Azaya 41:8 - Yálá laawoo hɛɓɛ (dc)

⁸ Kɛlaa yɛ́ Israɛlə, nwɔ́ tí mun, Ɉakɔbə, yɛ́i ŋį́ ə́ həɠə ɉu, kaai a mɛ́lan Abrahamə lonnii,

Yálá laawoo hɛɓɛ

⁸ Kɛlaa yɛ́ Israɛlə, nwɔ́ tí mun, Ɉakɔbə, yɛ́i ŋį́ ə́ həɠə ɉu, kaai a mɛ́lan Abrahamə lonnii,

Bible

⁸ “Kɛ́lɛ Eezuɛ-ŋa, kákaa a ŋátii kɛ́-ƃela. Kákaa a ŋáwɛli kɛ́ maa nuui Eberaɣɛ̃ɛ ŋɔsuui su-ƃela. Ŋá kásìɣe zu a gɛ́ɛ ká kɛ́ a ŋátii kɛ́-ƃela.

Azaya 41:8 ပူးပေါင်းရင်းမြစ်များ

Kɔlɔnikɔ Maa-ŋuŋ 16:13

Kaai ɓaa nwɔ tínuą, Israɛlə nu huwu, kaai a Ɉakɔbə lonnii, kaai ə ka həɠə ɉu, 'ka ká kili lɛɛ Yai-Laa hu!

Kɔlɔnikɔ Veerɛi 20:7

Kɛlɛi ku wɔɔ Yálá ɓaa a Yɛ́! Nuąi kɛ heeni nɔi ŋɛ̨i hu, Yɛ́ ɓə di kpɛ, Ə́ wɔɔ nu huwui Israɛlə tɔwɔ, Ə́ nɔi kulɔ di yəi, Ə́ dɛɛ, Ə́ ɓɛlanmun Abrahamə lonnii pɔ, a di wɔɔ a yələ kəlee mɛ̨nį-e!

Mąątɛ̨nɛ̨ 105:6

Kaai a nwɔ tímun Abrahamə kwəi, da niiɓamun Ɉakɔbə lonnii!

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Mąątɛ̨nɛ̨ 136:21

Yili pulu, ə di wɔ lɔiɠaai tɛɛ nwɔ nuąi pɔ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 136:22

Ə dɛɛ nwɔ tímun Israɛlə pɔ a gwɛlin! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 33:12

Nɔi Yai-Laa kaa a nwɔ Yálá, nwun na nɛ̨ɛ̨ lɔi li, nu huwui ə ɉəɠə ɉu a gwɛlin, nwun na nɛ̨ɛ̨i!

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 29:22

Yili ɓə gɛi, Yai-Laa, Ɉakɔbə nwɔ pɛ́lɛ́i nwɔ Yálá; yai Abrahamə nwun mąąɓo, vaa woo ka, yɛ: Nwumɛ̨ hvo kɛa pai tɛi a Ɉakɔbə, ɲɛ̨i mąą hva kɛa luwu,

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 42:19

Gbɛɛ ɓə kɛ ɲɛ̨i puɔɔ, kɛlɛi nwɔ́ tímun lɔ ɓə kɛ? Gbɛɛ ɓə kɛ nwəli wolɔɔ yɛ nui gáá pai dɔɔi? Gbɛɛ ɓə kɛ ɲɛ̨i puɔɔ ə həli nui aa liilaa hɔlɔɓo bɔ? Gbɛɛ ɓə kɛ nwəli wolɔɔ yɛ Yai-Laa nwɔ tímun?

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 43:10

Nwɛ́i, nwɔ́ kɛlaɠaa ɓaa kaa, Yai-Laa woo li; kaai a nwɔ́ tínuą, kaai ŋį́ ka həɠə ɉu kaa pɛli mɛ̨nį kɔ́lɔn ɉii, kaa gbaɠala kaa, kaa kɛ ɲą́ą́ li, ɛlɛɛ, yálá takpɛli hvo ta kɛli laa ɲą́ą́ dɔ́wɔ́, ɛlɛɛ nwɔ̨nɔ̨, da hvo pai kɛi búlu.

Azaya 43:5

Hvo ɲɔw, gáá ə́ pɔ, gáá pai ə́ lonnii kulɔi hvóló kulɔi pələ, gɛ́ pənə gɛ́ pa a diɛ, gɛ́ di həɠə hvóló tooi pələ, gɛ́ di ɲąąkpɔn.

Azaya 44:21

Ɉakɔbə, mɛ̨nįi ɲɛ̨i kili ə too ə́ ɲą, Israɛlə, nwɔ tímun mąą a yɛ́, ŋį́ ə́ pɛli a nwɔ tímun, Israɛlə, 'hva pɛli yá laai gɔ́lɔi.

Azaya 45:4

Nwɔ́ tímun Ɉakɔbə mąą mɛ̨nį ɓa, Ee, Israɛlə, yaai ŋį́ ɉəɠə ɉu, mąą mɛ̨nį ɓə ŋį́ ə́ təli la a ə́ laa, ŋį́ laa hee yɛ́.

Azaya 48:12

'Ə́ wəli tɔɔ Ɉakɔbə, Israɛlə yɛi gáá ə́ təlii. Gɛ́ pələ lɔ ɓaa gɛ́ pələ: Ɲą́ą́ ɓə a dɔlɔɔ tɔlɔɔ, ɲą́ą́ ɓə ɓaa gbəlan mąą.

Azaya 49:3

Yɛ mą́ą́: nwɔ́ tímun mąą a yɛ́, yɛ Israɛlə, gáá pai nwɔ́ mąąwiɛ kulɔi pɔnɔ̨ŋą ə́ pɔ pələ.

Azaya 51:2

'Ka ka nąn Abrahamə kaa, da ka lee Sara, yai ka káá, yɛnɛ̨ɛ̨; hvo gaai tii, yaa tanɔ̨n gbən nɔ ɓə kɛ laa, gɛ́ dəli; yili kɛɛ tii, ŋi luɠo too mą, ŋi ɉuwu hu kɛnɛ̨!

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Ɉeremi 33:24

«Gaa nuąi ŋɛ̨i kwəi diɛ kɛ, bɛlɛ hveelɛi ŋɛ̨i Yai-Laa ə ɉɛɠɛ ɉu, aa ɲee kulɔ di mu; yili ɓə gɛi diɛ nwɔ́ nu huwui hviiɓa, hvo kɛa a lɔi ɲąą mąą di ɲɛ̨i ɓa.

Levetekɔ 25:42

Mąąhɔlɔɓo, nuąi ŋį́ di kulɔ Eziptə lɔi hu, nwɔ́ tí nuą li, nu ta hva pɛli di lɔwɔ́tɔɔi yɛ da kɛi luwɔ lɔwɔ́tɔɔ.

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Galatə 3:19

Lə ɓə dɔ́n ə pa kani gɛi? Dɔ́n ə pa, ə nuą hɔn doo pono ɲą, ə lɛɛ ɉu, Abrahamə kwəi lon ti, di mąą mɛ̨nį laakwɛlanmo mąi, ə pa. Malakaɠaa ɓə pa dɔ́n ɉu woo laa həlii, Moisə yɛ ɓo a di lɔwai-kpəlin da nuą.

Dutɛrɔnome 10:15

Yaan, ka nąnni lɔ ɓə Yai-Laa ə kanąn diɛ, yɛ di wɛli la kɛ, ɛlɛɛ, haai di mo, di huwu lɔ ɓə ə ɉəɠə ɉu a niiɓa nu huwu, nu huwuɠaa kəlee lɔwai, ya ɓaa kaa; yɛ bələi gu kaa gaai la háákələi.

Dutɛrɔnome 14:2

Ka káá a nu huwui gaa a Yai-Laa ka wɔ Yálái nwɔɔ. Kaa ɓə Yai-Laa ə ɲeekpiɛ lɛ kaa, kaa kɛ a gbinį ɓa nu huwu. Nu huwuɠaai kpɔ lɔi mɛ̨i, gəlee lɔwai.

Zĩi 2:23

ɛlɛɛ, mɛ̨nįi ɉɛɓɛ́ ə mo, bɔ mɛ̨nį ə kɛ, yai ə kɛ mą: «Abrahamə, ə laa Yálá la, yili ɓə gɛ a tələnmomun»; ɛlɛɛ, di naa hee a Yálá mɛlan.