Azaya 40:26 - Yálá laawoo hɛɓɛ (dc)

²⁶ 'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.

Yálá laawoo hɛɓɛ

²⁶ 'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.

Bible

²⁶ Íŋɛi tɛ́ ŋ̀elei su í ǹaa káa. Gbɛ̂ɛ ƃé bɛ́mɛlɛ̂ŋ-koa-ŋai kpɛ̂tɛi? Ǹyaa ƃa ǹúui nyii a tɔ̂ɔ díŋɛi túɛ yɛ̂ɛ kɔkuluƃai. È berei kɔ́lɔŋ dítâmaai lai ǹyaŋ è díkelee dílaa kɔ́lɔŋ tɛi-tɛi. Ŋɔwála-wala laai sú kɛ̂tɛi. M̀ɛni ma dɔnɔ kpîŋ fé niî láŋ ní.

Azaya 40:26 ပူးပေါင်းရင်းမြစ်များ

Zɛnɛse 1:14

Yálá yɛ nwɔ̨nɔ̨ diɛ: «Gɛ́ hvələ-hvələ hɛnŋaa di kɛ yələ kwəi, əgɛ, diɛ yələ ɓɔɔ da kpinį di ɓɛlaɓo, ɛlɛɛ, di kɛ a hvólóɠaa kiliin ɉɛn da kwɛlanɠaa, ə mą kɛ, hɛli hvólóɠaa.

Zɛnɛse 1:16

Yálá ə hvələ-hvələ hɛnŋaa kpɛa kpɛa hveelɛ kulɔ. Ə gɛnɛ̨mun gɛ a yələ ɓɔɔ nwɛi, ə nogolomun gɛ a kpinį nwɛi, ə pɛmɛ̨nɛ̨n gɔwɠaa kulɔ.

Mąątɛ̨nɛ̨ 102:25

Yili ɓə gɛ, gɛ́ kɛ mą: Nwɔ́ Yálá, ŋį́ kɛ Yɛ́: 'Hvó nwɔ́ yɛnɛ̨ɛ̨ lɛɛ ɉamąi, hvó ɉə́ɠə́!

Mąątɛ̨nɛ̨ 119:91

Bələi lɔ ə́ mo la, bələ lɔ ɓə hɛn gəlee kaa nií la, aa lɛɛ ɉu, haa kəlee yələ aa həli. Mąąhɔlɔɓo, yɛnɛ̨ɛ̨ kəlee pilɛɛ geemɛ̨i, a tí yɛ́.

Mąątɛ̨nɛ̨ 121:1

Hiɛ mąąhəɠɛɛ kulɔ wələ. Ŋą́ nwún muhəɠə, ŋį́ ɲɛ̨́i hee ɲeeɠaa diɛ, mįnɛ̨ ɓə nwɔ́ kpɔnmąą a pɛli həɠəi laa?

Mąątɛ̨nɛ̨ 19:1

Nwələ ɲɛ̨itɔwɔ mun. Davidə nwɔ wələ.

Mąątɛ̨nɛ̨ 66:3

'Ka kɛ Yálá ɓa: «Ə́ kɛ mɛ̨nįɠaa ɲɛ̨i mąą ɲɔwuɔi! Ə́ hvąŋą kɛnɛ̨ pələ, ə́ yowóɠaa daa di kpɔwɔ kɛ, a ə́ mąątɛ̨nɛ̨ nuą.

Azaya 34:16

Ka Yai-Laa nwɔ hɛɓɛ́i hu kaa, ka ɉu woo ɓo, dɔ̨nɔ̨ kpɛli hvo pai lɛɛi pulu, di ta hvo pai kɛi mɛlan gɛɛmąąnįn kɛi, Mąąhɔlɔɓo, Yai-Laa ɓə di tí la nwɔ Kilii ɓə di ɲąąkpɔn.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 45:12

Ɲą́ą́ ɓə lɔi pɛli, ɛlɛɛ, nu kan lɔi mɛ̨i, ɲą́ą́ ɓə bɛli; ɲą́ą́ ɓə yələkɔlɔn volóon a ɲéé, ɛlɛɛ, gɛ́ yələ kwəi hɛnŋąą ŋąąwooɓo.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Azaya 48:12

'Ə́ wəli tɔɔ Ɉakɔbə, Israɛlə yɛi gáá ə́ təlii. Gɛ́ pələ lɔ ɓaa gɛ́ pələ: Ɲą́ą́ ɓə a dɔlɔɔ tɔlɔɔ, ɲą́ą́ ɓə ɓaa gbəlan mąą.

Azaya 48:13

Teą li, ɲą́ą́ ɓə lɔi pɛli, má mįi yee ɓə yələkɔlɔn naa, ŋį́ di təli, di kəlee daa mą pa a gee.

Azaya 51:6

'Ka ka ɲɛ̨i hee yələkɔlɔn mą, yili pulu ka lɔi ɓa kaa, yələkɔlɔn gaa lɔ pai lɔi gbąi yɛ nwɔ̨n nulu, lɔi yɛ haɠa yɛ həɠə; ɉu nuą diɛ haa yɛ koo koon ɉɛnŋąą. Kɛlaa nwɔ́ ɓalo mɛ̨nįi nwɛi gaa lɔ laa a yələ kəlee, nwɔ́ tələnmolaai hva too.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.