Azaya 41:26 - Yálá laawoo hɛɓɛ (dc)

²⁶ Gbɛɛ ɓə aa ta mąą mɛ̨nį hukulɔ, ə həɠə yɛnɛ̨ɛ̨ kɔwɔ tɔɔi lɔwai ɓa, ku pɛli mąą nu kɔ́lɔn ɉii, yɛ mɛ̨nįɠaai tii lɛɛ kpɔ kwɛaa la, yɛ ɉukulɔ, kuɔ pɛli kɛi diɛ: «Aa kɛ tɛ̨ą ɓo.» Nu ta hvo kɛ nąą lɛɛ li kwɛa la hvo bələ ɓo, ɛlɛɛ, nu ta hvo kpɛli ta nuą kili pu li ɉu, kpələ, nu hvo kpɛli ka woo mɛ̨n.

Yálá laawoo hɛɓɛ

²⁶ Gbɛɛ ɓə aa ta mąą mɛ̨nį hukulɔ, ə həɠə yɛnɛ̨ɛ̨ kɔwɔ tɔɔi lɔwai ɓa, ku pɛli mąą nu kɔ́lɔn ɉii, yɛ mɛ̨nįɠaai tii lɛɛ kpɔ kwɛaa la, yɛ ɉukulɔ, kuɔ pɛli kɛi diɛ: «Aa kɛ tɛ̨ą ɓo.» Nu ta hvo kɛ nąą lɛɛ li kwɛa la hvo bələ ɓo, ɛlɛɛ, nu ta hvo kpɛli ta nuą kili pu li ɉu, kpələ, nu hvo kpɛli ka woo mɛ̨n.

Bible

²⁶ Gbɛ̂ɛ ƃé m̀ɛnii ŋí ƃò a gɛɛ a pâi kɛ̂i é lɛ́ɛ pâi kɛ̂i? Vé tá kɛ́ ní tí. Káta fé tá da kɛ́ ní, kpaa máŋ kpîŋ ká lóno é pîlaŋ m̀a.

Azaya 41:26 ပူးပေါင်းရင်းမြစ်များ

Azaya 41:22

Di pa, mɛ̨nįi pai kɛi di ɉukulɔ, mɛ̨nį tɔlɔɔɠaai tɛɛ, pələi di kɛ pələ ə kɛ la, ka yili kɛ pələ lɛ kuɔ. Mɛ̨nįɠaai di mo, ka nąą kili too ku ŋą, kwa nąą kili lɛɛ ku ŋą, mɛ̨nįɠaai tii ɲələ a ɉəli, ku gbaɠala kaa. A wala kɛti, mɛ̨nįɠaai tinąą pai kɛi, ka yili bələ too ku wəlii, ka gu kəlee, gu nąą mąąkpɔn gu gaa.

Azaya 41:4

Gbɛɛ ɓə a mɛ̨nį taaləi tii kɛ? Hvo kɛli nui nu huwu kəlee təli a gɔwɔ tɔɔi lɔwai, Ɲą́ą́, gáá a Yai-Laa, a dɔlɔɔ, bələ lɔ ɓə nwɔ̨nɔ̨ gáá pai kɛi laa ɲąąkpɛɛi lɔwai; ɲą́ą́ ɓə.

Azaya 43:9

Lɔi kəlee di mąnn di ɲąąkpɔn a gee ɓa, taaɠaa kəlee di mąn di yee lɔ geei, di nɛlɛ ɓə, nu ə hɔlɔɓo ɉu, yɛ mɛ̨nįɠaai ŋɛ̨i lɛɛ tɔwɔ, yɛ mo, ɛlɛɛ, mɛ̨nįɠaai daa gbɛa tɛɛ, di ta nɛlɛ ɓə nu ə hɔlɔɓo ɉu, yɛ di hukulɔ nąąlɔwai tɔwɔ? Di pa a mąą kɛlaɠaa, ɛlɛɛ di dɛ̨ą ɓo, nuą di mɛ̨n, diɛ kɛ diɛ: «Tɛ̨ą li.»

Azaya 44:7

Gbɛɛ ɓə gaa yɛ ɲą́ą́? Mąą-nu ə muhəɠə, ə hvaa! Mɛ̨nį gaa yɛnɛ̨ɛ̨ mɛ̨nį hu ə nɛ, ɛlɛɛ, ə gbaɠala lɛ mą́ą́, ə həɠə kpɔ ɲələi ŋį́ nu kan bɛli la mą, mɛ̨nįɠaa daa tɛɛ, yɛ ɉukulɔ, ɛlɛɛ, yiiɠaai pai kɛi, nu ta ə ɉukulɔ kan kuɔ wɛ!

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Azaya 46:9

'Ka ka kiliŋąhiɛ mɛ̨nįɠaai da tɛɛ ɉu, a tɔwɔ-tɔwɔ mɛ̨nįɠaa tii: A tɛ̨ą, ɲą́ą́ lɔ ɓə a Yálá, dakpɛli hvo laa, Ɲą́ą́ lɔ ɓə a Yálá, kwa hɛn da ku hvo kpɔn ni náá ɓa, gəlee kaa lɔ ɲɛ̨́i mu yɛ hvaŋą kpɛli kpɛli.