Azaya 38:12 - Yálá laawoo hɛɓɛ (dc)

¹² Daa nwɔ́ yɛnɛ̨ɛ̨ wɛan ɲə́i, daa li la kwəa la, yɛ ɓuwu haɠa. Gáá yɛ həɠə palamun, ŋą́ą́ həli nwɔ́ yɛnɛ̨ɛ̨ laa kulɔi, daa nwɔ́ yeei vani tee. Ə həɠə yələ wala pɔ ɓa, gɛɛ kpinį hvo pɛlɛ, yáá mą kpɛɛ a ɉú kalaa.

Yálá laawoo hɛɓɛ

¹² Daa nwɔ́ yɛnɛ̨ɛ̨ wɛan ɲə́i, daa li la kwəa la, yɛ ɓuwu haɠa. Gáá yɛ həɠə palamun, ŋą́ą́ həli nwɔ́ yɛnɛ̨ɛ̨ laa kulɔi, daa nwɔ́ yeei vani tee. Ə həɠə yələ wala pɔ ɓa, gɛɛ kpinį hvo pɛlɛ, yáá mą kpɛɛ a ɉú kalaa.

Bible

¹² Ŋáfulu-laai è kɛ̀ nɔ́ pâi kùla ńyêei yɛ̂ɛ da ƃûu tàa. È kùla nɔ́ ńyêei yɛ̂ɛ yee a kùla gena ma. Ŋá kɛ̀ gâai yɛ̂ɛ Ɣâla a pá ŋáfulu-laai kulâi ńyêei ƃe tí.

Azaya 38:12 ပူးပေါင်းရင်းမြစ်များ

Zôo 14:2

Gaa lɔ yɛ wulu powai a kulɔ, yɛ yohva; gaa lɔ yɛ nįnįn, a kulɔ, ɛlɛɛ hva lamun.

Zôo 17:1

Nɔ̨́ɔ̨ kaa kpɛɛi ɉu, ɲíi hvóló yɛ kpɛɛ. Gáma laa a tɔɔ.

Zôo 4:20

Ə həɠə yələwala ɓa ə həli yələ wuliiɓa, da di kiin. Nu ta hva kɛa giliŋąhiɛ diɛ, di nwun na kaa pai pilii kpɔ tɛ̨ɛ̨tɛ̨ɛ̨.

Zôo 6:9

Yálá ə gíín, ə ɲee haŋą, ə mą́ą́ mɛ̨nį pili ɉu.

Mąątɛ̨nɛ̨ 102:11

Mąąhɔlɔɓo, yáá Ə́ liiholi bɔ́ ɓəɠə-ɓəɠə, Yáá dɛ́ yələi, Yáá bílí kwɛa la.

Mąątɛ̨nɛ̨ 119:23

Ə mą kɛ lɔi ɲąąwooɓo nuą daa di ɲąąkpɔn, diɛ hvaa pɛlɛ mą́ą́, ə́ wɔ tímun kilitɔɔi lɔ ə́ lííɓa mɛ̨nįɠaa diɛ.

Mąątɛ̨nɛ̨ 31:22

Mąąwiɛ kaa Yai-Laa ɓa, mąąhɔlɔɓo gulɔ mɛ̨nį nwoo ɓa aa kpalo mɛ̨nį kɛ mą́ą́, kɔ́ taa kɛnɛ̨ɛ̨ hu.

Mąątɛ̨nɛ̨ 73:14

Di kɛi túwɔ́ gɛ́lɛi, yələwala pɔ tɛi tɛi, diɛ ɉútɔɔ.

Mąątɛ̨nɛ̨ 90:5

Yá di kələ, di tɛɛ lɔ yɛ hįi kaai tɔ̨nɔ̨, yai a kpɛɛ yələɓɔi lɔwai, yɛ kala tiliin a ɓɔn;

Azaya 1:8

Siɔn nuą diɛ tɔ̨nɔ̨ lɔ ɓə daa lɛɛ, yɛ ɓuwui gaa viɲə yɛa, yɛ kpolo kələi gaa kilikɛmąą yɛa, gaa yɛ taai mąą tínɛ̨n ŋąą a kɔlaɠa.

Azaya 13:20

Nu hva kɛa hee laa a yələi lɔpee ta, a lɛɛ a lɔi pun a kwɛlan gəlee mɛ̨nį, ə mą kɛ, Arabə mun mə, hvo pai nwɔ həɠə pɛlɛ́i tɔɔi laa; ə mą kɛ, taatɛlɛɛ pulu nuą, di hvo pai kɛi tɔɔi laa.

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Korɛntə veelɛ 5:4

Ɓɛlɔwai gu kaa ni la ɲɛ̨nɛ̨ɛ̨ pɛlɛ́i ŋɛ̨i mui, gu kaa ɲiŋɛ̨i yɛ tiɛ̨ kɛnɛ̨ a kɛ gu nwuɔ̨, tɛ̨ą li, hvo kɛli gu kulɔ nu kɔ́lɔ hu, kɛlaa, ku kaa bɔ ku yələkɔlɔn ɉu nwɛi tɛ mą, ə gɛ, yɛnɛ̨ɛ̨ kpɛɛ hvo mą, ə hɛn haa kaa mą mąą hvalin.

Hebreu 1:12

Ɛlɛɛ, bələi da gɛ la a biliɉu, bələ ɓə ə́ kaa pai gɛi la a diɛ, bələi da həɠə mąąhvalin na, bələ ɓə yá di mąąhvalin na. Kɛlaa, ə́ wɛi, ə́ mąą hva hvalin, ə́ wɔɔ yɛnɛ̨ɛ̨, ɲɛ̨n deei hvo mą.»

Zĩi 4:14

Yaan, yii tinąą pai kɛi a káá, ká hvo gɔlɔn. Mąąhɔlɔɓo, ká káá lɔ yɛ luwu-luwui a pu lɔ ti a lɔwai logolo tiipə, naa tawolo a gə, aa kpɛɛ.