Azaya 37:4 - Yálá laawoo hɛɓɛ (dc)

⁴ Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»

Yálá laawoo hɛɓɛ

⁴ Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»

Bible

⁴ Tãi ta, Káɣâlai Yâwɛɛ aâ Asiria kaloŋ ŋɔkɔ-kuluƃa-ŋai láa-tuɛ nuui wóo mɛ́ni gɛ́ ɣɛ́lɛ-maa kûla gɛ̀-ɣele mâ Ɣalai kponôi. Tɔ́ɔ Yâwɛɛ Káɣâlai é m̀ɛni-ŋai ŋí mɛ́ni, é ǹuui nyii kélee m̀aa-kula ḿaa-woo-ŋai ŋí ƃoi kúla maa kɛ́. M̀ɛni m̀a, ka Ɣâla fɛli kúnûai nyii-ŋai lɛ̂ɛi, dímɛni ma.”

Azaya 37:4 ပူးပေါင်းရင်းမြစ်များ

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Tɔɔɓɛlaa veelɛ 17:18

Yai-Laa ə níiholi Israɛlə pɔ kpɔ kɛnɛ̨, ə di pili kpɔ kwɛaa la, ə di həɠə ɲɛ̨i mu; Ɉuda huwu yaa tɔ̨nɔ̨ lɔ ɓə lɛɛ.

Tɔɔɓɛlaa veelɛ 19:4

Asiri tɔɔmun nwɔ kɔ́ kɔ́ kwɛli hɛn ɉəɠə mun ŋɛ̨i ə dɔɔ, yɛ pa Yálá hvulú lalan ɉii, Yai-Laa kaa kiɛ pai nwoo mɛ̨n ɉii. Nwooɠaa tii mąą mɛ̨nį ɓa, Yai-Laa ə́ wɔ Yálá kaa pai nwąną kulɔi mą, nwaa wooɠaa tii mąą mɛ̨nį ɓa. Esai! Ə́ woo tɛ Yai-Laa ɓa, nu kpəli woloi aa lɛɛ mąą mɛ̨nį ɓa.›»

Kɔlɔnikɔ Veerɛi 28:19

Yai-Laa ə Ɉuda lɔi ɲɛ̨i paa tii, Israɛlə tɔɔmun Akazə mąą mɛ̨nį ɓa; gbala ə tɔɔ, yaa ɓə Ɉuda ɲąątɔɔ a hvįikpɛɛ laa kulaa, ɛlɛɛ, mąąluwu túwɔ́ ɓoɔ, ɲee ɓo Yai-Laa mąą mɛ̨nį ɓa, yɛ doo.

Kɔlɔnikɔ Veerɛi 34:21

«'Ka li ka Yai-Laa mąąni kɛ, ɲą́ą́ kwa Israɛlə nu kpəli, ə pɛlɛ la Ɉuda nuą mąą mɛ̨nį ɓa, yɛ hvilɛn na ɉɛɓɛ́i ŋɛ̨i di gaa ɉu wooɠaa mąą mɛ̨nį ɓa. Mąąhɔlɔɓo, Yai-Laa nwɔ liiholii hu kɛnɛ̨ɛ̨ ɓə, yaai yɛ ə pu ku mɛ̨i, hvo gaai, ku nąnni di hvo gɛ li di hvo Yai-Laa woo pɔ yii ɓo, yɛ bələi bɛ̨ɛ̨i la ɉɛɓɛ́i ŋɛ̨i hu.»

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.

Azaya 1:8

Siɔn nuą diɛ tɔ̨nɔ̨ lɔ ɓə daa lɛɛ, yɛ ɓuwui gaa viɲə yɛa, yɛ kpolo kələi gaa kilikɛmąą yɛa, gaa yɛ taai mąą tínɛ̨n ŋąą a kɔlaɠa.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 10:20

Ɲələi tii a həli, Israɛlə nu kpəli, da Ɉakɔbə nwɔ pɛlɛ́i mu nuąi pai kulɔi ɉu, di hva kɛa di kilitɔɔ di kɛlɛmun mą; di kaa pai di kilitɔɔi Yai-Laa ɓa, Yai gaa a Israɛlə nwɔ Mąąhəɠəmun.

Azaya 10:22

Israɛlə, ə mą kɛ, ə́ wɔ nuąi tamąąi yɛ gboloyá hu ɲɛ̨ą kɔ́w, gbəli wolo lɔ ɓə a pənə ə pa; daa ka hukala mɛ̨nį mąą kili tee di kwəi, yili ɓə pai giti mɛ̨nį ɲɛ̨i kulɔi, yɛ pɛli ɉu.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 36:13

Gɔ́kuláai tii ə tɔɔ, ə tómą a nwoo kɛnɛ̨, a Ɉude woo, yɛ diɛ: «Ka ka weli tɔɔ dɔɔmun gɛnɛ̨, Asiri tɔɔmun nwoo ɓa.

Azaya 36:18

Ka hvo Ezekiasə lɛɛ laa hvo ka ɓowo, yɛ kɛ kaa; Yai-Laa kaa pai ka kulɔi mɛ̨nįi, a kɛ tii, nɔi takpɛliɠaai tii di wɔ yáláɠaai di pɛli mɔ̨ɔ̨ di wɔ taaɠaai kulɔi Asiri tɔɔmun ɲəi?

Azaya 36:20

Nɔiɠaai kpɔ tii nɛlɛ ɓə nwɔ yáláɠaai di pɛli di nwɔ taaɠaai kulɔi ɲéé ɲą? Yai Yai-Laa kaa pai Ɉerusalɛmə kulɔi ɲéé ɲą́?»

Azaya 37:17

Yai-Laa! 'Ə́ wəli tɔɔ, ə́ nwóó mąn! 'Ə́ ɲɛ̨́i laaɓo, Yai-Laa, Senakeribə kaa, mɛ̨nįɠaai gaa moi ə́ di mąn, yai aa nuą tɔɔ diɛ Yálái hvulúmąą lalan.

Azaya 37:31

Nu gbəliɠaai kulɔ gɔ́ hu Ɉuda yəi bɛlɛ́n, yii di nɛɛ laa, ɉamu kaa pa pənəi ə ɓɔn a nįnɛ̨, ɛlɛɛ, yɛ ɓa.

Azaya 37:32

Mąąhɔlɔɓo, nu kpəli kaa pai hɔlɔɓoi Ɉerusalɛmə, nuą kaa pai kulɔi Siɔn yee nwuɔ̨. Mɛ̨nį Kəlee ŋą Hééɓomun Yai-Laa nwɔ wɛlikɛmąąlaa ɓə pai mɛ̨nįi tii kɛi.

Azaya 37:5

Tɔɔmun Ezekiasə nwɔ kɛlaɠaai di pa Esai pɔ.

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 46:3

'Ka ka wəli tɔɔ, Ɉakɔbə nwɔ nuą, kaai kpɔ tii, kaa lɛɛ a Israɛlə yəi bɛlɛ́n nuą, kaa kpɔ tii di ka ɲąąkɔn, ə həɠə ka káá yələ ɓa, kaai tii lɛɛ ka leeni kwəi, gɛ́ ka mąą mɛ̨nį ɲɛ̨i kulɔ;

Ɉeremi 26:19

«Ɉuda tɔɔmun Ezekiasə da nɔi lonnii di mɔ̨ɔ̨ haa? Kɛlɛi yaamun, di Yai-Laa ɓɛlɛ kɛ mą, di tɔɔ a di nwąnąąi, diɛ níilaa. Ɛlɛɛ, mɛ̨nį ɲąąnwąnąąi Yai-Laa aa kɛ naa gwəi yɛ kɛ ə naa diɛ, ə nɛɛ laa. Ya ka tii gu wɛi gu kaa pai gu tɔɔ pələ ɲɔ̨nwɔi kpɔ tɛ̨ɛ̨tɛ̨ɛ̨.»

Ɉeremi 42:2

diɛ Yálá kwəi mɛ̨nį hukulɔ mun Ɉeremi ɓa: «Kuɔ nɛ̨ɛ̨mąą hvə woo ə həli yɛ́. Yai-Laa ə́ wɔ Yálái hvɛli, ku kpəli woloi aa lɛɛ, ku mąą mɛ̨nį ɓa. Kwaa lɛɛ lɔ kɛa tɛitɛi; ya pa ku kpulu kɛnɛ̨ kɛ, gbaɠala kaa yɛ́.

Danîa 2:18

Ə gɛ, Yálái ŋɛ̨i gaa yələkɔlɔn ɉu, di mɛ̨nįi tii hu lɛ mą, ə di ɲɛ̨imąąwɛli kaa, ə mɛ̨nį loɔ tii kulɔ diɛ pɔ̨nɔ̨ŋa, ə ɠɛ, Daniɛlə da mɛlaa, ə mą kɛ, kilimąą nuą yiiɠaai di kaa Babilonə daai, di hvo pa di paa.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Amɔsə 7:2

Ɓɛlɔwai beeleɠaa tii di gala tiliin gəlee mįi la nɔi mɛ̨i, ŋį́ mo Yálá ɓa, gɛ́ mą: «Ną́mu Yálá! Nɛ̨ɛ̨ yɛ́, ə́ wɔ nuąi mąąhvaalɛɛ. Akɛti Ɉakɔbə huwuhu nuą ŋɛ̨i di hvo tamą li, di kɛɛ lɔ pai lɛɛi yɛnɛ̨ɛ̨ lɔ li?»

Lomaŋ 9:27

Esai nwɛi, ə mo yɛ: «Israɛlə lonnii di mąn tamąą yɛ gboloyá hu ɲɛa kɔw, da wolo lɔ ɓə pai ɓaloi.»

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Zasua 14:12

Ɲee ŋɛ̨i tɛɛ kɛa bɔ́, ya ɓə Yai-Laa ə vaa ɓo a volói tii. Kɛlɛi ə́ bələ mɛ̨n a yələ ta diɛ kɛ Anakə nu huwu kaa laa da taa kpɛa-kpɛa, di mąą tínɛ̨n ŋąą a hįi. Kɛlaa, Yai-Laa a tɔɔ búlu, gáá pai di kpɛi laa, gɛ́ hee laa, yɛ bələi Yai-Laa ə mo la.»

Samuɛlə dɔlɔɔ 12:19

Nɔi lonnii kəlee diɛ Samuɛlə ɓa: «Ə́ wɔɔ luwɔɠaai maa nɛ̨ɛ̨mąą hvə Yai-Laa ɓa, ə gɛ, ku hvo ləi pa haa. Hvo gaai, kwaa ku kɛ nɛ̨ŋɛ̨nŋaa ta laa mɛ̨i, gɛ mɛ̨nį ku tɔɔ nwɔ̨nɔ̨, kuɔ tɔɔmun ɉu hvəli, kuɔ ɉee, yɛ ku ɲąąwooɓo.»

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Samuɛlə dɔlɔɔ 17:36

Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.

Samuɛlə dɔlɔɔ 7:8

Israɛlə nuą diɛ Samuɛlə ɓa: «Hvo kɛ ə́ kaa heei mɛ̨nįi ŋɛ̨i hu tin, hvo tee ku pulu, ə́ woo tɛ Yai-Laa ɓa, yaai gaa a ku wɔɔ Yálá, ə gɛ, ə gu kulɔ Filisti nuą yəi.»