Azaya 43:13 - Yálá laawoo hɛɓɛ (dc)

¹³ A tɛ̨ą, wɔlɔ-wɔlɔ ɓa wɔlɔ-wɔlɔ ɓa, ɲą́ą́ lɔ laa! Hɛn ɲéé a ɉon, nu ta hva gulɔ ɲə́i, mɛ̨nįi ŋą́ gɛ, gbɛɛ kpɔ ɓə a pɛli ɉəɠəi mą?

Yálá laawoo hɛɓɛ

¹³ A tɛ̨ą, wɔlɔ-wɔlɔ ɓa wɔlɔ-wɔlɔ ɓa, ɲą́ą́ lɔ laa! Hɛn ɲéé a ɉon, nu ta hva gulɔ ɲə́i, mɛ̨nįi ŋą́ gɛ, gbɛɛ kpɔ ɓə a pɛli ɉəɠəi mą?

Bible

¹³ Ŋ́gaa a Ɣâla, ǹyaŋ ŋa pâi kɛ̂i a Ɣâla wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri kulâi ŋáwala-walai mu. M̀ɛnii ŋa gbɛ̀tɛi, núu da fa pɔ̂ri m̀aa fálenîi.”

Azaya 43:13 ပူးပေါင်းရင်းမြစ်များ

Zôo 10:7

Yɛ́ kpinįi gbaɠala kaa yɛ́, ɉɔ́n və mą́ą́, ə lɛɛ nu ta hva pɛli gúlɔi ə́ yee ŋą.

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Zôo 9:12

A hɛn ɉon, gbɛɛ ɓə a gulɔ ɲəi? Gbɛɛ ɓə a kɛ mą: Lə ɓə ŋɛ̨i ə́ kaa gɛi?

Mąątɛ̨nɛ̨ 102:28

Ə́ kɛ pələ laa lɔ ɓaa a Ə́ kɛ pələ, kpɛɛ hvo ə́ wɔ kwɛlanŋaa diɛ.

Mąątɛ̨nɛ̨ 50:22

Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Mąątɛ̨nɛ̨ 93:2

Ə həɠə gɔwɔ tɔɔ yələ ɓa, ə́ wɔ tɔɔkpəlin hvilɛn ŋąą kpɔ gbilin, wɔlɔ-wɔlɔ ɓa wɔlɔ-wɔlɔ ɓa, Yɛ́ lɔ ɓə laa.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Hanwon 8:23

Ɲą́ą́ ɓə ə gbɛa ɉéé hɛn gəlee nwun na, ŋį́ gbɛa kɛ laa, gɛɛ hvo yɛnɛ̨ɛ̨ pɛli.

Azaya 14:27

Yai-Laa Mɛ̨nį Kəlee ŋą Hééɓomun, a mɛ̨nį mąą kili tee gwəi, gbɛɛ ɓə a pɛli ɉəɠəi mą? A ɲee tɛ yələi, gbɛɛ ɓə a pɛli ɲɛɛi?

Azaya 41:4

Gbɛɛ ɓə a mɛ̨nį taaləi tii kɛ? Hvo kɛli nui nu huwu kəlee təli a gɔwɔ tɔɔi lɔwai, Ɲą́ą́, gáá a Yai-Laa, a dɔlɔɔ, bələ lɔ ɓə nwɔ̨nɔ̨ gáá pai kɛi laa ɲąąkpɛɛi lɔwai; ɲą́ą́ ɓə.

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Azaya 46:4

ə lɛɛ la ɉu ka pɔlɔ, gɛ́ pələ laa lɔ ɓaa a gɛ́ pələ, ə lɛɛ ɉu ka nwun ə pɔwa, ɲą́ą́ ɓə pai ɲɛ̨́i kɛi kaa, ŋą́ą́ ɓə ta gɛ tii, gáá lɔ nwɔ̨nɔ̨ pai gɛi, gáá pai ɲéé pui ka mu, ŋį́ ka ɓalo.

Azaya 47:15

Bələ ɓə ə́ wɔ tɔlukpɛ nuąi kaa pai kɛi la yɛ́, diɛi ə́ ə́ kpɔwɔ hviikpɛɛ di pulu ə həɠə ə́ muhəɠə yələ ɓa, di kəlee di kaa pai lii di nwun mą, di ta lɔpee hva pɛli ə kulɔi mɛ̨nįi.

Azaya 48:16

'Ka ka mąą lɛɠɛ mą́ą́, 'ka mɛ̨nįi ŋɛ̨i mɛ̨n, ə həɠə gɔwɔ tɔɔ yələ ɓa, və́ ta mɛ̨nį ta ɓoli loo pələi, ə həɠə nwɔ̨nɔ̨ mɛ̨nįi tii kɛ yələ ɓa, gáá lɔ ɓɛ, yili mukulaa ɓaa, Mɛ̨nį kəlee ŋą Hééɓomun Yálá ɓə dɔ́ɔ́, a nwɔ Kilii.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Osia 2:10

Hvo kɛ gbaɠala kɔ́lɔn yɛ kɛ mɔ̨nun, wulɔ, lɔɔ nɛ̨ɛ̨, ɲą́ą́ ɓə kɛi di tɛɛ bɔ, ŋį́ kɛi wali tiɛ̨ mą, ɛlɛɛ, ɉɛni nwɛi, di kɛi Baalə mąą mɛ̨nį kɛ la.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Habakukə 1:12

Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ.

Lonon mo 23:20

Daa dí, diɛ ŋį́ lúwɔ́ too, Mąąhɔlɔɓo, Yálá aa lúwɔ́ too, və́ pai nwóó yalii bulu.

Ɉaan 8:58

Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Dutɛrɔnome 28:31

Da ka wɔ niŋɛ̨i paa ka ɲɛ̨i ɓa, ka hva ɉuwɔ ta mįi. Da ka wɔ hoohvaalən kulɔ ka yəi, hva kɛa bulu pənə kaa. Ka wɔ ɓɛlaa haaɠaa da lɛɛ a ka yowoɠaa pɔɔ, nui lɔpee ta hva hɔlɔɓo, hvo ka mąą kpɔmąąɓo.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

Zasua 2:2

Nuą di li di ɉukulɔ Ɉeriko tɔɔmun ma, diɛ mą: «Israɛlə nuą di háá pa ɓɛ a kpinį, nɔi hu kaai.»

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.