Azaya 4:2 - Yálá laawoo hɛɓɛ (dc)

² Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Yálá laawoo hɛɓɛ

² Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Bible

² Maa ɣêlei tí, Yâwɛɛ a pâi gɛ̂i zí-sãai da ŋ̀úru-ŋai pâi kɛ̂i ǹɔii sui, da pâi kɛ̂i a díkpaya-kpaya, dílɛlɛɛ. Ǹyaŋ diai kélee pâi lɛɛ̂i Eezuɛi, da pâi zí-sãai ŋí m̀á ŋ̀aa-nɛ̃ɛ kulâi.

Azaya 4:2 ပူးပေါင်းရင်းမြစ်များ

Mąątɛ̨nɛ̨ 67:6

Nu kanŋaa 'di ə́ hɛɠɛɛɓo, Yálá! Nu kanŋaa kəlee 'di pɛlɛ di kee ɓa, diɛ ə́ hɛɠɛɛɓo.

Mąątɛ̨nɛ̨ 72:16

Nɔi ə lɛlɛ, tíi ə kɛ nąą kəlee gbɛlai hvo kɛ mą, mɔ̨nun gbala yɛ yee tɛ yɛ dumon, yɛ Liban yee; nu kan ɲąą ə nɛ̨ɛ̨ daa kwəi, yɛ kala tiliin.

Lɛɛ gbɔwɔ ɓa 28:2

Yokolohəɠə pɛli ə́ liɛ Aarɔn ɓa, a haláá kulɔ həɠə yɛ mąąɲinɛ̨n gɛ mą.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 26:1

Mąą yələ, di kaa pai kɛi nwələi ŋɛ̨i tooi Ɉuda lɔi hu, diɛ kɛ diɛ: Kɔtaa wala wala kaa ku yəi, ɓalo mɛ̨nį ɓə a mąąkɔ̨nwɔ̨ hįį.

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Azaya 30:23

Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.

Azaya 45:8

Yələkɔ́lɔn, 'tələnmolaa pu, yɛ həɠə yələi pələ yɛ nąnąąn, ɛlɛɛ, tulɔ kpinįnŋąą 'di tələnmolaa kpoloon naa lɔi mɛ̨i, lɔi, ə naaɓo, nu ɓalo mɛ̨nį, da tələnmolaa diɛ ɓɔn nąą a gee. Ɲą́ą́i a Yai-Laa, ɲą́ą́ ɓə nui tii pɛli.

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Azaya 60:15

Yɛ́i tii kɛ daa ɓo yɛ́, daa ə́ too, ə́ wɛli kpɛɛ nuą diɛ, nu hvo kɛ yɛ́, gáá pai ə́ kɛi a ɲɛ̨i pɔ̨nɔ̨ hɛn, yələ kəlee mɛ̨nį, ŋį́ ə́ kɛ a kwɛlan gəlee nwɔ kwəinɛ̨ɛ̨.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 61:11

A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Ɉeremi 23:5

Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Ɉeremi 33:15

Vólói tii ɉəli, ɲələi kpɔ kpɔɔ a ɉəli kpɔlɔɔ mą, gáá pai tələnmo lon da tɛɛi Davidə pɔ, yɛ tɛ̨ą da tələnmolaa di mąąkɔ̨nwɔ̨ nɔi hu.

Ɉeremi 44:14

Nuą mąn lɛɛ Ɉuda lɔi hu, nuą di kaa Eziptə lɔi hu di mąąkilɛ pələi, da hvo pai kulɔi ɉu, di ta hvo pai lɛɛi, di ta hvo pai pənəi hvo li Ɉuda lɔi hu, di kili kaa ni di pulu pənə mɛ̨nį ɓa di pa di hee di pɔɔli. Kɛlaa, di hva pənə di hvo li laa. Nu kpulu wolo tiikpə lɔ ɓə pai kulɔi ɉu.»

Ɉeremi 44:28

Nu tɛitɛi kaa pai kulɔi gɔi tii hu, di lɛɛ a di hvulú də li Ɉuda lɔi hu. Akɛ kɛa tii, diɛ mąn, ɲą́ą́ mąn, nui tɛ̨ą kaa bɔ da gɔlɔn.

Izikiɛ 34:29

Gáá pai tíi lɛlɛɛ ta tɛɛi di pɔ, naa tɛɛ, nu ta hva kɛa haa a pulu nɔi hu; lɔiɠaa di hva kɛa nwumɛ̨ tɛ a diɛ.

Izikiɛ 36:8

Nąąlɔwai, kaai a Israɛlə yeeɠaa, ka káá pai kɛi a lɔi lɛlɛɛ, hɛn gəlee yɛ lɛlɛ laa, a nwɔ́ nu huwui Israɛlə nwɔɔ, mąąhɔlɔɓo ɉu hvo kɛa kwɛa li, yɛ pənə yɛ pa nwɔ lɔi hu.

Izikiɛ 7:16

Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Abdiasə 1:17

Nąąlɔwai, Siɔn yee ɓa, yii gaa pai pənəi ə kɛ a ɲą́ą́ nwɔ́ɔ́, yii wolaai da kulɔ ɉu, di kaa pai liilaa hɔlɔɓoi. Ɉakɔbə huwu kaa pai pənəi di di wɔ lɔi hɔlɔɓo.

Zakari 3:8

«'Ə́ wəli tɔɔ Ɉosue, yɛ́i a ɉaláá laa həli mun gɛnɛ̨ɛ̨, yɛ́ ka ə́ ɓɛlaai heeni ə́ líílai; nuąi tii kaa a mɛ̨nį ta kɔlɔn ɉɛn; mąąhɔlɔɓo, gáá pai a nwɔ́ tímun, yii gaa yɛ wulu ɓɔn.

Zakari 6:12

'Yɛ́ mą: ‹Yai-Laa Mɛ̨nį Kəlee ŋą Hééɓomun woo ka, yɛ: «‹Nu ta ka ŋɛ̨i, naa ɓaa wulu ɓɔn, yɛnɛ̨ɛ̨ kaa pai ɓɔn ɉii gɔwɔ pɔɔ hu. Gaa pai Yai-Laa hvɛli pɛlɛ́ tɔɔi.

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Malasi 3:17

Yili pulu, Yai-Laa Mɛ̨nį Kəlee ŋą Hééɓomun ə mo, yɛ: Volói gáá pai nwɔ́ huwalawalaa kulɔi la pɔ̨nɔ̨ŋą, mąą hvólói tii, ŋą́ nuąi tii həɠə ɉu, di kɛ a nwɔ́ nuą, diɛ ɓə ŋą́ di kwɛdɛn. Ŋą́ di ɲɛ̨imąąwɛli kaa, yɛ bələi lon yii a tí nąn ma, nąn a ɲɛ̨imąąwɛli kaa la.

Maafîu 24:22

Akɛ kɛ Yálá hvo volóɠaa tii hukpuwɔ, nu tɔ̨nɔ̨ kpɛli hvo li ɓalo. Kɛlaa, Yálá ə volóɠaa tii ta kulɔ ma, nuą ə di həɠə ɉu di mąą mɛ̨nį ɓa.

Lukə 21:36

Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Piɛrə veelɛ 1:16

Gáá moi kaa, ku hvo kɛ hvilɛn ni li lɛɛ pɔlɔ-kiliinŋąa pulu, ə gɛ, ku gu Ną́mu Jesus Kristə pa mɛ̨nį nwɔ huwalawala lɛ kaa, kɛlaa, kuɔ kpinįi ku nwɔ mąąwiɛ kaa a ku ɲɛ̨ikɔw.