Azaya 42:24 - Yálá laawoo hɛɓɛ (dc)

²⁴ Gbɛɛ ɓə Ɉakɔbə kwɛlɛ diɛ ɉukala? Yɛ Israɛlə tɛɛ toomɛ̨i kɛ nuą pɔ? A kɛ tii Yai-Laa hvəi, a yai tii gu nɛ̨ŋɛ̨n ɉəɠə mąi! A yai tii gu hvo gɛ gu hvo hvilɛn nwɔ pələi mɛ̨i! Ɛlɛɛ, gu hvo gɛ gu hvo gu wəli tɔɔ nwɔ tɔ́n nwooi ɓai?

Yálá laawoo hɛɓɛ

²⁴ Gbɛɛ ɓə Ɉakɔbə kwɛlɛ diɛ ɉukala? Yɛ Israɛlə tɛɛ toomɛ̨i kɛ nuą pɔ? A kɛ tii Yai-Laa hvəi, a yai tii gu nɛ̨ŋɛ̨n ɉəɠə mąi! A yai tii gu hvo gɛ gu hvo hvilɛn nwɔ pələi mɛ̨i! Ɛlɛɛ, gu hvo gɛ gu hvo gu wəli tɔɔ nwɔ tɔ́n nwooi ɓai?

Bible

²⁴ Kúai a Eezuɛ-ŋai, gbɛ̂ɛ ƃé kú tɛ̀ɛ zãâ kula yêei kɛ́-ƃelai ŋí pɔ́i? Yâwɛɛ ǹyaa kpîŋ ƃé gɛ̀ tí zɔnyɔ̂ŋ-ŋai kú gɛ̀i, mɛni ma. Kúfe kúkɛ̀ ɣéniɛi kɛ́ ní yɛ̂ɛ berei è kɛ̀ ŋ̀wɛ̂lii lai, kpaa máŋ kú ŋ̀óo mɛni.

Azaya 42:24 ပူးပေါင်းရင်းမြစ်များ

Kɔlɔnikɔ Veerɛi 15:6

Di kɛi kɔ́, lɔi yɛ pɛlɛ lɔi ɓa, taa yɛ pɛlɛ taa ɓa. Gbala ə tɔɔ, Yálá ə di nwun ɉee gee ɓa a mɔ̨nɔ̨ huwu kəlee.

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Mąątɛ̨nɛ̨ 81:13

Yili ɓə gɛ ŋį́ di lɛɛ laa, di too di wɔ kili wala wala laa hu, di hvilɛn di kwəi kiliɠaa pulu.

Azaya 30:15

Mąąhɔlɔɓo, mɛ̨nįi Yai-Laa ka wɔ Yálái, a Israɛlə nwɔ Mąąhəɠəmun ə mo ya ka: Ka ɓalo mɛ̨nį a kulɔ ka hɔn mąą pənə mɛ̨nį hu, kaa ka hvii tɔɔ, ka hvaŋą kaa liilaa hu, da kilitɔɔmąąlaa, Kɛlaa, ka hvo yili pɔ.

Azaya 42:23

Mɛ̨nįɠaai ŋɛ̨i gáá moi, ka nɛlɛ ɓə nwəli tɔɔi mą, yɛ nwəli tɔɔ kpɔ a nɛlɛɛ, yɛ mɛ̨n tínąą mɛ̨nį ɓa?

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Azaya 48:18

Ee kə! Akɛ kɛ ə́ ə́ wəli tɔɔ nwɔ́ tɔ́n nwooɠaai diɛ, ə́ wɔ liilaai ə li kɛ yɛ ya lee kɛnɛ̨, ə́ wɔ tələnmolaa ə ɓo yɛ gboloyá;

Azaya 57:17

Israɛlə nwɔ wɛa mɛ̨nį ɲɔ̨nwɔ̨ pələ ɓə níí holi, ŋį́ gɛlɛ, ŋį́ búlu tínɛ̨n mą, níi hvoli kɛ, yaan, ə nwóó pili, yɛ hvilɛn niiɓa pələ mɛ̨i.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Ɉeremi 44:10

Háá ɓa háá, ka hvo ni ka hɔn mąąhvalin ni, ka hva ɲɔw, mąąwiɛ hvo ka yəi, ka hvo hvilɛn na nwɔ́ tɔ́nŋaa da bɔ liɛwooɠaai ŋį́ dɛɛ ka nąnni pɔ di pulu, ká hvo hiɛ la.»

Ɉeremi 5:15

Kaai ɓaa Israɛlə nuą, gáá pai nuą ɲąątɔɔi kaa diɛ həɠə kwɛa la. Da kɛ a nu huwu yii ka yee hva lɔ diɛ. A tɔwɔ-tɔwɔ nu huwuɠaa. Ka hvo kpɛli di lawoo kɔ́lɔn. Di woo hu kpinɛ̨ɛ̨ kaa. Ɲą́ą́ Yai-Laa nwóó li!

Woolaa 1:14

Aa nwɔ́ túwɔ́ pələ ɲɔ̨n gəlee kili lɛɛ ŋą, aa gəlee laa ɲee kpala. Aa kwɛli pili ɉúnwɛ̨i, aa hvaŋą kpɛɛ ɲə́i, aa dɛ́ɛ́ ɲówóɠaa pɔ. Vá pɛli mą́ą́kɔ̨nwɔ̨i.

Woolaa 1:18

Tɛ̨ą kaa Yai-Laa pɔ. Mąąhɔlɔɓo, ɲą́ą́ ɓə nwoo lɛɛ. Yɛnɛ̨ɛ̨ nuą, ka kəlee 'ka ká wəli tɔɔ! 'Ká nwɔ́ mɔ̨nɔ̨i kaa, nonnii hinąą da nonnii nɛ̨ąą kəlee daa li luwɔlaa hu.

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Maafîu 22:7

«Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Nwun mąąɓo 10:7

Yai-Laa ə níiɲąnwąną diɛ, ə di kwɛlɛ Filisti nuą da Amɔn nuą diɛ.

Nwun mąąɓo 2:14

Yai-Laa ə níiɲąnwąną Israɛlə lonnii diɛ. Ə di tɛɛ di yowoɠaa pɔ, yiliɠaai di di hon. Ə di lɔwɔ́tɔɔ di yowoɠaa kɛ di kwɛlɛ diɛ, di hvo pɛli tɔɔi di yowoɠaa la.

Nwun mąąɓo 3:8

Yai-Laa lii ə holi Israɛlə nuą pɔ, ə di kwɛlɛ Kusan-Riseataimə ɓa, yai kɛ a Aramə yá leeɠaa kwɛlɛ tɔɔmun, di kwɛlan mɛ̨ihaaɓa kɛ yili yəi luwɔlaa hu.