Azaya 42:5 - Yálá laawoo hɛɓɛ (dc)

⁵ Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Yálá laawoo hɛɓɛ

⁵ Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Bible

⁵ Ɣâla Yâwɛɛ ƃé ŋ̀elei kpɛ̀tɛ da ǹɔii. È fúlu-sãa kélee kpɛ̀tɛ ǹɔii ma, é núu-kpune kpɛtɛ é ǹyaa Ɣâla ǹɛwo da ŋɔmɔ̂leŋ pú gbonôi. A m̀ôi ŋɔtíi kɛ́ nuui ma ǹyɛɛi,

Azaya 42:5 ပူးပေါင်းရင်းမြစ်များ

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Zôo 12:10

Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Zôo 27:3

Yii kpɔ gáá nii nɔ̨ɔ̨ ɉii, nɔ̨ɔ̨i Yálá ə doo ɉú, yii kpɔ gaa ni kulɔi ɉúnwɛi,

Zôo 33:4

Yálá nwɔ nɔ̨ɔ̨i ə doo ɉú, ya ɓə gɛ, gɛ́ kɛ yɛnɛ̨ɛ̨.

Zôo 34:14

A kɛ kɛ a giliŋąhiɛ lɔ gbɔwɔ ɓa, yɛ pɛli nɔ̨ɔ̨ da nwɔ yɛnɛ̨ɛ̨ lɛɛi lɔ ɲəi,

Mąątɛ̨nɛ̨ 136:6

Ə lɔi laa yáɠaa mɛ̨i a nwala walaa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Mąątɛ̨nɛ̨ 96:5

Nu huwuɠaa di wɔ yáláɠaa kaa lɔ a hvąŋą kpɛli kpɛli! Kɛlaa, Yai-Laa ɓə yələ kɔ́lɔn bɛli.

Azaya 37:16

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ́i heenin mąąkpɛ malakaɠaa lɔwai, yɛ́ tanɔ̨n gbən ɓə ɓaa a yɛnɛ̨ɛ̨ tɔɔlaaɠaa kəlee di wɔ Yálá, yɛ́ ɓə yələ kɔ́lɔn da lɔi di pəli.

Azaya 40:12

Gbɛɛ ɓə gboloyá laa, yɛ yələ kɔ́lɔn gɔwɔn a ɲee, gbɛɛ ɓə lɔi kpalan naa, ə yee tɔɔhɛnŋaa həɠə mį? Yɛ di tɔɔ pələ kulɔ gee mu?

Azaya 40:22

Ɉɛn ŋɛ̨i pɛlɛ ni lɔi nwun mɛ̨i, yili mɛ̨i pələ ɓə gaa laa heeni, a nɔi ŋɛ̨i ɉu nuą kaa yɛ peeləɠaa. Ə yələkɔlɔn ɉɛlɛn yɛ həɠə ɓɛla, ə ɉu lɛan, nuą diɛ pɛlii di taa tɔɔi mu.

Azaya 40:26

'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.

Azaya 40:28

Gbaɠala hvo mɔ̨ɔ̨ yɛ́, ɛlɛɛ, hvo ta mɛ̨n ni diɛ kɛ diɛ: Yai-Laa ɓə yələ kəlee Yálá? Ya ɓə lɔi piliɛ gee mɛ̨i pɛli, vii hva kpɛɛ, vaŋą ta hva kulɔ mą; nu hva pɛli nwɔ kili kɛ ɲəi laa kɔ́lɔn ɉii.

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 45:12

Ɲą́ą́ ɓə lɔi pɛli, ɛlɛɛ, nu kan lɔi mɛ̨i, ɲą́ą́ ɓə bɛli; ɲą́ą́ ɓə yələkɔlɔn volóon a ɲéé, ɛlɛɛ, gɛ́ yələ kwəi hɛnŋąą ŋąąwooɓo.

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Azaya 48:13

Teą li, ɲą́ą́ ɓə lɔi pɛli, má mįi yee ɓə yələkɔlɔn naa, ŋį́ di təli, di kəlee daa mą pa a gee.

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Ɉeremi 10:12

Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Ɉeremi 27:5

Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Ɉeremi 38:16

Tɔɔmun Sedesiasə ə nwoo kwɛlɛ kpɔ a nwalawalaa, loo pələi Ɉeremi ɓa, yɛ mą: «Yii kpɔ Yai-Laa kaa vulú, yai ɲɛnɛ̨ɛ̨ ŋɛ̨i tɛɛ ku pɔ, vá ə́ paa. Vá nwɔ̨nɔ̨ ə́ tɛɛ nuąi di hvilɛn ŋąą ə́ pulu, di pɔ.»

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Amɔsə 9:6

Yaa tii ɓə aa wɔ mɛ̨nɛ̨i laa yələkɔlɔn ɉu, yɛ nwɔ tɔɔ pɛlɛi kɔ́wɔ hvilɛn lɔi mɛ̨i, yaa ɓə a gboloyá hu yaɠaa kəlee təli, di laa lɔi mɛ̨i. Yaa tii naa ɓaa a: Yai-Laa.

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Gɛlaɠaa 17:24

Yálái yɛnɛ̨ɛ̨ bili-bili geemɛ̨i kəlee pɛli, da ɉu hɛnŋaa, yai a yələkɔlɔn da lɔi di Nąmu, hva hee pɛlɛ́i nu kan a dɔɔ a ɲee mu.

Gɛlaɠaa 17:25

Ɛlɛɛ, di hva nwɔ̨nɔ̨ mąą mɛ̨nį ɲɛ̨i kulɔ a nu kan ɲee, yɛ hɛn da mąąkpaan a kɛ mą, yá pa, yaa tii ɓə a: hɛn nɔpee gəlee tɛɛ nu pɔ, kɛ-yɛnɛ̨ɛ̨, ə mą kɛ nu nɔ̨ɔ̨.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.