Azaya 40:24 - Yálá laawoo hɛɓɛ (dc)

²⁴ Da lɛɛ lɔ heei, da lɛɛ lɔ di kɔwɔ hvilɛn ɉi, di wɔ tɔɔlaai ɉamu hva kpɛli hvilɛn, A nɔ̨ɔ̨ pu lɔ diɛ, daa mą kpala, tulɔ hvaŋą yɛ li a diɛ yɛ kala kpala.

Yálá laawoo hɛɓɛ

²⁴ Da lɛɛ lɔ heei, da lɛɛ lɔ di kɔwɔ hvilɛn ɉi, di wɔ tɔɔlaai ɉamu hva kpɛli hvilɛn, A nɔ̨ɔ̨ pu lɔ diɛ, daa mą kpala, tulɔ hvaŋą yɛ li a diɛ yɛ kala kpala.

Bible

²⁴ Díkaa nɔ́ yɛ̂ɛ wúru-sôo ŋa, nyii-ŋai dífe niî dísame pîlaŋ níi. Tãi Yâwɛɛ a pâi fãa tɛɛ̂i lai, da pâi kpâlai díkoôŋ yɛ̂ɛ kala kpâla.

Azaya 40:24 ပူးပေါင်းရင်းမြစ်များ

Samia Veerɛi 22:16

Yai-Laa tomą woo, da ɉunwɛi nɔ̨ɔ̨, a gboloyá həɠə naai, ɲa kɔ́w ɓa maa ə pɔ̨nɔ̨. Yɛ lɔi kɔ́wɔ hvilɛn ɉɛn maa pɔ̨nɔ̨.

Tɔɔɓɛlaa veelɛ 10:11

Nuąi kpɔ kɛ a Akabə yəi bɛlɛ́n nuą, da nwɔ nu laa pələi nuą, Ɉehu ə gəlee paa Izreɛlə kpɔ kpai, hvo dɔ̨nɔ̨ kpɛli lɛɛ, ə mą kɛ nwɔ haláá laa həli nuą kpɛa kpɛaa.

Zôo 21:18

Ya pa, da kɛ kɛi diɛ: «Di kaa yɛ kala kpala yii hvaŋą a ɉəɠə, yɛ mɔ̨nun galai hvaŋą a ɉu taɠa.»

Zôo 4:9

Yá gɛ ti, yáá Yálá nwɔ lii ɲąnwąną laai kwɛli. Ɉunwɛi hvaŋą a li a diɛ.

Zôo 8:17

Ɉamu lɔɔ kwɛni wolo hu, yɛ gɔ̨nɔ̨n ɉɔlɔɓo kwɛniɠaa lɔwai.

Mąątɛ̨nɛ̨ 58:9

'Di kɛ yɛ kwələn, yai nɛaya a kɛ lɔ yɛɛi ɉɔɔ, 'di hvo hvóló kaa, yɛ nɛ̨ɛ̨nu yəi kala-lon.

Mąątɛ̨nɛ̨ 83:13

diɛ ɓə kɛi kɛ diɛ: «'Ka gu Yálá nwɔ lɔiɠaai həɠə a gu wɔɔ!»

Hanwon 1:27

A ɲələi ɲɔw a pu la ka mɛ̨i, yɛ tulɔ hvaŋą, kpalo yɛ ɓɛla kaa yɛ ɉigilin, a ɲələi ka kwiɛn na a mɔ̨nɔ̨ da liikələn gwəi.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 17:11

Ɲələi lɔ yá di hin na, ə́ ɲɛ̨i a lɛɛ diɛ, diɛ kɛnɛ̨, ɛlɛɛ yələ wala pɔ, yɛ́ kɛa di ɓa kulɔ, Kɛlaa di mįi lɔwai a həli lɔ, di ɓa ə kwɛlɛɛn, ɲɔ̨n tii ɉali hva kɛ.

Azaya 17:13

Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Azaya 37:7

Mɛ̨nįi gáá pai bui nwəlii ya ka: «Di kaa pai wɛlɛɛ ta ɓoi mą, gaa pai pənəi ə li nwɔ lɔi hu, gáá pai gɛi di baa laa a ɓɔwa kwɛa, gbɔ-kpɔɔ lɔi hu.»

Azaya 40:7

Kala tiliin a haa, bowa a yohva, ɓɛlɔwai Yai-Laa nwɔ hvaŋąi a tɛɛ la; bələ kpɔlɔ ɓə nu kanŋaa kɛ pələ kaa la.

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Azaya 41:2

Dələnmo mun həɠə hvóló kulɔi pələ, gbɛɛ ɓə ɲali bulu, yɛ bənə yɛ ba, yɛ lɔiɠaa pɛlɛ gɔwɔ mu, yɛ tɔɔɓɛlaa pɛlɛ lɔi ɓa, yɛ nwɔ kɔ́ kɔ́ nuą kpulu hu kɛnɛ̨ yɛ munuun gbala, yɛ nwɔ tonwąi tamą, yɛ tulɔ hvaŋą a kɛi dɛ̨ɛ̨ kpoloon daɠa taɠa.

Ɉeremi 22:30

Yai-Laa woo ka! «Ka bɛ̨ɛ̨ a nui tii laa kaa diɛ nu kpoloon, nui nwun na hvo nɛ̨ɛ̨li mɛ̨nį ta hu nwɔ yɛnɛ̨ɛ̨ hu, non da lɔpee hvo pai nu kɛi, yɛ pɛli heei Davidə nwɔ tɔɔkpəlin hu, yɛ kɛ a Ɉuda tɔɔmun da.»

Ɉeremi 23:19

«Yai-Laa nwɔ tulɔ hvaŋai aa muhəɠə, a kɛɛ kala liiholi, vaŋa kaa tɛɛi, yɛ kpəlaan a hɔn mąą nuą nwun.

Osia 13:15

Ɛfraimə ə mą kɛnɛ̨ nąn nonnii lɔwai, hvóló kulɔi pələ hvaŋą kaa pai, Yai-Laa nwɔ hvaŋąi, yai həɠəi gbali kələn ŋąą hu pələ, yɛ ɲá nwun gulɔi hu kpala, ya yɛ kpala yálɔwa hu, yɛ nɔi kala, da ɉu hɛn gɔwɠaa.

Osia 13:3

Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.

Nahumə 1:14

Mɛ̨nįi Yai-Laa ka moi yɛ hvilɛn yɛ́ ya ka, yɛ: Ə́ laa hvo pai lɛɛi huwui lɔpee da ɓa, ə́ wɔ yáláɠaai hvɛli pɛlɛ́ mu, ɉaliɠaai di kaa laa a wulu mąą haɠaa, da yiiɠaai di di yɔw, gáá pai gəlee kpɛɛi laa; gáá ə́ kámą pɛlii, mąąhɔlɔɓo ə́ mu hvo wiɛ li.

Egaa 1:9

Ə kɛ ka kwəi, ka káá pai hɛn gɛnɛ̨ hɔlɔɓoi ka yəi ɲɛa, kɛlaa, diikpə lɔ ɓə ka ɉɔlɔɓo, kaa paa la ka yəi bɛlɛ́n. Yii woloi nwɔ̨nɔ̨ ka paa la, ŋį́ hvaŋą hee ɉu, ɉu ə taɠa taɠa. Lə mɛ̨nį ɓa yili a kɛ tii? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ kaa: Nwɔ́ pɛlɛ́i ŋɛ̨i aa pu, mąą mɛ̨nį ɓə gɛi. Kɛlaa, kaa ka kpɔwɔ pɛlɛ́ɠaa pɛli a nɛlɛɛ.

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»

Zakari 9:14

Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.