Azaya 43:14 - Yálá laawoo hɛɓɛ (dc)

¹⁴ Yai-Laa woo ka, yai a ka nwun mąąɓo, Israɛlə nwɔ Mąąhəɠəmun, yɛ diɛ: Gáá kɔ́ pɛlɛi Babilonə ɓa, ka mąą mɛ̨nį ɓa, gɛ́ nąą nuą kəlee kɛ a nuąi da pu kɔ́ tɔwɔ, a tɛ̨ą, Kalde nuą kaa pai kɛi pui; kələnŋąą hu, ɓɛi di yee looa wooɠaa ə kɛi tɔɔ laa a kwəinɛ̨ɛ̨.

Yálá laawoo hɛɓɛ

¹⁴ Yai-Laa woo ka, yai a ka nwun mąąɓo, Israɛlə nwɔ Mąąhəɠəmun, yɛ diɛ: Gáá kɔ́ pɛlɛi Babilonə ɓa, ka mąą mɛ̨nį ɓa, gɛ́ nąą nuą kəlee kɛ a nuąi da pu kɔ́ tɔwɔ, a tɛ̨ą, Kalde nuą kaa pai kɛi pui; kələnŋąą hu, ɓɛi di yee looa wooɠaa ə kɛi tɔɔ laa a kwəinɛ̨ɛ̨.

Bible

¹⁴ Eezuɛ Ŋɔɣâla Maa Waai nyii gáa a káŋuŋ maa ƃó Ɣâlai ǹyɛɛi, “Ŋa pâi káŋuŋ maa ƃôi, ŋá kákula Babelɔŋ-ŋai yêei. Ŋa pâi kɔ-kuluƃa-ŋa tɛɛ̂i naa dí ǹaa siɣãŋ-ŋai lá wólo. Ǹaa-ƃelai dílii-nɛ̃ɛ kula-wôoi a pâi penêi a wɔ́lɔ-wôo.

Azaya 43:14 ပူးပေါင်းရင်းမြစ်များ

Zôo 19:25

Nwɛ́i, gíli kaa ɉu gɛ́ nwún mąąɓomun gaa a vulú, ya ɓə pai kɛi a nu gbəli, ə həɠə lɔi mɛ̨i.

Mąątɛ̨nɛ̨ 19:14

Ə́ wɔ tímun mąąkwɛa kpɔwɔ ɲąąkɛ̨nɛ̨ nuą diɛ, di yee hvo pɛli mą́ą́, a kɛ tii, mą́ą́kulɔi hvo pai kɛi mą́ą́; ɛlɛɛ, ɲéé hva kɛ nɛ̨ŋɛ̨n gɛnɛ̨ɛ̨ hu.

Azaya 23:13

Ə́ ɲɛ̨i hee Kalde lɔi ɓa: nu huwu tii hvo kɛa yɛnɛ̨ɛ̨. Asiri aa nąą kɛ a lɔwɔɲąąleeɠaa taa ŋą, daa kɛ daaɠaa mąąkpɛ pɛlɛ́ɠaa tɔɔ, daa hįįɠaa tɔɔ diɛ; Asiri aa nąą lɛɛ a huwɔ hu.

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 47:4

Nui a ku nwun mąąɓo, naa ɓaa a Yai-Laa Mɛ̨nį Kəlee ŋą Hééɓomun, Israɛlə nwɔ Mąąhəɠəmun.

Azaya 48:17

Yai-Laa woo ka, yai tii ə́ nwun mąąɓoi, Israɛlə nwɔ nu mąąhəɠɛɛi, Ɲą́ą́ Yai-Laa, ɲą́ą́ ɓə gáá a ə́ wɔ Yálái, yai a ə́ mąąkwɛli, yɛ pɛli ɉu tɔ̨nɔ̨ hɔlɔɓoi, yai gɛ bələi tii yáá ɉon na, yɛ́ hiɛ mɛ̨i.

Ɉeremi 51:13

Yɛ́i heeni yákpɛa kpɛaɠaa kwɛlɛ, ə́ yee laa hvɛɛ hɛn gɔw hu, ə́ wɔ yɛnɛ̨ɛ̨ aa kpɛɛ. Yáá ə́ tɔ̨nɔ̨ kəlee hɔlɔɓo.

Ɉeremi 51:24

Mɔ̨nɔ̨ɠaa kpɔ Babilonə da Kalde nuą di naa Siɔn ɓa, gáá gəlee kwələ kulɔi diɛ ka ɲɛ̨i ɓa. Ɲą́ą́ Yai-Laa nwóó li!

Izikiɛ 39:7

Gáá pai gɛi di Náá mąąhəɠɛɛ kɔ́lɔn, nwɔ́ lɔi a Israɛlə lɔi, ɉu; ɛlɛɛ, vá kɛa Náá mąąhəɠɛɛ lɛɛ laa di hvo mɛlɛ kpɛɛ mą bələ ɓə lɔiɠaa da gili kɔ́lɔn na tii diɛ kɛ, ɲą́ą́ ɓə a Mɛ̨nį kəlee ŋą Hééɓomun. A Mąąhəɠə mun Israwɛlə lɔi hu.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą