Azaya 39:2 - Yálá laawoo hɛɓɛ (dc)

² Nuąi tii pa mɛ̨nį ə Ezekiasə kwəinɛ̨ɛ̨ kpɔ kɛnɛ̨, nąąlɔwai, ə nwɔ walii, nwɔ hɛnii, nwɔ ləɠi yili-hɛnŋąąi, mąątí wulɔ kun nɛ̨ɛ̨ɠaai, nwɔ kɔ́ kɔ́ kwɛli hɛnŋąąi da ɲəi hɛn gɔw kəlee lɛ nuąi tii diɛ; Ezekiasə nwɔ pɛlɛ́i mu hɛnŋąą da nwɔ lɔi hu hɛn da hvo lɛɛ pulu, yii hvo nɛ nuąi tii diɛ.

Yálá laawoo hɛɓɛ

² Nuąi tii pa mɛ̨nį ə Ezekiasə kwəinɛ̨ɛ̨ kpɔ kɛnɛ̨, nąąlɔwai, ə nwɔ walii, nwɔ hɛnii, nwɔ ləɠi yili-hɛnŋąąi, mąątí wulɔ kun nɛ̨ɛ̨ɠaai, nwɔ kɔ́ kɔ́ kwɛli hɛnŋąąi da ɲəi hɛn gɔw kəlee lɛ nuąi tii diɛ; Ezekiasə nwɔ pɛlɛ́i mu hɛnŋąą da nwɔ lɔi hu hɛn da hvo lɛɛ pulu, yii hvo nɛ nuąi tii diɛ.

Bible

² Dí liɛɛ a zama-sãai ŋí Gâloŋ Ɛsekaya pɔ́i, è ǹyée sèe dímu. È ŋɔtɔɔ-sãai kélee lɛ̀ dîa. È ŋɔkánei, gôoi, gúŋ sãai, ŋ̀ulɔ kúŋ nɛ̃ɛ-ŋai da ŋɔkɔ́ kɔ́-sãai kélee lɛ̀ dîa kɛ̀ ŋɔsãâ pûi kɛ́-pɛrɛ-ŋai mui. Zãâi kélee kɛ̀ ǹyêei ŋɔkâloŋ-laai sui, è gélee lɛ̀ dîa. Vé da lɛ̀ɛ ní pôlu.

Azaya 39:2 ပူးပေါင်းရင်းမြစ်များ

Tɔɔɓɛlaa dɔlɔɔ 10:10

Nɛ̨ɛ̨nui tii ə hɛni kilə waa haaɓa pulu nwun mɛ̨ida tɛɛ tɔɔmun Salomɔn pɔ, da wulɔ kun nɛ̨ɛ̨ɠaa kpɔ kɛnɛ̨, da Kúwɔ́-kwɛni lɛlɛɛɠaa, nwulɔ kun nɛ̨ɛ̨ tii ta hvo ta kɛ pa li nɔi tii hu, yɛ bələi Saba tɔɔ nɛ̨ɛ̨nui tii ə paa la tɔɔmun Salomɔn pɔ.

Tɔɔɓɛlaa dɔlɔɔ 10:15

Yii ɉiɛ kulɔ nuą da ɲɔw ɓɛlaa, da vóló kulɔi pələ tɔɔɓɛlaa di kɛi gulɔ, da yii nɔi ɲąąwooɓo nuą di kɛi paa la, naa kulaa ɉu.

Tɔɔɓɛlaa dɔlɔɔ 10:2

Ə pa Ɉerusalɛmə, nu kpulu kɛnɛ̨ yɛ ɓo bɔ, da ɲɔ̨nwɔmɛ̨ɛ̨ɠaa wulɔ kun nɛ̨ɛ̨ɠaa, da hɛni di ɓo kpɔ diɛ̨ hu kɛnɛ̨, da Kúwɔ́-kwɛni lɛlɛɛɠaa. Həlii nɛ̨ɛ̨nui tii ə mo Salomɔn ɓa, mɛ̨nįɠaa kpɔ kɛ mąą mɛ̨nį nwąnąą mą, ə gəlee ɓo.

Tɔɔɓɛlaa dɔlɔɔ 10:25

Di kəlee di kɛi pa a di wɔ hamą pilɛɠaa: wali kwɛli hɛnŋąą da hɛni hɛnŋąą, həɠəɠaa da kɔ́ kɔ́ hɛnŋąą, wulɔ kun nɛ̨ɛ̨ɠaa, hooɠaa, da tiɛ̨-həɠə hooɠaa, yili ə kɛi kɛ tii kwɛlan dɛitɛi yee mu.

Tɔɔɓɛlaa veelɛ 20:13

Ezekiasə kwəi ə nɛɛ nuą tii pa mɛ̨nį ɓa. Ə ɲəi hɛn gɔwɠaa nąą lɛ diɛ: wali hɛni, wulu malaan gun nɛɛ, da wulɔ kun nɛ̨ɛ̨ɠaa, ə mą kɛ yii kpɔ kɛ nwɔ hɛn gɔw pɛlɛ mu. Hɛn da hvo lɛɛ laa, yii Ezekiasə hvo nąą lɛ diɛ ɲɛ̨i bɛlɛ́n mąn, da dɔɔ kwəlii nąą kəlee.

Kɔlɔnikɔ Veerɛi 32:25

Kɛlaa Ezekiasə hvo Yálá nwɔ mɛ̨inɛ̨ɛ̨ tii hukɔlɔn mą, ɛlɛɛ, nwɔɔ hu mɛ̨nį kɛnɛ̨ laa mąą mɛ̨nį, əgɛ, di liiholi hee Ɉuda da Ɉerusalɛmə ɓa.

Kɔlɔnikɔ Veerɛi 32:27

Ezekiasə ə hɛn gɔw kɛnɛ̨ hɔlɔɓo, da mąąwiɛ. Ə wali, hɛni, kúɔ-kwɛni lɛlɛɛɠaa, mąątí wulɔ, kɔ-kɔ gbala da hɛn mąą mɛ̨nį nwąnąąɠaa huwui lɔpee gəlee hɔlɔɓo, ə bu gee mɛ̨i.

Kɔlɔnikɔ Veerɛi 32:31

Yili ɓə gɛ, ɓɛlɔwai di Babilonə kalanɉonŋąą tɔɔ la diɛ pa di woo pilii mą, ɛlɛɛ, gbalo mɛ̨nįi kɛ nɔi, di mąąni kɛ kɛ ɉu, Yálá ə Ezekiasə lɛɛ laa, əgɛ, ə ɉukɔɔn yɛ pɛli gwəi mɛ̨nį kəlee kɔ́lɔn ɉii.

Kɔlɔnikɔ Veerɛi 9:1

Saba tɔɔ nɛ̨ɛ̨nui ə Salomɔn laa pələ mąn. Nɛ̨ɛ̨nui tii ə pa Ɉerusalɛmə, Salomɔn hukɔɔn mɛ̨nį ɓa, a hanwon ɉukpinɛ̨ɛ̨ɠaa, nu kpulu kɛnɛ̨ ə ɓo bɔ da ɲɔ̨nwɔ̨mɛ̨ɛ̨ɠaa. Di tiɛ̨ ə kɛ a hɛn gunnɛ̨ɛ̨ɠaa, hɛni kpɔ kɛnɛ̨ da Kuɔkwɛni lɛlɛɛɠaa. Ɉəliɛ Salomɔn ɓa, mɛ̨nįi kpɔ kɛ gwəi, ə gəlee ɓo mą.

Kɔlɔnikɔ Veerɛi 9:9

Nɛ̨ɛ̨nui tii ə hɛni kpuwulu nwundɔ̨nɔ̨ ɲee hveelɛ tɛɛ tɔɔmun Salomɔn pɔ, da hɛn gunnɛ̨ɛ̨ɠaa kpɔ kɛnɛ̨, ə bɛlɛ kuwɔ-kwɛni lɛlɛɛɠaa. Hɛn gunnɛ̨ɛ̨ ta hvo ta pa li Salomɔn pɔ, ə həli yii Saba tɔɔ nɛ̨ɛ̨nui ə paa la bɔ.

Zôo 31:25

Akɛ nwɔ́ kwəinɛ̨ɛ̨ lɔ ɓaa kɛ a ɲə́i hɛn gɔw, a ɉɛnŋąąi ɲéé ə gwɛli,

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Zɔ̂ŋ Maa-ŋuŋ 1:8

Gwa kɛ nwɔ̨nɔ̨ diɛ, gu hvo a nɛ̨ŋɛ̨n ɉəɠə nuą, akɛ tii gu kaa gu kpɔwɔ lan ɉi, ɛlɛɛ, tɛ̨ą hvo gu hu.