Azaya 41:17 - Yálá laawoo hɛɓɛ (dc)

¹⁷ Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Yálá laawoo hɛɓɛ

¹⁷ Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Bible

¹⁷ “Kpele-wɛ̂li a gôlo-ƃelai da ǹuu doo-mu-ƃelai sòŋ, yá fé naa a gɛ́ɛ dí díkpele la, gɛ̀ ní, ńyãa Eezuɛ Ɣalai, ŋa pâi dífɛli-wôoi mɛnîi, ŋá yá tɛ́ɛ dípɔ. Fé pâi wɔ́lɔ ńyee kulâi dímu.

Azaya 41:17 ပူးပေါင်းရင်းမြစ်များ

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Tɔɔɓɛlaa dɔlɔɔ 17:8

Nąąlɔwai ɓə Yai-Laa ə kɛ la Eli ɓa:

Kɔlɔnikɔ Veerɛi 6:17

Yii hu kɛa, Yai-Laa Israɛlə nwɔ Yálá! Mɛ̨nįi tii ə́ mo yɛ́ tímun Davidə ɓa, ə lɛɛ kani mą.

Mąątɛ̨nɛ̨ 22:15

Vą́ŋą aa həɠeen, yɛ wulɔyíi, Dɔ́ɔ́tɔɔnŋaa kəlee daa kulɔ di gee la. Níí kaa gwə́i yɛ kwɛ̨ingban, ɲɛ́lɛ kəlee aa həɠeen ɉú.

Mąątɛ̨nɛ̨ 34:6

Nuąi da di ɲɛ̨i tinɛ̨n Yai-Laa pɔ pələ, di ɲɛ̨i a pɔ̨nɔ̨; nwumɛ̨ hva kɛa tɛ diɛ.

Mąątɛ̨nɛ̨ 37:25

Ə həɠə ɉúlɔnon ɲələ ɓa, ə həli la bɔ́lɔ́i lɔwai ŋɛ̨i ɓa, və́ ta tələnmomun gaa li, yii nu hvo mą, və́ ta gwəilonnii kaa li, diɛ kɔ̨nɔ̨n vɛli.

Mąątɛ̨nɛ̨ 42:2

Bələi Lomą kwąną kpalaa a yá kwɛli la, bələ ɓə gáá ə́ kwɛlii la, Ną́mu Yálá.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 74:21

Nui daa mɔ̨nɔ̨ laa mɛ̨i, 'hvó hvaa mą di hvo kɛa mɛlɛkpɛɛ mą; ə gɛ yeehowolo mun da mąąwɛli mun diɛ pɛli ə́ tɛnɛ̨i.

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.

Lɛɛ gbɔwɔ ɓa 17:3

Kpələ wɛli ə nuą hon gɛɛnąą tii ɓa, diɛ hvaa di nwun ɉu Moisə ɓa, diɛ kɛ mą: «Ə́ ku kulɔ Eziptə lɔi hu lə mɛ̨nį ɓa? Akɛti, ku lɛɛ mɛ̨nį laa kuɔ haa a kpələ wɛli ɓə, kuɔ, ku lonnii da ku wɔ taatɛlɛɛɠaa?»

Lɛɛ gbɔwɔ ɓa 17:6

Gáá pai kɛi ə́ ɲɛ̨itɔwɔ, Horɛbə yee ɓa, gwɛni kpuwulu mɛ̨i; ya pa laa, ə gwɛni kɛlɛ. Yá kaa pai kulɔi ɉu, di di kpələ la.» Həlii di mo ɲee ɓa, Moisə ə gɛ tii. Israɛlə kalanɉonŋąą ɲɛ̨i ɓa, yɛ bələi Yai-Laa ə mo la mą.

Azaya 30:19

A tɛ̨ą, kaai a Siɔn daa kwəi nuą, ka ɓo heeni Ɉerusalɛmə, ka hvo kɛa pai wɔlɔi. Ka tómąi, gaa pai ka mąąhvaa lɛɛi. Yaa lɔ ɓaa ka woo a too nwəlii, aa mąn mu hon.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Azaya 43:20

Lɔwɔ huwɔɠaa kaa pai náá tɛi, lɔwɔ-yilɛɠaa, da hɔ̨nwɔ̨nɔ̨gɔlɔnŋaa, mąąhɔlɔɓo, ŋį́ yá kulɔ ɲɛ̨ą-lɔi kpalaa hu, gɛ́ tɛɛ yá kpɛa kpɛa laa kpomó hu, nwɔ́ nuą diɛ di kpələ, diɛi tii a nííɓa nuąi.

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Azaya 48:21

Kpələ wɛli hvo di hon nɔi pun tii ə di tɛɛ nąą pələ, ɉu; ə ya kulɔ kwɛni kpuwulu hu di mąą mɛ̨nį ɓa, ə gwɛni kpuwulu ɓɛla, tɛɛ yaɠaa di laa.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Azaya 62:12

Di kaa pai kɛi di laa ɓa: «Nu huwu mąąhəɠɛɛ», «Nuąi Yai-Laa aa di nwun mąąɓo», diɛ nwɔ̨nɔ̨ kɛ ə́ laa ɓa: «Nííɓa hɛn», «Daai di hva kɛa di kili kulɔ ɉu.»

Azaya 65:13

Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Ɉeremi 31:25

Nuąi kpələ wɛli a kɛ diɛ, gáá pai kpələ wɛli kulɔi diɛ. Nui vii a kpɛɛ, gɛ́ vaŋa lɔ.

Woolaa 4:4

Kpələ wɛli yɛ, ɲįnį kpələ lon nɛ̨n gąnąn nɛ̨ŋɛ̨-nɛ̨ŋɛ̨ mu, lɛapɛlɛɛ diɛ kɔ̨nɔ̨n vɛli, nu ta hva hɔlɔɓo hvo nɔna tɔ̨nɔ̨ kpɛli tɛɛ di pɔ.

Izikiɛ 47:8

Yɛ mą́ą́: Ɲái ŋɛ̨i kaa li hvóló ɓɛlai pələ lɔi hu, yɛ yɛɛ Ɉurdɛn ɲa-ɓoloon bɔ lɔi hu, yɛ pu Gboloyá powa hu; a pa pui Gboloyá hu, gaa pai ɲá nɛ̨ɛ̨i.

Maafîu 5:3

«Nwun na nɛ̨ɛ̨ nuą ɓaa nuąi da di kpɔɔ mąą yɛɛ. Mąąhɔlɔɓo, Yálá-taa tɔɔlaa kaa a di wɔ!

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Lukə 16:24

Nąąlɔwai tii, ə nwoo tɛ kpɔ hɔ̨́ɔ́, yɛ mą: ‹Ną́n Abrahamə! Ɲɛ̨́i mąąwɛli kaa, Lazarə tɔɔ ə ɲee kpiɛ lɔ yalaɠi hu, ə vilɛn nɛ̨́n ŋą. Mąąhɔlɔɓo, gáá mɔ̨nɔ̨ mį́i kpɔ kɛnɛ̨ nwɔ̨n ŋɛ̨i hu ɓɛ.›

Korɛntə veelɛ 12:9

Kɛlaa, ə nwóó ŋąą pənə yɛ mą́ą́: «Nwɔ́ mɛ̨inɛ̨ɛ̨ tii ə́ yəi, a pɛli; mąąhɔlɔɓo, nwɔ́ huwalawalalaa a too pono ŋą, ə́ wɔɔ hvįikpɛɛlaa tii hu.» Yili ɓa tii, nwɔ́ hvįikpɛɛlaa hu ɓə ŋą́ gbɔ́wɔ́ ɲąą kɛnɛ̨ la, ə gɛ, Kristə nwɔ huwalawalaa ə hee mɛ̨́i.

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.