Azaya 37:38 - Yálá laawoo hɛɓɛ (dc)

³⁸ Hvóló ta, ə kɛ nwɔ yálái Nisrokə hvɛli pɛlɛ́ mu, yɛ kwɛli hvilɛn mą, nonnii, Adramelɛkə da Sarɛsɛrə di pa di ɓɔwa pu mą, di pu də li Araratə lɔi hu. Non Asaradɔn ə hee dɔɔlaa hu a mąą hvalin.

Yálá laawoo hɛɓɛ

³⁸ Hvóló ta, ə kɛ nwɔ yálái Nisrokə hvɛli pɛlɛ́ mu, yɛ kwɛli hvilɛn mą, nonnii, Adramelɛkə da Sarɛsɛrə di pa di ɓɔwa pu mą, di pu də li Araratə lɔi hu. Non Asaradɔn ə hee dɔɔlaa hu a mąą hvalin.

Bible

³⁸ Ɣele tɔ̂nɔ da tãi è kɛ̀ ŋɔɣâlai Nisirɔ ŋɔpɛ́rɛi mu gɛ́ vɛ̀lii, ǹóŋ sinaai veerɛ, Aduramele da Sarizɛ dí pà dí báa a díƃoa-sɔkpɔ-ŋai. Tãi dí bàa lai, dí pù dí lí Alala lɔii su. Dí ǹóŋ Isɛadɔŋ sèe bɔ́ɔ ŋá a kâloŋ.

Azaya 37:38 ပူးပေါင်းရင်းမြစ်များ

Zɛnɛse 8:4

Ɲąnin mɛ̨ihveelɛ nwɔ hvóló pow kɔ́w mɛ̨ihveelɛ yələ, gələn ə yɛɛ, ə hee Araratə yee tona.

Kɔlɔnikɔ Veerɛi 32:14

Nɔiɠaa tii nɛlɛ kpɔɔ ɓə nwɔ haliɠaa di di kulɔ ɲə́i, yaai ka wɔɔ Yálái kaa pai ka kulɔi ɲə́i?

Kɔlɔnikɔ Veerɛi 32:19

Di kɛi Ɉerusalɛmə nwɔ Yálái mąą mɛ̨nį ɓo yɛ bələi di kɛi yɛnɛ̨ɛ̨ nɔiɠaa di wɔɔ haliɠaai di bɛli a di yee, mąą mɛ̨nį ɓo la.

Kɔlɔnikɔ Veerɛi 32:21

Yai-Laa ə malaka ta tɔɔ, ə Asiri tɔɔmun wɔ kɔlaɠai hu kɔ́kuláaɠaa kəlee, gɔkuláa ɲɛ̨itɔwɔ nuą kəlee da galanɉonŋąą paa. Asiri tɔɔmun ə bulu pənə ə li bɔ lɔi, ɲɛ̨i paa a nwumɛ̨. Ɓɛlɔwai ə lɔ la ɲəi bɛlɛ́n, gwəi lonnii di baa a kɔ-kɔ ɓɔwa.

Ɛsdrasə 4:2

di pa di həli Zorobabɛlə ɓa da bɛlɛ nąmįną, diɛ kɛ diɛ: «Ku kaa bɔ, gwa kaa ni gu Yálá hee pɛ́lɛ́i ŋɛ̨i tɔɔ, mąąhɔlɔɓo, kuɔ kpɛli, kwa kɛ kwɛli hvilɛn ɉii ka wɔ Yálái ɓa, ə həɠə Asiri tɔɔmun Asaradɔn nwɔ lɔwai ɓa, yaai pa ɓɛ a kuɔ, kwa kɛ haláá kulɔi Yálá ɓa.»

Azaya 14:12

Ə́ kulɔ pələ kɛ ləi yələi yɛ́ too yələ kwəi hvələ hɛn gɛnɛ̨, yələɓɔi lon? Di ə́ pili pələ kɛ ləi, yɛ́ too lɔi ɓa, yɛ́i lɔiɠaa lɔ ə́ yee mui?

Azaya 14:9

Ə́ pa mɛ̨nį bələ mɛ̨n ɲąmuątaa ə mo, níi kaa kulɔi mą, yɛ haa nuą nwun, ə́ laakwiɛn mɛ̨nį ɓa, yɛ yɛnɛ̨ɛ̨ tɔɔɓɛlaa kəlee həɠə di wɔ tɔɔkpəlin hu.

Azaya 36:15

Ka hvo Ezekiasə lɛɛ laa hvo kɛ kaa; Ka ka kilitɔɔ Yai-Laa ɓa, hvo gaai, gaa kɛi kaa: Yai-Laa kaa pai gu kulɔi mɛ̨nįi, yili hva ɉəɠə mą. Daai ɲɛ̨́i hvo pai tooi Asiri tɔɔmun ɲee ɲą.

Azaya 36:18

Ka hvo Ezekiasə lɛɛ laa hvo ka ɓowo, yɛ kɛ kaa; Yai-Laa kaa pai ka kulɔi mɛ̨nįi, a kɛ tii, nɔi takpɛliɠaai tii di wɔ yáláɠaai di pɛli mɔ̨ɔ̨ di wɔ taaɠaai kulɔi Asiri tɔɔmun ɲəi?

Azaya 37:10

«'Ka li kaa Ɉuda tɔɔmun Ezekiasə ɓa: ‹Hvo ə́ kpɔwɔ lɛɛ laa ə́ wɔ Yálái ə́ kaa ə́ kilitɔɔi mą yɛ ə́ ɓowo, yɛ kɛ yɛ́: Ɉerusalɛmə hvo pai tooi Asiri tɔɔmun ɲee ɲą.›

Azaya 37:7

Mɛ̨nįi gáá pai bui nwəlii ya ka: «Di kaa pai wɛlɛɛ ta ɓoi mą, gaa pai pənəi ə li nwɔ lɔi hu, gáá pai gɛi di baa laa a ɓɔwa kwɛa, gbɔ-kpɔɔ lɔi hu.»

Ɉeremi 51:27

'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,