Azaya 40:7 - Yálá laawoo hɛɓɛ (dc)

⁷ Kala tiliin a haa, bowa a yohva, ɓɛlɔwai Yai-Laa nwɔ hvaŋąi a tɛɛ la; bələ kpɔlɔ ɓə nu kanŋaa kɛ pələ kaa la.

Yálá laawoo hɛɓɛ

⁷ Kala tiliin a haa, bowa a yohva, ɓɛlɔwai Yai-Laa nwɔ hvaŋąi a tɛɛ la; bələ kpɔlɔ ɓə nu kanŋaa kɛ pələ kaa la.

Bible

⁷ Kala a kpâla, wúru-poa kɛ́ fɔ̃ya a tãi Yâwɛɛ a pâi fãa tɛɛ̂i la é dí fɛ́ɛi. Nûa dífulu-laai su kpuâi nɔ́ yɛ̂ɛ kala.

Azaya 40:7 ပူးပေါင်းရင်းမြစ်များ

Zôo 14:2

Gaa lɔ yɛ wulu powai a kulɔ, yɛ yohva; gaa lɔ yɛ nįnįn, a kulɔ, ɛlɛɛ hva lamun.

Zôo 4:9

Yá gɛ ti, yáá Yálá nwɔ lii ɲąnwąną laai kwɛli. Ɉunwɛi hvaŋą a li a diɛ.

Zôo 41:21

Gɛlɛɛ a pamanin, gaa gɔlɔ ɓa yɛ mɔ̨nun gbaɠa, ya kpala pili yɛ li bɔ, a kɛ lɔ yɛ́lɛ́i.

Mąątɛ̨nɛ̨ 102:4

Hvó gaai, nwɔ́ hvólóɠaa kaa lɔ kpɛɛi, yɛ nwɔ̨n nulu, gɔ́wɠaa diɛ kələn yɛ kpáɠa nwɔ̨n.

Mąątɛ̨nɛ̨ 103:15

Nu kan nwɔ yɛnɛ̨ɛ̨ kaa yɛ kala tiliin, yɛ powa yɛ kpomói wulu;

Mąątɛ̨nɛ̨ 103:16

yaa lɔ ɓaa hvaŋą a tɛɛ, hva kɛa kɛ laa, ɓɛi ə kɛ laa, nąąkili hva kpɛli lɛɛ nąąi ɲą.

Mąątɛ̨nɛ̨ 90:5

Yá di kələ, di tɛɛ lɔ yɛ hįi kaai tɔ̨nɔ̨, yai a kpɛɛ yələɓɔi lɔwai, yɛ kala tiliin a ɓɔn;

Mąątɛ̨nɛ̨ 90:6

a powa yələwala pɔ, mąą yɛ hvalin, yələwulii pɔ, ə yohva, ə kpala.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 37:27

Daaɠaai tii hu nuą yee hva li kwɛala, di kaa ɲɔwi, di kwəi aa pili diɛ, di kaa yɛ kpomói kala tiliin, yɛ lɔwɛi wulu laa, di ɓo yɛ pɛlɛ́ kɔ́n mą kala tiliin, di kaa yɛ huwɔ hu tumɔ̨, yai hvąŋą wələənŋąą a hee ɉu.

Azaya 40:24

Da lɛɛ lɔ heei, da lɛɛ lɔ di kɔwɔ hvilɛn ɉi, di wɔ tɔɔlaai ɉamu hva kpɛli hvilɛn, A nɔ̨ɔ̨ pu lɔ diɛ, daa mą kpala, tulɔ hvaŋą yɛ li a diɛ yɛ kala kpala.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Egaa 1:9

Ə kɛ ka kwəi, ka káá pai hɛn gɛnɛ̨ hɔlɔɓoi ka yəi ɲɛa, kɛlaa, diikpə lɔ ɓə ka ɉɔlɔɓo, kaa paa la ka yəi bɛlɛ́n. Yii woloi nwɔ̨nɔ̨ ka paa la, ŋį́ hvaŋą hee ɉu, ɉu ə taɠa taɠa. Lə mɛ̨nį ɓa yili a kɛ tii? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ kaa: Nwɔ́ pɛlɛ́i ŋɛ̨i aa pu, mąą mɛ̨nį ɓə gɛi. Kɛlaa, kaa ka kpɔwɔ pɛlɛ́ɠaa pɛli a nɛlɛɛ.

Zĩi 1:10

ɛlɛɛ, kristalon a hɛn gɔw nąmu, yaa kpɛlimąn, da mąąyɛɛ, yili ə kɛ a nwɔɔ ɲɛ̨i pono, mąąhɔlɔɓo, hɛn nąmu laa a tɛɛ yɛ bələi wulu powa a kulɔ la ɲəi.

Zĩi 1:11

Hvo gaai, hvóló a kulɔ a nwəleen gɛnɛ̨, a gala kpala, bowa ə kulɔ ɲəi, nwɔ nɛlɛ laa ə kulɔ ɲəi. Bələ kpɔlɔɔ ɓə hɛn gɔw nąmu a kulɔ la, nwɔ hɛn gɔw lɔwai.