Azaya 42:14 - Yálá laawoo hɛɓɛ (dc)

¹⁴ Ŋą́ą́ lamun heeni tin, və́ kɛli hvaa, gɛ́ ɉu hon, gɛ́ ɲiŋɛ̨, vínna yɛ tɔ́n, yɛ nɛ̨ɛ̨nui gaa kwəinwąną kɛi, nɔ̨ɔ̨ heɛ lɔ gə́ŋə hu gɛ̨ɛ̨ gɛ̨ɛ̨.

Yálá laawoo hɛɓɛ

¹⁴ Ŋą́ą́ lamun heeni tin, və́ kɛli hvaa, gɛ́ ɉu hon, gɛ́ ɲiŋɛ̨, vínna yɛ tɔ́n, yɛ nɛ̨ɛ̨nui gaa kwəinwąną kɛi, nɔ̨ɔ̨ heɛ lɔ gə́ŋə hu gɛ̨ɛ̨ gɛ̨ɛ̨.

Bible

¹⁴ Ɣâla a m̀ôi ǹyɛɛi, “Ŋa ḿɛi sáa ŋánûai yêei a zu kôyaa. Fé dífɛli-wooi su toôi. Kɛ́lɛ ŋa pá díwoo su toôi. Ŋa wɔ̂lɔi yɛ̂ɛ nɛnî a kɛ̀ koi-têe su.

Azaya 42:14 ပူးပေါင်းရင်းမြစ်များ

Zôo 32:18

Mąąhɔlɔɓo, nááhvɛɛi a mɛ̨nį tamąą, ɛlɛɛ gwə́i mɛ̨nįɠaa di kaa mą́ą́ wəleen ɉii.

Zôo 32:20

Mąąnɛ̨ɛ̨ ŋį́ hvaa, ə gɛ ŋį́ vinna kulɔ. Gáá pələ həɠəi, ŋį́ ə́ woo pulu pənə.

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Azaya 65:6

Ka nɛɛ lɔ laa, mɛ̨nįɠaai tii kəlee pɛ̨ɛ̨ kaa ɲə́i ɲą, və́ pa nəi tɔɔ ɉu tin, hvo kɛi ŋį́ di kwələ kulɔ, ŋį́ gwələ kəlee kulɔ kpɔ ə kpɛɛ níí pɔ.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 4:31

Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Piɛrə veelɛ 3:15

Ka gɔlɔn kaa diɛ: Gu Ną́mu Yálá nwɔ liilaa hu kwɛa ti ɓə a ka wɔ nwun mąąɓo. Giliŋąhiɛi ti ɓə gɛ, gu kaayɔwɔ da gu wɛlikɛmąą mun Polə yɛ hɛɓɛ́ tɛɛ la kaa, yɛ pələi Yálá ə mąą kili tɛɛ la bɔ.