Azaya 42:6 - Yálá laawoo hɛɓɛ (dc)

⁶ Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Yálá laawoo hɛɓɛ

⁶ Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Bible

⁶ “Ńyãa ƃa Yâwɛɛ. Ŋaâ ísiɣe zu a gɛ́ɛ í pá a teniŋ ƃô-laa ŋ̀éniɛi su. Ŋa wála-wala tɛɛ ípɔ, ŋ́gɛ ímɛi kâa. Ŋa pâi kpanaŋ-woo kɛ̂i ŋánûai yêei ísarâi, ŋá kwaa ponóɔɔ tɛ́ɛ ǹɔii-ŋai pɔ́ ísârai.

Azaya 42:6 ပူးပေါင်းရင်းမြစ်များ

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Azaya 27:3

Ɲą́ą́, Yai-Laa, ɲą́ą́ ɓə ɲɛ̨́i kɛi mą, gɛ́ ya pu mą a yələ kəlee; ŋą́ yíi mąą kpɛi, gɛ́ túwɔ́ ɉu, ə gɛ nu hvo pa nəi lɔ laa.

Azaya 32:1

A kɛ tii tɔɔmun gaa pai kɛi dɔɔlaa kɛi a tələnmolaa, nɔi ɲɛ̨i tɔwɔ nuą diɛ nɔi ɲąąwooɓo a tɛ̨ą pələ.

Azaya 41:13

Mąąhɔlɔɓo, ɲą́ą́ Yai-Laa, gáá a ə́ wɔ Yálá, ŋį́ ə́ hon a ə́ ɓa-mįi-yee, gɛ́ kɛ yɛ́: «'Hvó ɲɔw, dɔ́ɔ́i ə́ pulu.»

Azaya 41:2

Dələnmo mun həɠə hvóló kulɔi pələ, gbɛɛ ɓə ɲali bulu, yɛ bənə yɛ ba, yɛ lɔiɠaa pɛlɛ gɔwɔ mu, yɛ tɔɔɓɛlaa pɛlɛ lɔi ɓa, yɛ nwɔ kɔ́ kɔ́ nuą kpulu hu kɛnɛ̨ yɛ munuun gbala, yɛ nwɔ tonwąi tamą, yɛ tulɔ hvaŋą a kɛi dɛ̨ɛ̨ kpoloon daɠa taɠa.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 45:1

Yai-Laa woo ka, nui ə mąątí a tɔɔ wulɔ, mą, yɛ mą: A Sirusə ŋɛ̨i ŋą́ą́ ɉon a mamįiyee, gɛ́ lɔiɠaa pɛlɛ gɔwɔ mu, gɛ́ tɔɔɓɛlaa di wɔ hvąŋąlaa kulɔ di yəi, gɛ́ daa mąą kpɛ kponŋąą laaɓo dɔwɔ, gbonŋąąi tii da hva pɛli lɛɛi a naa kpulɔɔ dɔwɔ.

Azaya 45:13

Ɲą́ą́ ɓə ɉulɔnui ŋɛ̨i kulɔ, a tələnmolaa, gáá pai nwɔ pələɠaa kəlee hu lalai, ya ɓə pai nwɔ́ taai tɔɔi a nįnɛ̨; ŋą́ nuąi kɔluwɔlaa hu, gɛ́ pənə gɛ́ pa a diɛ di wɔ lɔi hu. Wali kulɔ mɛ̨nį, da hvɛla kulɔ mɛ̨nį da hva kɛ ɉu. Mɛ̨nį Kəlee ŋą Hééɓomun Yai-Laa woo li!

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 49:8

Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.

Ɉeremi 12:16

Akɛ da tɔɔ a di nwąnąąi, diɛ di túwɔ́ a nɛlɛɛ yɛ nwɔ́ nuą, diɛ di mąą kwɛli a di woo kwɛlɛɛ a náá, yɛ́ bələi lɔ di nwɔ́ nuą mąą kwɛli la a di woo kwɛlɛɛ Baalə ɓa, diɛ kɛ mą: «A tɛ̨ą Yai-Laa kaa a vulú» da gɛ tii, da di heei hɔlɔɓo nwɔ́ nuą lɔwai.

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Gɛlaɠaa 13:47

Ɛlɛɛ yaan, mɛ̨nįi kpɔ gu Ną́mu Yálá ə ku tí la, yaa li yɛ kɛ diɛ: «‹Ŋą́ą́ ə́ hee a huwu takpɛliɠaa di wɔ kɛɛpono yɛ́, ɲɛ̨nɛ̨ɛ̨i kpɛɛ hvo mą laa həli kpɔ lɔi kpon ɉeei.›»

Gɛlaɠaa 26:23

Di mo diɛ: Nwun mąąɓomun Yálá ə naakwɛlanmo, gaa pai mɔ̨nɔ̨ mįi, ə haa, ə nwun, ə kɛ a nu tɔlɔɔ yɛ kulɔ haaɓɛlaa lɔwai, ya ɓə pai kɛɛ pono laa həlii nɔi lonnii da huwu takpɛliɠaa diɛ.»

Korɛntə veelɛ 1:20

Ɛlɛɛ, mɛ̨nįɠaa kpɔ Yálá ə naakwɛlanmo, yai tii ɓə di kɛ a «ee!» gbɔwɔ kpinį hu. Yili mąą mɛ̨nį ɓa, yaa ti ɉaalai ɓə, gwa kɛ la Yálá ɓa: «mįiną!» Yaa ti mąąwiɛ mɛ̨nį ɓa.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Hebreu 7:2

Melkisedɛkə ɓə Abrahamə ə ɲəi hɛnŋąa kəlee bow nąą tɛɛ bɔ. Naai tii mą, mukulaa ɓaa: «Tələnmo tɔɔmun», yili pulu, yɛ ɓo a Salɛmə tɔɔmun, mukulaa ɓaa: «Liilaa tɔɔmun».

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Hebreu 8:6

A tɛ̨ą, Jesus nwɛi, mɛ̨nį mąąlaai dɛɛ bɔ, gɛnɛ̨i ɲee lanŋąą gəlee mɛ̨i, gbala ə tɔɔ, gaa a mįnɛ̨ pɛlɛ́i di naakwɛlanmo gɔwɔ hvilɛn gwɛnį.

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,