Azaya 43:25 - Yálá laawoo hɛɓɛ (dc)

²⁵ Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Yálá laawoo hɛɓɛ

²⁵ Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Bible

²⁵ Ŋ́gaa a Ɣâla. Ńyãa ƃa núu su-mɛni lɛ̀ɛ. Ŋa gɛ̀ tí, kpɛ́ni fêi, ŋ́gaa a ńyãa Ɣâla. Ŋa pâi ísu-mɛni lɛɛ̂i zɔnyɔ̂ŋ-ŋai ya gɛ́i m̀ɛni ma.

Azaya 43:25 ပူးပေါင်းရင်းမြစ်များ

Kɔlɔnikɔ Veerɛi 6:21

Ə́ mąąnɛ̨ɛ̨ wooɠaai yɛ́ tímun da yɛ́ nu huwui Israɛlə di kaa moi yɛ́, gɛɛnąą ŋɛ̨i ɓa, nɛ̨ɛ̨ Yɛ́! Ə́ wəli tɔɔ mą! Ɓɛi tii Ə́ kaa laa yələ kɔ́lɔn ɉu, Ə́ wəli tɔɔ laa diɛ, Ə́ ku mąąhvaalɛɛ.

Mąątɛ̨nɛ̨ 103:12

Bələi lɔ hvóló həɠəi mąąkwɛaa la hvóló tooi ɓa, bələ lɔ ɓə a gu hɔn mąąkwɛa la guɔ.

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Mąątɛ̨nɛ̨ 25:11

Ə́ laa mąąwiɛ mɛ̨nį ɓa, Yai-Laa, nwɔ́ nɛ̨ŋɛ̨n mąąhvaa lɛɛ, gɛnɛ̨ ɓə!

Mąątɛ̨nɛ̨ 25:7

'Hvó kɛa ə́ kili lɛɛ, múhəɠɛɛ yələ nɛ̨ŋɛ̨ŋaa diɛ, da nwɔ́ túwú pələ ɲɔ̨nŋaa, Kɛlaa, ə́ kiliŋąhiɛ ə́ vilɛn mą́ą́ ə́ wɔ ɲɛ̨imąąwɛlikaa hu, Gbala ə tɔɔ, Yai-Laa, yɛ́ mɛ̨nį lɛlɛɛi.

Mąątɛ̨nɛ̨ 51:3

'Mą́ą́wɛli kaa, nwɔ́ Yálá, yɛ bələ yá ɲɛ̨imąąwɛli kaai kaa la; nwɔ́ nɛ̨ŋɛ̨n nwaa, yɛ bələi yɛ́ wɛlikɛmąąlaa kaa lai.

Mąątɛ̨nɛ̨ 51:4

'Nwɔ́ túwɔ́ pələ ɲɔ̨n nwaa kpɔ mą́ą́ tɛ̨ɛ̨tɛ̨ɛ̨, 'nwɔ́ nɛ̨ŋɛ̨n nwaa mą́ą́ ə́ mą́ą́həɠə.

Mąątɛ̨nɛ̨ 51:9

Nwɔ́ nɛ̨ŋɛ̨n kulɔ mą́ą́ a isopə, mą́ą́ ə həɠə. Nwáá, ŋį́ kwələ, ŋį́ tɛɛ yeehunwɔ̨ ɓa.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Azaya 37:35

Gáá pai daa ŋɛ̨́i mąąkɔ̨nwɔ̨i, ŋį́ nwun mąąɓo, ɲą́ą́ mą́ą́ mɛ̨nį ɓa, kwa nwɔ tímun Davidə.»

Azaya 38:17

Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Azaya 43:11

Ɲą́ą́, ɲą́ą́ ɓə a Yai-Laa, nwun mąąɓomun dakpɛli hvo la ə kulɔ ɲą́ą́ búlu.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 48:11

Ɲą́ą́ gbinįi mąą mɛ̨nį lɔ ɓə gɛ gɛ́ yili kɛ tii, mąą honɛɛli kɛ di hvo náá ɓɛlɛ too. Vá nwɔ mąąwiɛ tɛɛ nu takpɛli pɔ.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Azaya 64:9

Yɛ́ taa mąąhəɠɛɛɠaa daa lɛɛ a lɔi pun, Siɔn taa aa lɛɛ a gboloon, Ɉerusalɛmə ɲɛ̨i aa paa.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Izikiɛ 18:22

Di hva kɛa di kiliŋąhiɛ nwɔ kulɔ nwoo mu laai lɔpee ta ɓa, kɛlaa dəlimo laai tii ə gɛ, yili mąą mɛ̨nį ɓə gaa pai lɛɛi la yɛnɛ̨ɛ̨.

Izikiɛ 20:14

Kɛlaa ə mą kɛ tii, ŋą́ gɛ́ mɛ̨nį kɛ ɉu; náá mąą mɛ̨nį ɓa, mɛ́lɛ hvo pa lee kpɛɛ mą́ą́, lɔiɠaa ɲɛ̨i ɓa; a diɛi tii ŋą́ Israɛlə kulɔ nuwɔ laa hu di ɲɛ̨i ɓai.

Izikiɛ 20:22

Kɛlaa, ŋą́ ɲéé yali bulu, ŋą́ gɛ́ mɛ̨nį kɛ, náá mąą mɛ̨nį ɓa; náá hvo pa ləi pu, nɔiɠaai tii di kɛ ɉu, gɛ́ di kulɔ laa, yiliɠaai ɲɛ̨i ɓa.

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Izikiɛ 33:16

Nɛ̨ŋɛ̨nŋaai ə gɛ, di hva da wulu lɛɛ nwuɔ̨, ə tɛ̨ą mɛ̨nį kɛ da tələnmolaa; yili mąą mɛ̨nį ɓa, gaa pai lɛɛi yɛnɛ̨ɛ̨.

Izikiɛ 36:22

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ka mąą mɛ̨nį hvəi gáá mɛ̨nįi ŋɛ̨i kɛi la, kaai a Israɛlə lonnii; kɛlaa, gáá gɛi tii, náá mąąhəɠɛɛi ka mɛlɛ too nɔiɠaai ka li di hu, mąą mɛ̨nį ɓa.

Izikiɛ 36:32

Ka mąą mɛ̨nį hvo gáá gɛi la, mąąnɛ̨ɛ̨ ka kili ə kɛ tii ɉu. Mɛ̨nį kəlee ŋą Hééɓomun Yálá woo li. Ka nwumɛ̨, mąąnɛ̨ɛ̨ ka nwumɛ̨ ka túwɔ pələ mąą mɛ̨nį hu, Israɛlə nwɔ pɛlɛ́i!

Markə 2:7

«Lə mɛ̨nį ɓa nui ŋɛ̨i kaa hvaai ŋɛ̨i? Gaa Yálá lalan ɉi! Gbɛɛ ɓə a pɛli nɛ̨ŋɛ̨n mąąhvaalɛɛi, akɛ Yálá yaa tɔ̨nɔ̨ hvəi?»

Lukə 5:21

Tɔ́n galamɔ̨ɔ̨ɠaa da Farisiɛ̨ɠaa tii kɛ laa, di mo di kee lɔwai, diɛ kɛ mą: «Nu nɛlɛ ɓəi, yaai gaa Yálá lalan ɉi? Yálá yaa tɔ̨nɔ̨ gbən lɔ ɓə a pɛli nɛ̨ŋɛ̨n mąąhvaalɛɛi.»

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Ifisiɛŋ 1:8

Yálá ə gu pilɛ a ɲəi mɛ̨inɛ̨ɛ̨, a mɛ̨nį kɔlɔn gili, da kilikɛɲəi laa.

Hebreu 10:17

Ɛlɛɛ, di wɔɔ nɛ̨ŋɛ̨nŋaa da di wɔ túwɔ́ pələ ɲɔ̨nŋaa, vá kɛa gílí lɛɛ di hu.»

Hebreu 8:12

Gbala ə tɔɔ, ŋą́ mɛ̨inɛ̨ɛ̨ kɛ diɛ, ŋį́ di kɛ mɛ̨nį ɲɔ̨nŋaa mąąhvaalɛɛ, ŋį́ di wɔɔ nɛ̨ŋɛ̨nŋąa kəlee naa kili kpɛɛ ɲą́.»