Azaya 4:1 - Yálá laawoo hɛɓɛ (dc)

¹ Mąą yələ, nɛ̨ąą mɛ̨ihveelɛ kaa pai hulɔnu tɔ̨nɔ̨ mąąkɔ̨nwɔ̨i, diɛ kɛ mą: «Ku kaa pai ku kpɔwɔ kɔ̨nɔ̨n gɛi, kuɔ ku kpɔwɔ mąą həɠə kɛ, yálálɔ ə́ laa ə kɛ kuɔ, ə́ nwumɛ̨ həɠə ku ɲɛ̨i!»

Yálá laawoo hɛɓɛ

¹ Mąą yələ, nɛ̨ąą mɛ̨ihveelɛ kaa pai hulɔnu tɔ̨nɔ̨ mąąkɔ̨nwɔ̨i, diɛ kɛ mą: «Ku kaa pai ku kpɔwɔ kɔ̨nɔ̨n gɛi, kuɔ ku kpɔwɔ mąą həɠə kɛ, yálálɔ ə́ laa ə kɛ kuɔ, ə́ nwumɛ̨ həɠə ku ɲɛ̨i!»

Bible

¹ Maa ɣêlei tí, nɛnî lɔ́ɔlu mɛi feerɛ da pâi kpakolo tɔnɔ sonîi dîyɛɛ m̀ai, “Kúkula a ínɛyâa. Kwa pâi kɛ̂i kúkpîŋ maa ɣirîi, kúkɛ kúkpîŋ kɔ̃nɔŋ kùla. Kwa wɛ̂lii nɔ́ ílaa kɛ́ ƃò kûa. Ŋ̀umɛi ŋí tée kúŋɛi kúfe kɛ̀ a gòyaŋ-ŋa.”

Azaya 4:1 ပူးပေါင်းရင်းမြစ်များ

Zɛnɛse 30:23

Ə koo həɠə, ə lon ɉulɔnu hɔlɔɓo. Rasɛlə, yɛ diɛ: «Yálá aa nwumɛ̨ həɠə ɲɛ̨́ilaa.»

Samia Veerɛi 6:23

Gɛɛ tii, Saulə lon Mikalə hvo lon ɉɔlɔɓo ə lɛɛ la ɉu ə haa.

Azaya 10:20

Ɲələi tii a həli, Israɛlə nu kpəli, da Ɉakɔbə nwɔ pɛlɛ́i mu nuąi pai kulɔi ɉu, di hva kɛa di kilitɔɔ di kɛlɛmun mą; di kaa pai di kilitɔɔi Yai-Laa ɓa, Yai gaa a Israɛlə nwɔ Mąąhəɠəmun.

Azaya 13:12

Gáá pai nuą lɛɛi tɛi tɛi, a nɛ̨ɛ̨ mąn hɛni laa tooɔi, a nɛ̨ɛ̨ mąn Ofirə hɛni tamąąi.

Azaya 17:7

Mąą yələi tii, nu a ɲɛ̨i tinɛ̨n gɛa ə ɉee bɛli mun bɔ pələ, yɛ Israɛlə nwɔ Mą́ą́həɠə mun gaa.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 3:6

Gɛ pələi tii, nu ta kaa lɔ pai kpalai nąnnon mą di nąn ɲəi bɛlɛ́n, yɛ kɛ mą: «Ə́ wɛi, gbaawii kaa ə́ kwąną, hee ku nwunna, nu kpəli woloi ŋɛ̨i ə kɛ ə́ yee mu.»

Azaya 54:4

Hvo ɲɔw, mąąhɔlɔɓo, di hvo kɛa pai nwumɛ̨ tɛi a yɛ́, 'Hvo ə́ kpɔwɔ koloon, di hvo kɛa pai ə́ ɲɛ̨i mąą luwui, nwumɛ̨ mɛ̨nįɠaai laa yɛ́ a ə́ kpəla yələ, ə kaa pai lɛ̨ąi diɛ; yɛ́lɛ́i nuą di kɛi mo yɛ́ ə́ wɔ kalanin nąąlɔwai, yili kili hvo kɛa pai lɛɛi ə́ ŋą.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Lukə 1:25

«Yii nwɛi, Ną́mu Yálá əgɛ lɔ tii, əgɛ, ə nwumɛ̨ həɠə ɲɛ̨́i nuą ɲɛ̨i ɓa.»

Lukə 21:22

Volóɠaa tii hu ɓə Yálá kaa pai nwąną kulɔi la, əgɛ, mɛ̨nįɠaai Yálá laawoo hɛɓɛ́ ə mo nąą ə hvɛɛ.

Tɛsalonikə veelɛ 3:12

Yili mąą nuąi tii, mɛ̨nįi ku kaa moi diɛ, kuɔ di liɛwoo kɛ la, gu Nąmu Jesus Kristə hu, ya ɓaa: di kóló kɛ a di kpɔwɔ yee, di di kɔ̨nɔ̨n ɉɔlɔɓo, diɛ mįi.

Samuɛlə dɔlɔɔ 1:6

Kɛi ə mo tii dɔwɔi ə kɛi lɔ nwoo həɓə mą, a nwumɛ̨ tɛ pələ mą, mąąhɔlɔɓo, Yai-Laa aa kɛ gɛ a kpomąnɛ̨ą.