Azaya 37:24 - Yálá laawoo hɛɓɛ (dc)

²⁴ Yaa Ną́mu lalan a nuąi ə́ di tɔɔ, ɛlɛɛ yɛ́ kɛ diɛ: ‹Nwɔ́ kɔ́ kɔ́ wotoloɠaai kpulu kɛnɛ̨ pələ, ŋą́ą́ tɛ yeeɠaa tonna, ɓɛi nuą di kɛi di loo laa Liban lɔi hu, ɓɛi nu takpɛli hvo kɛi pɛli həlii laa, ŋą́ą́ tɛ laa, əgɛ, ŋą́ nwɔ hɛan gbɛa-kpɛaɠaa tee, da nwɔ kpitili lɛlɛɛɠaai, ŋą́ həli kpɔ nɔi kpɛlai, ŋą́ həli kpɔ ɲee tonna lə́ɠə́-lə́ɠə́ ɓa. Ŋą́ həli kpɔ nwɔ lɔwɔi nɛlɛi ɓa.

Yálá laawoo hɛɓɛ

²⁴ Yaa Ną́mu lalan a nuąi ə́ di tɔɔ, ɛlɛɛ yɛ́ kɛ diɛ: ‹Nwɔ́ kɔ́ kɔ́ wotoloɠaai kpulu kɛnɛ̨ pələ, ŋą́ą́ tɛ yeeɠaa tonna, ɓɛi nuą di kɛi di loo laa Liban lɔi hu, ɓɛi nu takpɛli hvo kɛi pɛli həlii laa, ŋą́ą́ tɛ laa, əgɛ, ŋą́ nwɔ hɛan gbɛa-kpɛaɠaa tee, da nwɔ kpitili lɛlɛɛɠaai, ŋą́ həli kpɔ nɔi kpɛlai, ŋą́ həli kpɔ ɲee tonna lə́ɠə́-lə́ɠə́ ɓa. Ŋą́ həli kpɔ nwɔ lɔwɔi nɛlɛi ɓa.

Bible

²⁴ Í íyee mu-ƃelai tɛ̂ɛ díkɛ ŋɛi-tɛ woo ƃò ḿâ Ńyãai a Nuu-namui, dîɛ da Lɛƃanɔŋ yee kpaya-kpayai yée mɛi ɣále a díkɔ-kɔkeleŋ-ŋai. Díkɛ̀ ŋɛi-tɛ woo ƃôi dîɛ da sîda wuru kôyaa-ŋai da sapɔrɔ wuru-ŋai pɔ́ŋ da seri kpɔ́ ŋ̀olâi kpóŋ ma póŋ-poŋ.

Azaya 37:24 ပူးပေါင်းရင်းမြစ်များ

Mąątɛ̨nɛ̨ 20:7

Yiihu kɛa, gíli kaa ɉu gɛ́: Yai-Laa a yeetɛɛmąąlaa tɛɛ nwɔ nui ə dɔɔ wulɔ lɔ mą, bɔ, a lɛɛ nwɔ pɛlɛ́ mąąhəɠɛɛi mu yələkɔlɔn ɉu, ə nwoo mu hon, a gulɔi a mo ɉu a mamįiyee.

Lɛɛ gbɔwɔ ɓa 15:9

Ku yowoɠaa di kɛ diɛ: «Ku kaa hvilɛn ɉii di pulu, ku di hon, ku kaa lii ku wɔ kɔ́ pulu hɛn ɉəɠəi, yɛ bələi ku kaa la bɔ, ku kaa ku wɔ kɔ́-kɔ ɓɔwai yalai daa hu, ku yee kaa pai pɛli diɛ.»

Azaya 10:18

Nwɔ lɔwɔ lɛlɛɛ da nwɔ ɓá wulu yɛa lɛlɛɛɠaai, gaa pai di kələn ɉii, diɛ lɛɛ a tiɠi; a kɛ yɛ ɲɔ̨n gɛ mun aa kulɔ nwului.

Azaya 10:33

'Ka Nąmu Yai-Laa Mɛ̨nį Kəlee ŋą Hééɓomun kaa! Gaa nwulu hulɛ kɛnɛ̨i woŋoɠaa pui nɔi ɓa a vaŋą kɛnɛ̨; yiiɠaai di tɔɔ nwun ɲą kwɛa, da yiliɠaai pɔn, yiiɠaai di yee muhəɠɛɛ di ɓɛlaa diɛ, da yiliɠaai pɛlɛ.

Azaya 10:34

Daa kwɛli pɛlɛ nwɛla hu wuluɠaa diɛ, diɛ ka tooi, Liban mąą ɲįnɛ̨n aa too nɔi ɓa.

Azaya 14:8

Ə mą kɛ wuluɠaa, di kaa kwəinɛ̨ɛ̨ kulɔi ə́ mąą mɛ̨nį ɓa, ɛlɛɛ, yii kɛa ə́ kaa laani lɔi ɓa, Liban kpitiliɠaa kaa kɛi diɛ: «Nui kɛi ku pɔn, hva kɛa tɛ ɓɛ hvo ku pɔn.»

Azaya 29:17

Nąą aa lɛɛ kpɔlɔ tiikpə, Akɛtii Liban mąą hvo mɔ̨ɔ̨ pai pənəi a hihɛn ɲɛa; ɛlɛɛ hihɛn ɲɛa yɛ nwəla kɛ?

Azaya 36:9

Yɛ́, yá pɛli gɛi nwɔ́ kilɛn-nąŋąlon daanɔ̨n gbən yɛ pu ə́ tɔwɔ, a námu nwɔ kɔ́ kuláa nogolo laamun da; yɛ́i ə́ kilitɔɔ Eziptə ɓa, ŋą kɔ́ kɔ́-wotoloɠaa, da ŋą hoo gilɛ həɠə nuą diɛ?

Azaya 37:4

Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»

Ɉeremi 22:6

«Mɛ̨nįi Yai-Laa kaa moi yɛ hvilɛn na Ɉuda tɔɔmun nwɔ pɛlɛ́i ɓa, ya ka: «Ə́ kaa kɛi ɲə́i yɛ Galaadə lɔi, yɛ Liban yee ton na, gáá pai ə́ mąąpənəi a lɔi pun, və́ pai kpaɠai mą, gáá ə́ kɛi a taa kpoloon, kwəi kwɛli hvo ɉu.

Ɉeremi 22:7

Gáá ə́ laakwɛlanmoi nuą diɛ, ə́ kala mɛ̨nį ɓa. Nu kəlee nwɔ kwɛli hɛn gaa ɲəi. Di kaa pai ə́ wɔ kpitili lɛlɛɛɠaa teei, diɛ nwɔ̨n bili ɉu.

Ɉeremi 46:8

Eziptə ɓə gaa yɛ Nilə yá, yɛ hvɛɛ, yɛ tɛɛ yákpɛa kpɛa diɛ, ɲaɠaa diɛ huluun. Eziptə ə kɛi kɛ diɛ: «Gáá hvɛɛi, ŋą́ laa lɔi mɛ̨i, ŋą́ taaɠaa hukala, da di hu nuą.

Izikiɛ 21:2

«Ə́ ɲɛ̨i hee ə́ ɓa-mįi-yee hu pələ, 'hąŋą ɉɛɠɛɛ pələ lɔiɠaa diɛ; gwə́i mɛ̨nį hu kulɔ Negɛvə lɔwɔɠaa diɛ.

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.