Azaya 41:2 - Yálá laawoo hɛɓɛ (dc)

² Dələnmo mun həɠə hvóló kulɔi pələ, gbɛɛ ɓə ɲali bulu, yɛ bənə yɛ ba, yɛ lɔiɠaa pɛlɛ gɔwɔ mu, yɛ tɔɔɓɛlaa pɛlɛ lɔi ɓa, yɛ nwɔ kɔ́ kɔ́ nuą kpulu hu kɛnɛ̨ yɛ munuun gbala, yɛ nwɔ tonwąi tamą, yɛ tulɔ hvaŋą a kɛi dɛ̨ɛ̨ kpoloon daɠa taɠa.

Yálá laawoo hɛɓɛ

² Dələnmo mun həɠə hvóló kulɔi pələ, gbɛɛ ɓə ɲali bulu, yɛ bənə yɛ ba, yɛ lɔiɠaa pɛlɛ gɔwɔ mu, yɛ tɔɔɓɛlaa pɛlɛ lɔi ɓa, yɛ nwɔ kɔ́ kɔ́ nuą kpulu hu kɛnɛ̨ yɛ munuun gbala, yɛ nwɔ tonwąi tamą, yɛ tulɔ hvaŋą a kɛi dɛ̨ɛ̨ kpoloon daɠa taɠa.

Bible

² “Gbɛ̂ɛ ƃé pà a Pɛsia kaloŋ Sarɔ wála-walai é kúla la vólo kulâi perei, é gɛ́ gɛ̀ nûa yée mɛi ɣâle ƃɛ́i kélee a lî naai? Gbɛ̂ɛ ƃé wála-wala tɛ̀ɛ bɔ́ gɛ́ kâloŋ-ŋa da lɔii-ŋuŋ-ŋa yée mɛi ɣâlei? È díyee mɛi ɣâle a ŋɔƃóa-sɔkpɔi yɛ̂ɛ da kɛ̀ a muluŋ. Ŋɔtɔ̃ai è dí tàa yɛ̂ɛ kala-kpâla ƃé fãa su.

Azaya 41:2 ပူးပေါင်းရင်းမြစ်များ

Zɛnɛse 11:31

Tela ə non Abramə həɠə da Haran lon Lɔtə yai kɛ a mąnįn, ə bɛlɛ non nɛ̨ą Sarai ɓa, yai kɛ a Abramə nɛ̨ą, da diɛni di həɠə Urə daai Kalde nuą pɔ lɔi, diɛ li Kanaan lɔi hu, di li ɓɛi ŋɛ̨i da kɛ mą Haran, di hee laa.

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Samia Veerɛi 22:43

Ŋą́ di mąą pənə a muluun gbala, ŋą́ di hu hunwɔ̨, ŋą́ di tan yɛ pələ mɛ̨i palaya.

Tɔɔɓɛlaa veelɛ 13:7

Nuą lɔ lɛɛ Yoakazə yəi a kɔ́ kɔ́ nuą, di kɛ a hoo mɛ̨i nuą, nu pow lɔɔli, kɔ́ wotolo pow, ɛlɛɛ, kɔ́kuláá waa pow. Aramə tɔɔmun aa kɛ gbəliɠaa tii kəlee paa, ə kɛi hiɛ di hu yɛ nu aa kɛi hiɛ muluun gbala hu.

Kɔlɔnikɔ Veerɛi 36:23

«Pɛrsə tɔɔmun Sirusə woo ka, yɛ: Yələ kɔ́lɔn ɉu Yálá Yai-Laa, aa yɛnɛ̨ɛ̨ ɓɛ tɔɔlaaɠaa kəlee tɛɛ bɔ́! Ya ɓə, Yaa kpįnįi tii, yɛ, ŋį́ pɛlɛ́ tɔɔ mą Ɉerusalɛmə yai gaa Ɉuda lɔi hu. Ká nɛlɛ ɓə gaa a Ɲálái tii ŋą nu huwu ta? Gɛ́, nwɔɔ Yálái Yai-Laa ə lɛɛ bɔ, mąą nui ə tɛɛ ə li Ɉerusalɛmə daai!»

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Azaya 40:24

Da lɛɛ lɔ heei, da lɛɛ lɔ di kɔwɔ hvilɛn ɉi, di wɔ tɔɔlaai ɉamu hva kpɛli hvilɛn, A nɔ̨ɔ̨ pu lɔ diɛ, daa mą kpala, tulɔ hvaŋą yɛ li a diɛ yɛ kala kpala.

Azaya 41:25

Ŋą́ą́ nu təli, yɛ həɠə ɲələi pələ, aa pa, ə lɛɛ hvóló kulɔi pələ, ŋą dəli a naa, gaa ɓɔlɔn ɉii lɔi ɲąąwooɓo nuą mɛ̨i, yɛ da kɛ a palaya yɛ bələi pɔlɔ tan nuą da pɔlɔ tan na.

Azaya 41:3

A hee mɛlaa hu, yili pulu, ə nwɔ li ɓo nɛkpɛlɛɛ, hva kpɛli gɔwɔ hvilɛn lɔi ɓa.

Azaya 42:6

Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Azaya 45:1

Yai-Laa woo ka, nui ə mąątí a tɔɔ wulɔ, mą, yɛ mą: A Sirusə ŋɛ̨i ŋą́ą́ ɉon a mamįiyee, gɛ́ lɔiɠaa pɛlɛ gɔwɔ mu, gɛ́ tɔɔɓɛlaa di wɔ hvąŋąlaa kulɔ di yəi, gɛ́ daa mąą kpɛ kponŋąą laaɓo dɔwɔ, gbonŋąąi tii da hva pɛli lɛɛi a naa kpulɔɔ dɔwɔ.

Azaya 45:13

Ɲą́ą́ ɓə ɉulɔnui ŋɛ̨i kulɔ, a tələnmolaa, gáá pai nwɔ pələɠaa kəlee hu lalai, ya ɓə pai nwɔ́ taai tɔɔi a nįnɛ̨; ŋą́ nuąi kɔluwɔlaa hu, gɛ́ pənə gɛ́ pa a diɛ di wɔ lɔi hu. Wali kulɔ mɛ̨nį, da hvɛla kulɔ mɛ̨nį da hva kɛ ɉu. Mɛ̨nį Kəlee ŋą Hééɓomun Yai-Laa woo li!

Azaya 46:11

Ɲą́ą́ ɓə ŋą́ kuwɔ́ təli, yɛ həɠə hvóló ɓɛlai bələ, yɛ pa, ŋą́ gwə́i mɛ̨nįɠaa ɲɛ̨i kulɔmun dəli, yɛ həɠə kpɔ kwɛala, mɛ̨nįi ŋį́ mo, gaa pai kɛi, mɛ̨nįi ŋą́ kili tee gwə́i, ŋį́ ɲąą yili, gáá pai ɲɛ̨i kulɔi.

Azaya 48:15

Ɲą́ą́, ɲą́ą́ ɓə hvaa; gaa tii, ɲą́ą́ ɓə ɲą́ą́ ɓə dəli, ɛlɛɛ, gɛ kóló hu kaa pai nɛ̨ɛ̨i!

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Hebreu 7:1

Mɛlkisedɛkə ti ɓə kɛ a, Salɛmə tɔɔmun, a Hɛn Gəlee Mɛ̨imun Yálá ŋą haláá laa həli mun gɛnɛ̨mun, yaa tii ɓə li Abrahamə laakwiɛn ɉii, ɓɛlɔwai yili ə həɠə la gɔ mɛ̨i, yai ə bɛlɛ dɔɔɓɛlaa diɛ; ə lúwɔ́ kɛ laa Abrahamə ɓa.

M̀ɛni-lɛɛi 16:12

Malaka mɛ̨idanąą ə nwɛi hu ɓo Eufratə ɲálee ɲą: Ɲá ə kpala, ə kɛ a pələ dɔɔɓɛlaai həɠəi vóló kulɔi pələ di tɔwɔ.

M̀ɛni-lɛɛi 7:2

Ɛlɛɛ, ŋą́ malaka takpɛli kaa yɛ kulɔ hvóló həɠəi pələ. Yálá húlumąą ŋą kɔ́lɔn ɉɛn yɛ ɓo ɲəi. Ə tomą kpɔ a nwoo kɛnɛ̨; malaka nąąn tii di hvaŋą tɛɛ di pɔ, diɛ mɛ̨nį laa lɔi da gboloyá diɛ, yɛ mą: