Azaya 41:1 - Yálá laawoo hɛɓɛ (dc)

¹ Gboloyá hɛ̨ąi lɔiɠaa, ka ka laa pilɛ nííla, ɛlɛɛ, nuą di di hɛ̨ą yili, di lɛɠɛ ɓɛ, ɛlɛɛ di hvaa, kwa diɛni ku hee kɛa giti ɓa.

Yálá laawoo hɛɓɛ

¹ Gboloyá hɛ̨ąi lɔiɠaa, ka ka laa pilɛ nííla, ɛlɛɛ, nuą di di hɛ̨ą yili, di lɛɠɛ ɓɛ, ɛlɛɛ di hvaa, kwa diɛni ku hee kɛa giti ɓa.

Bible

¹ Ɣâla a m̀ôi ǹyɛɛi, “Ka kámɛi sáa ká káwoli tɔ́ɔ ḿâ, káai kélee ká káa lɔii-ŋuŋ su kôyaa-ŋa sui! Ká kákpîŋ kpɛtɛ ká kámɛnii-ŋai láa ŋ́ɛi. Pɔri a pâi kɛ̂i kâa a gɛɛ ká káwoo su kula. Kwaa pá kúkîe ma a gɛ́ɛ kú m̀ɛnii su káa kú gáa ǹúui nyii ŋɔi lɛ̂lɛɛi.

Azaya 41:1 ပူးပေါင်းရင်းမြစ်များ

Zôo 38:3

Ə́ hąą yili kɛa yɛ huwalawala mun, gáá pai ə́ mąąnin gɛ, ə́ nwóó ŋąą pənə.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 34:1

'Lɔiɠaa! 'Ka lɛɠɛ ɓɛ! 'Ka ka wəli tɔɔ! Yɛnɛ̨ɛ̨ nuą! 'Ka ka wəli tɔɔ kpɔ a nɛlɛɛ! Lɔi da ɉu hɛnŋąą kəlee di di wəli tɔɔ; yɛnɛ̨ɛ̨ pilɛɛ gee mɛ̨i da ɉu lonnii kəlee.

Azaya 40:31

Kɛlaa nuąi da di kilitɔɔ Yai-Laa ɓa, di hvaŋą ta lɔ ɓə a pɛlɛ mą, da kɛ yɛ da kɛi koon, yɛ kuwɔ́ɠaa, diɛ gilɛ həɠə, di hvii hva kpɛɛ, di kaa lɔ hiɛi, di kɔ́wɔ hu hva haa.

Azaya 41:5

Gboloyá hɛ̨ąi lɔiɠaa da gaa, diɛ ɲɔw, lɔi kpon ɉeei yɛ kpɛlin, da di ɲɛ̨i hee mą, diɛ nąą mąąkpɛɛ, diɛ kɛ ɉuwu ɉuwu.

Azaya 43:26

Yii ə́ kwəi, mo, ɛlɛɛ, gu nu hveelɛi, gu hee giti haɠa ɓa, ə́ woo hukulɔ, akɛ yá pɛli ə́ kpɔwɔ tələnmoi.

Azaya 43:9

Lɔi kəlee di mąnn di ɲąąkpɔn a gee ɓa, taaɠaa kəlee di mąn di yee lɔ geei, di nɛlɛ ɓə, nu ə hɔlɔɓo ɉu, yɛ mɛ̨nįɠaai ŋɛ̨i lɛɛ tɔwɔ, yɛ mo, ɛlɛɛ, mɛ̨nįɠaai daa gbɛa tɛɛ, di ta nɛlɛ ɓə nu ə hɔlɔɓo ɉu, yɛ di hukulɔ nąąlɔwai tɔwɔ? Di pa a mąą kɛlaɠaa, ɛlɛɛ di dɛ̨ą ɓo, nuą di mɛ̨n, diɛ kɛ diɛ: «Tɛ̨ą li.»

Azaya 48:16

'Ka ka mąą lɛɠɛ mą́ą́, 'ka mɛ̨nįi ŋɛ̨i mɛ̨n, ə həɠə gɔwɔ tɔɔ yələ ɓa, və́ ta mɛ̨nį ta ɓoli loo pələi, ə həɠə nwɔ̨nɔ̨ mɛ̨nįi tii kɛ yələ ɓa, gáá lɔ ɓɛ, yili mukulaa ɓaa, Mɛ̨nį kəlee ŋą Hééɓomun Yálá ɓə dɔ́ɔ́, a nwɔ Kilii.

Azaya 49:1

Gboloyá hɛ̨ąi lɔiɠaa, 'ka ka wəli tɔɔ nwóó ɓa, kwɛala lɔiɠaa, 'ka ka wəli tɔɔ kpɔ a nɛlɛɛ, Ŋą́ lɛɛ néé kwəi, Yai-Laa ə də́li, ŋį́ kɛ nii néé kwəi, náá ə ɓo na.

Azaya 50:8

Nui a mą́ą́ tɛ̨ą ɓo, aa lɛɠɛ kɛa mą́ą́! Gbɛɛ ɓə yɛ ə hvaa pɛlɛ mą́ą́? Ka gwəli kani mɛ̨nį ɓo haɠa ɓa, a gee! Gbɛɛ ɓə yɛ ə gála mą́ ɓo, giti pɛlɛ la? Mąą nu ə pa kani wɛ, ə gáá!

Habakukə 2:20

Kɛlaa, Yai-Laa kaa nwɔ pɛlɛ́ mąąhəɠɛɛ mu. Lɔi kəlee, ka ka mɛ̨i haa nííla.

Zakari 2:13

Ɲąą gá, gáá pai ɲéé pilii di hu, diɛ too di kpɔwɔ luwɔɠaa yee mu. Yili akɛ tii, ka gɔlɔn gea kaa diɛ; Yai-Laa Mɛ̨nį Kəlee ŋą Hééɓomun ɓə dɔ́ɔ́.