Azaya 41:19 - Yálá laawoo hɛɓɛ (dc)

¹⁹ Gɛ́, hɛan da kpitili, tow wuluɠaa da kələ di hin lɔi pun ɉu, gɛ́ ɓɛlɛ, ɓahi da wiɛ́ di hin, ɓɛi nąą ə kɛ lɔ a kpomó.

Yálá laawoo hɛɓɛ

¹⁹ Gɛ́, hɛan da kpitili, tow wuluɠaa da kələ di hin lɔi pun ɉu, gɛ́ ɓɛlɛ, ɓahi da wiɛ́ di hin, ɓɛi nąą ə kɛ lɔ a kpomó.

Bible

¹⁹ Ŋa pâi gɛ̂i sîda wuru-ŋa, akasia wuru-ŋa, matɔ wuru-ŋa, da ɔle wuru-ŋa dí kpɛtɛ vɛ̃ɛ-kpâlaŋ-ŋai su. Wôla-wuru-ŋa da pâi kpɛtɛ̂i ǹɔii-kpâlai ma. Pãi-wuru, zunipa da sapɔrɔ-wuru-ŋa da pâi kpɛtɛ̂i naa máŋ.

Azaya 41:19 ပူးပေါင်းရင်းမြစ်များ

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Azaya 32:15

Ə lɛɛ ɉu, Yálá nwɔ Kilii ə həɠə yələi ə pa gu pɔ. Nąąlɔwai tii, lɔi pun a mąą pənə a nɔw-yɛa lɛlɛɛ, nɔw yɛ lɛlɛ yɛ wɛla wulu.

Azaya 35:1

Lɔi pun da gbali lɔi kələn ŋąą di kɛ kwəinɛ̨ɛ̨ hu! Kpomó, 'ə pili yələi a kwəinɛ̨ɛ̨, ə powa nąą kəlee.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Azaya 55:13

Towələ wuluɠaa kaa pai ɓɔn ɉii, ɓɛi ɲąąlən ə kɛ laa; tow yɛ kulɔ ɓɛi didi-hɔ̨ɔ̨-hɔ̨ɔ̨ ə kɛ laa, yili kaa pai kɛi a Yai-Laa laa tɛ mɛ̨nį, a gɔlɔn ɉɛn, a yələ kəlee da nwɔɔ, gili hva kpɛɛ nuą ŋą.

Azaya 60:13

Liban mąą yili hɛn a pa ə́ pɔ, nwɔ hɛanŋaai, da mahiɠaa, da nwiɛɠaa, diɛ mą́ą́wiɛ pɛlɛi lɛlɛ la, a tɛ̨ą, ɓɛi gɔ́wɔ hvilɛnŋąą laa, gáá pai nąą mąąwiɛi.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 61:11

A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Izikiɛ 47:12

Ɲá hvɛɛi tii kwɛlɛ, gbonwon ɲa hveelɛi ɓa, ɓá wulu huwu kəlee kaa pai kɛi ɓɔn ɉii laa, di laa hvo pai kpalai di ɲa, di ɓa hvo pai kpɛɛi di hu; di kaa pai ɓa nįnɛ̨ ɓoi ɲąnin dɛi tɛi yeemu, mąąhɔlɔɓo ɲáleei tii kaa kulɔi Yálá hee pɛlɛ́ mu. Di ɓa kaa pai kɛi a kɔ̨nɔ̨n, di laa ə ɓo a hali.

Osia 14:8

Nuąi kɛi hee nįnįn mu, di kaa pai yalii di pulu diɛ pa, mɔ̨nin yɛ pənə yɛ lɛlɛ diɛ, diɛ powa yɛ viɲə wulu, di laa a tɛ yɛ Liban lɔɔ.

Zakari 1:8

Ŋą́ kwɛlɛɛn gɛɛ kaa háá kpįnįi: hulɔnu ta ə ɓo hoo kpɔlu mɛ̨i. Ə kɛ tɔɔni ɓoloon ɉu, wuluɠaa lɔwai, ɛlɛɛ, hooɠaa di kɛ bulu pələ, daɠaa kpɔluɔ, daɠaa hviliiɓoɔ, daɠaa kwəlɛɛ.