Azaya 37:36 - Yálá laawoo hɛɓɛ (dc)

³⁶ Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Yálá laawoo hɛɓɛ

³⁶ Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Bible

³⁶ Maa kpînii tí, Yâwɛɛ è ŋɔkélai dɔnɔ tɛ̀ɛ Asiria-ŋai díƃûui su. È díkɔ-kɔkuluƃai ŋɔwála ŋuŋ tɔ̂nɔ pôlu buu lɔ́ɔlu mɛi saaƃa káo lɔ́ɔlu (185,000) pàa. Bôlu ma ɣele ƃɔ́ɔi, díƃûui láa è kɛ̀ a vɛ́ɛ a poma-ŋa.

Azaya 37:36 ပူးပေါင်းရင်းမြစ်များ

Samia Veerɛi 24:16

Malaka ə ɲee haŋą Ɉerusalɛmə taa mɛ̨i pələ, yɛ kɛ ə ɉu nuą nwun na pili. Kɛlaa, Yai-Laa hvo kɛa hvaa mą yili hvo kɛ. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́.» Yai-Laa nwɔ malaka ə kɛ tɔɔni Ɉebusə mun Arauna nwɔ mɔ̨nun dan ɉii kwɛlɛ.

Tɔɔɓɛlaa veelɛ 19:35

Gbinii tii hu, Yai-Laa nwɔ malaka ta ə pa, ə Asiri nuą nu waa nwun dɔ̨nɔ̨ ɲee mɛ̨ihaaɓa kɔ́w lɔɔli paa di lɔwai. Yələ ɓɔɔ, nuą di di muhəɠə, nu powaɠaa lɔ ɓə kɛ gɔ́ ɓuwuɠaa mu.

Kɔlɔnikɔ Maa-ŋuŋ 21:12

«Ə́ hvaa mą kwɛlan ɉaaɓa púlu ə too yɛ́, awala kɛ tii, ə́ yowoɠaa yee ə tɛɛ yɛ́ kɔ́ hu ɲąnįn ɉaaɓa yee mu, hvá pɛli kulɔi di wɔɔ kɔ́ kɔ́ ɓɔwaɠaai yəi; awala kɛ tii, hvóló haaɓa ə́ gɛ Yai-Laa nwɔ kɔ́ kɔ́ ɓɔ́wai yee mu, da Yai-Laa nwɔ kɛɛ kala malaka ə pa, ə hiɛ nɔi nąą kəlee a lɔi kala ɲɔ̨n. Yili ɓa, ə́ kiliŋąhiɛ, nɛlɛ ɓə ə́ hvaa mą, woo ɓo mą́ą́, ŋą́ li, ŋą́ mo nui dɔ́ɔ́ mą.»

Kɔlɔnikɔ Maa-ŋuŋ 21:16

Davidə ə ɲɛ̨i tɛ ɲələi, ə Yai-Laa nwɔ malakai kaa, yɛ ɓo yələkɔlɔn da lɔi di lɔwai, kɔ-kɔ ɓɔwa ə ɓo ɲəi gulaa daa hu; Aa mowa ɲɛ̨i haŋą Ɉerusalɛmə taa ɓa pələ. Davidə da nɔi kalanɉonŋąą kəlee, di ɓíi haɠa too di kwaną, di pɛlɛ lɔi ɓa.

Zôo 24:24

Di wɛi, da di muhəɠə a lɔwai ta, yili pulu di lɔ lɔ ti. Yili pulu, naa ə tɔɔ tin yɛ da mɔ̨nun dee.»

Zôo 34:20

Di haa pələ kaa lɔ tanɔ̨n kpinį tɔ̨nɔ̨ yeemu, nuą da di ɲąąkpɔn, di naa kɛ ɉuwu ɉuwu, di taɠa laa, a tɔɔmun kulɔ tɔɔ kpəlin ɉu ə doo, yii nu ta yee hvo ɉu.

Lɛɛ gbɔwɔ ɓa 12:23

Yai-Laa, kaa pai tɛɛi ə Eziptə kɛlɛ, a ɲąmą kaa bɛlɛ́ laaləi mɛ̨i da gwɛlɛ hveelɛi ɓa, a tɛɛ bɛlɛ́ laaləi, hva hvaa mą, Kɛɛkalamun hvo nąą kala.

Lɛɛ gbɔwɔ ɓa 12:30

Mąą kpinįi ti hu, tɔɔmun ə muhələ, yaa da nwɔ ɲɛ̨itɔwɔ nuą, ə mą kɛ Eziptə nuą kəlee. Wɔlɔ woo ə kɛ pɛlɛ́ kəlee mu, mąąhɔlɔɓo, pɛlɛ́ ta hvo kɛ laa yii haa hvo too mu.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 10:26

Yai-Laa Mɛ̨nį Kəlee ŋą Hééɓomun kaa pai nwɔ hvaɠai pilii ɲee mɛ̨i, yɛ Asiri kɛlɛ la, yɛ bələi ə Madian kɛlɛ la Orɛvə kwɛnii ɓa, yɛ nwɔ tunwɔ̨n ɉaŋą gboloyá mɛ̨i, yɛ bələi ə gɛ la Eziptə lɔi hu.

Azaya 27:7

Ə di kɛlɛ mɔ̨ɔ̨ yɛ bələi ə di kɛlɛ-nuą kɛlɛ lai? Ə di paa mɔ̨ɔ̨ yɛ bələi ə di paa nuą paa lai?

Azaya 29:5

Ə yowoɠaa kpulu kaa pai kɛi yɛ lɛɠɛ hunwɔ̨, Ə́ mɔ̨nɔ̨ɓo tɔɔɓɛlaa kpulu a kɛ yɛ mɔ̨nun galai hvaŋą kaa líila. Ɛlɛɛ kpɔlɔ ɲąą ɓa,

Azaya 31:8

Kɔ kɔ́ ɓɔwa yii hvo a nu kan ɲəi ɓɔwa, ya ɓə pai Asiri paai, nu kan ɲəi ɓɔwa hvee pai ɉu kalai, gaa pai pui kɔ́ kɔ́ ɓɔwa ɲɛ̨i tɔwɔ, ɛlɛɛ, nwɔ kɔ́ kɔ́ laŋąąi di kaa pai lɛɛi a luwɔ kóló kɛ nuą.

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Mise 5:6

Mąą yələi tii, Ɉakɔbə nu kpəli woloi pai lɛɛi, gaa pai kɛi lɔi tamąą hu, yɛ nɛ̨nɲai a həɠə Yai-Laa pɔ, yɛ luwu-luwui a hee kala tiliin ɲą, gili hvo tɔɔ li nu ɓa, ɲɛ̨i hvo nu kan ɲəi hɛn da tɔwɔ.

Nahumə 1:12

Mɛ̨nįi Yai-Laa kaa moi ya ka, yɛ diɛ: «Ə mą kɛ di kpulu ɲąąpɛliɛi, di hu kaa pai kalai, hvaa yɛ kpɛɛ.

Nahumə 3:3

Ɉoo nąmįną diɛ ɉooɠaa wean, gɔ́ kɔ́ ɓɔwaɠaa diɛ lən mąlą mąlą; gbalaɠaa diɛ di kpaalən daɠa, lono hvo nu powa ɓa, nu powa laai lɔ gee mɛ̨i, nu powa yɛ li lɔ daną daną, nuą kaa kalin ɉii a nu powa.

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.