Azaya 42:11 - Yálá laawoo hɛɓɛ (dc)

¹¹ Gbalə lɔi da ɉu taaɠaa, daaɠaai Kedarə kaa ɉu heeni, gəlee di di woo tɛ, kwɛni ŋą nuą di tómą a kwəinɛ̨ɛ̨, di lɛɛ ɲee ton na, di huluun nwoo ə tɔɔ.

Yálá laawoo hɛɓɛ

¹¹ Gbalə lɔi da ɉu taaɠaa, daaɠaai Kedarə kaa ɉu heeni, gəlee di di woo tɛ, kwɛni ŋą nuą di tómą a kwəinɛ̨ɛ̨, di lɛɛ ɲee ton na, di huluun nwoo ə tɔɔ.

Bible

¹¹ Káai vɛ̃ɛ-kpâlaŋ-ŋai su taa-lee-ŋai sui, ka Ɣâla láa ma tɛ́. Káai kélee Keda lɔii sui ka ǹáa ma tɛ́! Káai kélee Sila taa-leei sui, ka tɛ́ ǹyée kpaya-kpayai su, ka lii-nɛ̃̂ɛ kula.

Azaya 42:11 ပူးပေါင်းရင်းမြစ်များ

Zɛnɛse 25:23

Yai-Laa yɛ mą: «Hį́i hveelɛ ka tii ə́ kwəi, nu huwu hveelɛ ka tii gɔi a di kee, ɉuwu hveelɛi tii di kaa pai di ɓɛlaɓoi. Ə́ laa yɛɛi lɔwai, dɔ̨nɔ̨ kaa pai kɛi a ɲee walawalaa dɛɛ mɛlan ma. Nu pɔlɔ laamun gaa pai kɛi nokolo laamun ɲee mu.»

Mąątɛ̨nɛ̨ 120:5

Ee kə néé gboo! Kpalo aa gáá! Ɲą́ą́ ka Mɛsɛkə lɔi hu, gɛ́ ɓo heeni Kedarə lɔi hu.

Azaya 12:5

'Ka Yai-Laa Laa too a wələ, mąąhɔlɔɓo, aa mɛ̨nį ɲɛ̨i kɛnɛ̨ɛɠaa kɛ guɔ, 'ka ɉukulɔ lɔi nąą kəlee.

Azaya 16:1

Ka nɔi tɔɔmun nwɔ ɓɛlaa lon tɛɛ, yɛ həɠə la Sela nɔi pun ɉu, di li la Siɔn nɛ̨ɛ̨gbɛla nwɔ yeei nwuɔ̨.

Azaya 21:16

Mɛ̨nįi Yai-Laa ə mo mą́ą́, ya ka, yɛ: Aa lɛɛ a kwɛlan dɔ̨nɔ̨, kpɔlɔ a kwɛlan dɔ̨nɔ̨ ɲąąkpalaa Kedarə mąąɲįnɛ̨n, ɉu yɛ kala.

Azaya 32:16

Tələnmolaa kaa pai daa tɔɔi lɔi pun ɉu, tɛ̨ą mɛ̨nį yɛ hee nɔw-yɛa.

Azaya 35:1

Lɔi pun da gbali lɔi kələn ŋąą di kɛ kwəinɛ̨ɛ̨ hu! Kpomó, 'ə pili yələi a kwəinɛ̨ɛ̨, ə powa nąą kəlee.

Azaya 35:6

Nąąlɔwai nui tooi gɔwɔ mɛ̨i, gaa pai pilii yələi yɛ lómą, muúgbɛ laaləi yɛ tómą a kwəinɛ̨ɛ̨, tɛɛyáɠaa diɛ laa lɔi pun ɉu kpalaa hu, yálee hvaŋą kpɛa-kpɛaɠaa diɛ laa ɓɛi kɛ nąą kpalaa a bɔlɔ.

Azaya 40:3

Woo ta kaa tɔɔi yɛ kɛ diɛ: 'Ka Yai-Laa nwɔ pələi pɛli, nɔi pun ɉu, 'ka bələ pɛlɛɛɠaa kəlee haŋą;

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Ɉeremi 21:13

Yai-Laa yɛ: Yɛ́ kpɔ ɓə gáá yɛ́, yɛ́i tii gwɛni yee koo mu. Kaai ka kɛ diɛ: Gbɛɛ kpɔ ɓə pai yɛɛi ɓɛ, yɛ kɔ́ pɛlɛ kuɔ, gbɛɛ ɓə pai lɔi kuɔ nwoloi ŋɛ̨i hu?

Ɉeremi 48:28

'Ká həɠə daaɠaa hu, ka li ka hee gwɛni woloɠaa hu; Moabə nuą, ka kɛ yɛ tonwələnŋaa, kaa ka taa tɔɔ kɛɛnąą ləɠə-ləɠə ɓa, moloonŋaa mɛ̨i.

Ɉeremi 49:16

Ə́ kaa ə́ kpɔɔ ɓowoi, mąąhɔlɔɓo, ə́ kɛi ɲɔw too ə́ kwɛlɛ nuą hu a kili ɲɔ̨nwɔ̨ɔ̨. Yɛ́i heeni gwɛni woloɠaa hu. Ə́ hɛlɛn ŋąą yee tɔɔɠaa diɛ, ə mą kɛ, yaa ə́ taa tɔɔ yee tona yɛ geelə, ŋą́ ə́ wean nąą.

Ɉeremi 49:31

«'Ka ka muhəɠə ka li, nɔi liihɛlɛn və mą, gili hvo mɛ̨nį ta hu, ka kɔ́ pɛlɛ mą. Ɲą́ą́ Yai-Laa nwóó li. Kpón və di yəi. Kpón naa kpulu kwɛli hvo di yəi. Di kaa lɔ di tɔ̨nɔ̨ kon ɉu.

Izikiɛ 27:21

Arabə lɔi da Kedarə tɔɔɓɛlaa kəlee, yɔw mɛ̨nį ə kɛ ka diɛni ka lɔwai; di kɛi hɛnŋaa ya ə́ yəi a ɓɛlaa lonnii, ɓɛlaa hilɛɠaa, da ɓolu hilɛɠaa.

Abdiasə 1:3

Ə́ wɔ huɲąŋą kɛnɛ̨ lalan bilɛɛ aa ə́ ɓowo, yɛ́i ə́ mąą tinɛ̨n ŋąą a kwɛni hįį, nu ta yee hvaa tɛɛ laa yɛ́. Ə́ heɛ mɔ̨ɔ̨ tii laa, ya kɛ kɛi ə́ kpɔwɔ ɓa: «Gbɛɛ ɓə pai gúlɔi ɓɛ?»