Azaya 41:11 - Yálá laawoo hɛɓɛ (dc)

¹¹ Nuąi kpɔ tii kɛ di liikələnŋąą di kwəi ə́ pɔ, di kaali, di kaa pai nwumɛ̨i, di ɓɛlɛ yɛ kpɛɛ diɛ, di kaa pai lɛɛi a nu kpoloonŋąą, diɛ haa, diɛi kpɔ tii kɛi hvaa pɛlɛ yɛ́i.

Yálá laawoo hɛɓɛ

¹¹ Nuąi kpɔ tii kɛ di liikələnŋąą di kwəi ə́ pɔ, di kaali, di kaa pai nwumɛ̨i, di ɓɛlɛ yɛ kpɛɛ diɛ, di kaa pai lɛɛi a nu kpoloonŋąą, diɛ haa, diɛi kpɔ tii kɛi hvaa pɛlɛ yɛ́i.

Bible

¹¹ “Lɔii-ŋuŋ-ŋai ńyii-ŋai dísu-ƃela líi ŋwânai kâai, ka pâi díyee mɛi ɣâlei, dí ŋumɛ. Diai da kɔ́ pɛ̀lɛ kâai, ká dísu-kara,

Azaya 41:11 ပူးပေါင်းရင်းမြစ်များ

Lɛɛ gbɔwɔ ɓa 11:8

Nąąlɔwai, ə́ wɔ nu kpɛa-kpɛa kəlee kaa pai pɛlɛi gɔ́wɔ́ mu di kwɛli hvilɛn mą́ą́, diɛ kɛ mą́ą́: «Yɛ́ ká ə́ wɔ nuąi, ka kulɔ ku wɔ lɔi hu», a kɛ lɔ tii ŋą́ą́ mą li.›» Moisə ə kulɔ tɔɔmun bɔɔli a líiholi kɛnɛ̨.

Lɛɛ gbɔwɔ ɓa 12:29

Kwiihɛ̨ą ɓɛlaɓoɔ, Yai-Laa, ə Eziptə lon dɔlɔɔɠaa kəlee paa, ə gɔwɔ tɔɔ tɔɔmun non dɔlɔɔ ɓa, yai kɛi pa mąąhvalin ɉii, ə həli la nuwɔɠaa kəlee diɛ, diɛi kɛ gaho pɛlɛ́ mu; da daatɛlɛɛɠaa kəlee di lon dɔlɔɔɠaa.

Lɛɛ gbɔwɔ ɓa 23:22

Kɛlaa, ka ka wəli tɔɔ nwoo ɓa, mɛ̨nįi gáá moi kaa ka gɛ, gáá pai kɛi a ka yowoɠaa di yowo, gɛ́ tɔɔ nuąi da tɔɔ ka la, di la.

Azaya 17:13

Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Azaya 29:5

Ə yowoɠaa kpulu kaa pai kɛi yɛ lɛɠɛ hunwɔ̨, Ə́ mɔ̨nɔ̨ɓo tɔɔɓɛlaa kpulu a kɛ yɛ mɔ̨nun galai hvaŋą kaa líila. Ɛlɛɛ kpɔlɔ ɲąą ɓa,

Azaya 29:7

Gaa pai kɛi yɛ da kɛi hį́i ɓo, yɛ nu a kɛi mɛ̨nį ta kaa hį́i pələ, nuąi tii gɔ́ pɛlɛ Ariɛlə ɓa di yəi, a nuąi kpɔ tii kɛi gɔ́ pɛlɛ mąi, diɛ vąną, diɛ hee ɉu.

Azaya 29:8

Gaa pai kɛi lɔ yɛ pulu ną́mu a kɛi kɔ̨nɔ̨n mįi hį́i bələ, yili pulu a ɲįnąąɓo, goolon ə ɓo a voɠolo, a wala kɛti ə ɓo yɛ nui gwaną kpalaa, a hį́i ɓo, yɛ ya kpələ, yili pulu a ɲįnąąɓo, kpələ wɛli aa vii kpɛɛ, Bələ ɓə nuąi ŋɛ̨i damąą kɛ pələ kaa pai kɛi la, diɛi kɛi kɔ́ pɛlɛ Siɔn yee ɓa.

Azaya 34:12

Nu kpɛa-kpɛa di hva kɛa tɔɔmun ɉee laa, ɲąąwooɓo kɛ nuą kəlee kaa pai kpɛɛi nɔi.

Azaya 40:17

Lɔi kəlee kaa ɲɛ̨i mu a kpɛli-kpɛli, gaa lɔ yɛ da wala kɛ yɛnɛ̨ɛ̨.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 41:24

Kɛlaa kwáá gaa, ka hvo a hɛn da, ka yee hva pɛli mɛ̨nį ta kɛi, nu a ka həɠə ɉu, ɓɛlɛkpɛɛ mąą mɛ̨nį li.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Azaya 45:24

Yɛ kɛ diɛ: Yai-Laa, yaa tanɔ̨n gbən, ɲəi ɲą lɔ ɓə, tələnmolaa, da huwalawalalaa, da kulɔ laa.» Nuąi kpɔ da di kwɛli tee mą, di kaa pai pɛ̨nɛ̨i diɛ pa bɔ.

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Azaya 54:15

Di kaa ɲaba lɔi, diɛ lɔ gilii kɛ ə́ laa ɓa, ɲą́ą́ hvəi di tɔɔ la. Nui a lɔ ə́ kilii, a too ə́ ɲɛ̨i ɓa.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Ɉeremi 12:17

Kɛlaa, akɛ da wala di wəli tɔɔ nwóó ɓa, ŋį́ nu huwui tii kulɔ a nwun kpɔ tɛ̨ɛ̨tɛ̨ɛ̨, di nwun na ə pili. Ɲą́ą́ Yai-Laa nwóó li.

Ɉeremi 2:3

Israɛlə lonnii di kɛ a Yai-Laa nwɔɔ, dɔɔ a dee; yɛ hihɛn ma dɔlɔɔ-tɔlɔɔ. Nui lɔpee kɛ a tunwɔ̨n mą, mąą nu a ɉu mɔ̨nɔ̨ mį́i; mɛ̨nį ɲąąnwąnąą ə kɛi laa mąą nu ɓa. Ɲą́ą́ Yai-Laa nwóó li.

Zakari 12:3

A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Gɛlaɠaa 16:39

Di pa, di nɛ̨ɛ̨mąą hvə diɛ, yili pulu, di di kulɔ gaho ŋą, di ɉuhvɛli diɛ, diɛ diɛ: 'Ká həɠə ɓɛ daai.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.