛ nííla, ɛlɛɛ, nuą di di hɛ̨ą yili, di lɛɠɛ ɓɛ, ɛlɛɛ di hvaa, kwa diɛni ku hee kɛa giti ɓa.

Azaya 43:26

Yii ə́ kwəi, mo, ɛlɛɛ, gu nu hveelɛi, gu hee giti haɠa ɓa, ə́ woo hukulɔ, akɛ yá pɛli ə́ kpɔwɔ tələnmoi.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Azaya 48:14

'Ka kəlee ka ka ɲąąkpɔn, ka ka wəli tɔɔ, di nɛlɛ ɓə a mɛ̨nįɠaai ŋɛ̨i lɛɛ tɔwɔ, ə di hukulɔ, yɛ kɛ diɛ: Nui Yai-Laa a nwɛli la kɛ, gaa pai niiɓa mɛ̨nįɠaa ɲɛ̨i kulɔi, yɛ hvilɛn na Babilonə da bulu nuą diɛ, diɛi a Kalde nuą?

Azaya 48:3

Mɛ̨nį tɔlɔɔɠaai tii daa tɛɛi, ŋį́ di lɛɛ kpɔ kwɛaa la, ŋį́ mo, bələ ə kulɔ ná, ŋį́ ɉukulɔ, ŋį́ gɛ́ tii kɛ ɉu, di pa lɔ nu kəlee tɛɠii.