Azaya 38:17 - Yálá laawoo hɛɓɛ (dc)

¹⁷ Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Yálá laawoo hɛɓɛ

¹⁷ Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Bible

¹⁷ Ya ŋá lii-ŋwânai pene a lii-nɛ̃ɛ. Ya ŋ́uŋ ma ƃó, ya ŋ́gula mɛni nyɔ́mɔɔ támaa perei. Ya ńzu mɛ̂ni lɛɛ ŋásɔnyɔ̂ŋ-ŋai kélee mɛ̂ni ma.

Azaya 38:17 ပူးပေါင်းရင်းမြစ်များ

Zôo 29:18

Ŋą́ kɛ diɛ: «Ɉáái lɔwai a pa həlii, ŋį́ haa liilaa hu; ɲíí hvóló ə tamą yɛ ɲɛa kɔ́w.

Zôo 33:24

Malakai ti a ɲɛ̨i mąąwɛli kaa, yɛ kɛ Yálá ɓa: «Nui ŋɛ̨i mąąhvaalɛɛ, ə ɉəɠə gámą laaləi, Ŋą́ą́ mąąkpɔn mąą ɓo pələ hɔlɔbo.»

Mąątɛ̨nɛ̨ 10:2

Nwąnąlɔmun nwɔ nwąnąlɔlaa kɔ̨nɔ̨n maa mąąwɛlimun, nwɔ gbąnąlaa hɛlɛn lɔ ɓə a too ɲą.

Mąątɛ̨nɛ̨ 103:12

Bələi lɔ hvóló həɠəi mąąkwɛaa la hvóló tooi ɓa, bələ lɔ ɓə a gu hɔn mąąkwɛa la guɔ.

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Mąątɛ̨nɛ̨ 103:4

Yɛ ə́ nįį kulɔ haa wolo la, yɛ ə́ ɲɛ̨i pɔ̨nɔ̨ a wɛlikɛmąąlaa da liinɛ̨ɛ̨ gwəilaa,

Mąątɛ̨nɛ̨ 30:3

Yai-Laa nwɔ́ Yálá! Ŋą́ tomą ə́ pɔ pələ, yɛ́ ɓə málo.

Mąątɛ̨nɛ̨ 40:2

Ŋą́ą́ Yai-Laa mąąkpɔn, ŋą́ą́ mąąkpɔn a ɉu kwɛa, aa nwəli mąą yɛɛ bɔ́ pələ, aa dómą woo mɛ̨n.

Mąątɛ̨nɛ̨ 55:23

Yɛ́ tiɛ̨i tɛ Yai-Laa nwuɔ̨, ə ə́ laa hon mu, yɛ ə́ hvąŋąlɔ, hva tələnmomun nɛɛ laa, a yələ ta, hvo too.

Mąątɛ̨nɛ̨ 85:2

Yai-Laa, bələi ə́ wɔ lɔi wɛli kaa la yɛ́, yáá yili lɛ; yáá pənə yaa pa a Ɉakɔbə lonnii kɛ luwɔlaa hui;

Mąątɛ̨nɛ̨ 86:13

Mąąhɔlɔɓo yáá nwɛ́lilakɛ kɛnɛ̨, ɛlɛɛ, yáá gúlɔ ɲąmuątaa yəi.

Azaya 38:15

Ŋą́ pɛli kpɔ kɛi lə, yɛ́ pɛli nwoo mu hon ɉi, mąąhɔlɔɓo, ya kpinįi ɓə mɛ̨nį kɛi? Gáá pai nwɔ́ kwɛlan gəlee kɛi, a niikələn gwəi ŋɛ̨i aa hee mą́ą́i.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Zôna 2:6

Ɲá ə tɛ gwą́ną, gboloyá ə nwún mɛ̨i pu. Ɲái tumɔɠaa di kpįnįn nwún ma

Zôna 2:7

Ŋą́ yɛɛ kpɔ ŋą́ too ɲá kɔ́w ɓa, ŋąmuątaa pɛlɛ́ laa ə kɛi kɛa kpulu mą́ą́. Kɛlaa, Yai-Laa nwɔ́ Yálá, ə gúlɔ haaɓɛlaa taa, ə gɛ́ a vúlú