Azaya 37:20 - Yálá laawoo hɛɓɛ (dc)

²⁰ Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Yálá laawoo hɛɓɛ

²⁰ Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Bible

²⁰ M̀ɛni ma, Yâwɛɛ Kúɣâlai, kúkula Asiria-ŋai yêei a gɛ́ɛ ǹɔii-ŋûŋ-ŋai díkaa ŋ̀éniɛi sui, dí gɔ́lɔŋ a gɛ́ɛ yá tɔnɔ nɔ́ ƃé íkaa a Kúɣâlai, Óo Yâwɛɛ.”

Azaya 37:20 ပူးပေါင်းရင်းမြစ်များ

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Tɔɔɓɛlaa dɔlɔɔ 8:59

Nąɛ̨ɛ̨mąą hvə wooɠaa ŋɛ̨i gáá moi Yai-Laa ɓa, di kɛ lɔ gu wɔ Yálái lííla a yələ kəlee, yɛ nwɔ tínuą Israɛlə nuą kulɔ di gbaan mɛ̨nįɠaa hu, hvóló tɛitɛi kəlee yee mu.

Tɔɔɓɛlaa dɔlɔɔ 8:60

Ə kɛ tii, lɔi mɛ̨i nu huwuɠaa kəlee da gili kɔ́lɔn diɛ kɛ: ‹Yai-Laa ɓə gaa a Yálá, dakpɛli hvo laa.›

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Mąątɛ̨nɛ̨ 59:13

Di ɓowoo ta hvo laa, yii nɛ̨ŋɛ̨n hvo kulɔ li ɉu, di nwun ə lɛɛ kan di wɔ kpɔwɔ ɲąą kɛnɛ̨ mɛ̨nįi tii hu; nɛ̨ŋɛ̨nnaa woo, da nɛɛ wooɠaai a kulɔ di la, di mąą mɛ̨nį ɓa.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Azaya 37:16

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ́i heenin mąąkpɛ malakaɠaa lɔwai, yɛ́ tanɔ̨n gbən ɓə ɓaa a yɛnɛ̨ɛ̨ tɔɔlaaɠaa kəlee di wɔ Yálá, yɛ́ ɓə yələ kɔ́lɔn da lɔi di pəli.

Azaya 42:8

Ɲą́ą́ ɓə a Yai-Laa, ɛlɛɛ, náá li; ɛlɛɛ, nwɔ́ mąąwiɛi və́ pai dɛɛi nu takpɛli pɔ, ə mą kɛ mą́ą́tɛnɛ wələi mąąnɛ̨ɛ̨ di doo mą́ą́, vá dɛɛ haliɠaa pɔ.

Azaya 45:5

Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Izikiɛ 36:23

Gáá pai náá kɛnɛ̨ɛi ŋɛ̨i mąąhəɠə pələ lɛi; yai daa mąąliɓi nɔiɠaa hu. A náái tii ka mąąliɓi lɔiɠaa hui; lɔiɠaa kaa kɛa pai gbaɠala kaai, diɛ kɛ, ɲą́ą́ ɓə gáá a Yai-Laa. Mɛ̨nį kəlee ŋą Hééɓomun Yálá woo li. Ɓɛlɔwai gáá pai mą́ą́həɠə pələ lɛi la ká mąą mɛ̨nį hu, di ɲɛ̨i ɓa.

Izikiɛ 39:21

Gáá pai mąąwiɛ pələ heei lɔiɠaa mɛ̨́i; lɔi kəlee kaa pai nwɔ kitii kaai; yai gáá pai gɛi, da ɲeei gáá pai gɛlɛi di hu.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.