Azaya 43:20 - Yálá laawoo hɛɓɛ (dc)

²⁰ Lɔwɔ huwɔɠaa kaa pai náá tɛi, lɔwɔ-yilɛɠaa, da hɔ̨nwɔ̨nɔ̨gɔlɔnŋaa, mąąhɔlɔɓo, ŋį́ yá kulɔ ɲɛ̨ą-lɔi kpalaa hu, gɛ́ tɛɛ yá kpɛa kpɛa laa kpomó hu, nwɔ́ nuą diɛ di kpələ, diɛi tii a nííɓa nuąi.

Yálá laawoo hɛɓɛ

²⁰ Lɔwɔ huwɔɠaa kaa pai náá tɛi, lɔwɔ-yilɛɠaa, da hɔ̨nwɔ̨nɔ̨gɔlɔnŋaa, mąąhɔlɔɓo, ŋį́ yá kulɔ ɲɛ̨ą-lɔi kpalaa hu, gɛ́ tɛɛ yá kpɛa kpɛa laa kpomó hu, nwɔ́ nuą diɛ di kpələ, diɛi tii a nííɓa nuąi.

Bible

²⁰ Ǹɔɔ fɛnɛ-sãai da pâi ƃaa kɛ́ maa tɛɛ̂i ḿbɔ. Ǹɔɔ ɣîla-ŋai da dua-too ŋɔni-ŋai da pâi laa tɛ tɛɛ̂i ḿbɔ. Ŋá gɛ́ yá é láa vɛ̃ɛ-kpâlaŋ su a gɛ́ɛ ŋánûai ŋá dí sìɣe zui, díkɛ díkpele la.

Azaya 43:20 ပူးပေါင်းရင်းမြစ်များ

Kɔlɔnikɔ Maa-ŋuŋ 16:13

Kaai ɓaa nwɔ tínuą, Israɛlə nu huwu, kaai a Ɉakɔbə lonnii, kaai ə ka həɠə ɉu, 'ka ká kili lɛɛ Yai-Laa hu!

Mąątɛ̨nɛ̨ 104:21

Yalaɠaa diɛ huluun, di kɔ̨nɔ̨nŋaa pulu, diɛ di kɔ̨nɔ̨n vɛli Yálá ɓa.

Mąątɛ̨nɛ̨ 148:10

lɔwɔ huwɔɠaa da taatɛlɛɛ kəlee, tala hɛnŋąą da nwɛ̨niɠaa kəlee,

Mąątɛ̨nɛ̨ 33:12

Nɔi Yai-Laa kaa a nwɔ Yálá, nwun na nɛ̨ɛ̨ lɔi li, nu huwui ə ɉəɠə ɉu a gwɛlin, nwun na nɛ̨ɛ̨i!

Azaya 13:22

Hvuluɠaa diɛ di kee woo mu hon, tɔɔ pɛlɛ́ɠaa mu, kwɛliɠaa di ɓo nu kpɛa-kpɛaaɠaa di wɔ pɛlɛ́ lɛlɛɛɠaai mu, nąąlɔwai kaa lɛɠɛi, Babilonə nwɔ hvóló tii hu hvo kɛa kwɛa li.

Azaya 30:25

Tɛɛyá kaa pai kɛi kulɔi yee ton gwɛaa hu, da yee kpɛa-kpɛa kəlee nwuɔ̨ a gboloon gɛnɛ̨, a nu paa yələ kɛnɛ̨i, a ɲələi daa mąą kpɛ hį́iɠaa da pu la.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Azaya 33:21

Nąą ɓə Yai-Laa kaa pai kɛi laa gu yəi a mɛ̨nį kɛnɛ̨ɛ̨, nąą kaa pai kɛi a yá kpɛa-kpɛa tɛɛ lɔi, da yá heen gbɛa-kpɛa; Kɛlaa, kələn da lɔpee hvo pai tɛɛi laa, ə mą kɛ kələn nɛlɛɛ ɓə, hva tɛɛ laa.

Azaya 35:7

Powa yɛ hee ɓɛi kɛ nąą kpalaa kpɔ kən kən, yánwun ɲɛ kulɔ ɓɛi kɛ a kpələ wɛli lɔi, ɓɛi kɛ a kwɛni lɔi, mąą kaa pai pənəi a wɛla lɔi.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Azaya 41:18

Lɔiɠaai kɛ di hu kpalaa, gáá pai ya kpɛa-kpɛa laai laa, gɛ́ lɔi pun mąąpənə a powa, gɛ́ yá nwun gulɔiɠaa kɛ ɓoloonŋąą hu, gɛ́ lɔi hu kpalaa mąąpənə a ya lɔi.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Azaya 48:21

Kpələ wɛli hvo di hon nɔi pun tii ə di tɛɛ nąą pələ, ɉu; ə ya kulɔ kwɛni kpuwulu hu di mąą mɛ̨nį ɓa, ə gwɛni kpuwulu ɓɛla, tɛɛ yaɠaa di laa.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Markə 13:20

Akɛ Ną́mu Yálá hvo kɛ volóɠaai tii hu kpuwɔ li, nui lɔpee ta nwun mąą hvo li ɓo. Kɛlaa, Ną́mu Yálá ə volóɠaa tii hukpuwɔ nuą yiiɠaai ə di həɠə ɉu di mąą mɛ̨nį ɓa.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.