Azaya 4:4 - Yálá laawoo hɛɓɛ (dc)

⁴ Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n.

Yálá laawoo hɛɓɛ

⁴ Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n.

Bible

⁴ É lɛ́ɛ pâi kɛ̂i tí, Ǹuu-namui a pâi ǹɔii-ŋuŋ ŋɔmɛnii ŋá têei é m̀aa waa. A pâi Zerusâlɛŋ ŋɔsɔnyɔ̂ŋ waâi ma, é ŋãai dí bù naai kélee wáa.

Azaya 4:4 ပူးပေါင်းရင်းမြစ်များ

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Wɛli 3:11

Ɉerusalɛmə nɛ̨ɛ̨lɛa, 'ka pa! 'Ka pa ka tɔɔmun Salomɔn kaa. Vúlulɔ ɓɔlɔi nee ə bɛli mą a nwɔ hvúlulɔ yələ laa, Ka gaa, a gwəinɛ̨ɛ̨ hvólói ŋɛ̨i.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 1:25

Ɉerusalɛmə taa, gáá pai ɲéé pɛlɛi yɛ́, gáá pai ə́ mąą waai a nwɔ̨n, ŋį́ ə́ kpo waa yɛ́, ŋį́ ə́ waa a kpolo kɔ́w, ŋį́ ə́ nɔ̨nwɔ̨ waa yɛ́.

Azaya 1:31

Huwalawala mun a kɛ yɛ mɔ̨nun gban, gɛ mɛ̨nįɠaa di kɛ yɛ nwɔ̨n gbaalən, gəlee hveelɛi da kələn, nu hva hɔlɔɓo, hvo nwɔ̨n nuwun.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Azaya 28:6

Yálá kaa pai kɛi a dələnmo kiti teemun kili, ə ɓo a nuąi gɔ́ kpɛi daa ɓa, di wɔ hu walawala.

Azaya 9:19

Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Azaya 9:5

Gbala ə tɔɔ, gwaa lon ɉɔlɔɓo, daa lon ɉulɔnu tɛɛ gu pɔ, heeɓolaa kaa ɲəi; naa ɓaa a: Liɛwoo kɛmun nɛlɛɛ, Huwalawala Yálá yələ kəlee Ną́n, Liilaa Tɔɔmun.

Ɉeremi 9:6

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai di mąąhəɠəi a nwɔ̨n, ŋį́ di mąą waa. A tɛ̨ą, gáá pai gɛ́ mɛ̨nį kɛi nwɔ́ nuą kili ɲɔ̨nwɔ pələi ŋɛ̨i hu.

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Izikiɛ 22:15

Gáá pai ka taɠa taɠai lɔiɠaa hu, ŋą́ li a kaa lɔiɠaa lɔwai; duwɔ pələ ɲɔ̨n gaa ə́ hu, gáá pai gbəlai bələi.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Izikiɛ 36:29

Gáá pai ka wɔ mąąliɓi mɛ̨nįɠaa kəlee kulɔi kaa, gɛ́ gɛ ɓá yɛ lɛlɛ káá, vá kɛa pulu too kaa.

Sofoni 3:1

Kpalo ɓɛlaai gulɔ nwoo mu taa ŋɛ̨i ɓa, a yaa ŋɛ̨i gɔhɔɓoɔ, yɛ nwąnąlɔɔ kulɔ!

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.