Azaya 37:19 - Yálá laawoo hɛɓɛ (dc)

¹⁹ Di di wɔ haliɠaai kələn, kɛlaa ɉaliɠaai tii di hvo kɛ a Yálá. Di kɛ lɔ a nu yee kɛ kolóɠaa, a wulu, a wala kɛti a kwɛni; ɛlɛɛ Asiri tɔɔɓɛlaa di di hu kala.

Yálá laawoo hɛɓɛ

¹⁹ Di di wɔ haliɠaai kələn, kɛlaa ɉaliɠaai tii di hvo kɛ a Yálá. Di kɛ lɔ a nu yee kɛ kolóɠaa, a wulu, a wala kɛti a kwɛni; ɛlɛɛ Asiri tɔɔɓɛlaa di di hu kala.

Bible

¹⁹ da m̀aa lɔii-ŋuŋ ŋai díɣâla-ŋai kéreŋ, kpɛ́ni fêi, dífe kɛ́ ní a ɣâla-ŋa, kɛ́lɛ díkɛ a wuru da kɔni nyii nûa dí díkpɛ̀tɛ a díyeei.

Azaya 37:19 ပူးပေါင်းရင်းမြစ်များ

Samia Veerɛi 5:21

Di di wɔ haliɠaai lɛɛ laa puuni, Davidə da nwɔ nuą di di di li a diɛ.

Lɛɛ gbɔwɔ ɓa 32:20

Nįŋɛ̨ lon tii di bɛli, Moisə ə gələn, ə vuŋɔ, ə bu yái, ə ɲá tɔɔ Israɛlə lonnii la.

Azaya 10:7

Kɛlaa nwɛi, hvo mɛ̨nįi tii kpaɠala kaai, gili hvo mɛ̨nįi tii kɔ́lɔn ni tii, yii lɔ gwəi, ya ɓaa nu paa, da lɔiɠaa hu kalaa lɔ poto poto.

Azaya 17:8

Hva kɛa ɲɛ̨i hee ɉali kɔ́iɠaa diɛ, ɓɛi ə bɛli a ɲee; ɉɛnŋąąi ɲee kpiɛ ə di kɛ, hva ɲɛ̨i hee di pɔ pələ, ɉali mąą nįnįnŋąą da voló mąąwiɛ hɛnŋąą.

Azaya 2:8

Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.

Azaya 26:14

Haa nuą di hva yali di pulu di hvo pa, nuąi di wɔ yɛnɛ̨ɛ̨ aa kpɛɛ, di hva kɛa di muhəɠə, mąąhɔlɔɓo, Yáá di hutɔɔ, Yáá di hukala, Yáá di laa kəlee kulɔ yɛnɛ̨ɛ̨.

Azaya 41:24

Kɛlaa kwáá gaa, ka hvo a hɛn da, ka yee hva pɛli mɛ̨nį ta kɛi, nu a ka həɠə ɉu, ɓɛlɛkpɛɛ mąą mɛ̨nį li.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Azaya 41:7

Gwɛli yɔw mun gaa vulɔ hvɛɛ mun vaŋą lɔi, nui mądalan gaa ɲəi, yɛ ɉumu nąmu hvaŋą lɔ, a ɉali mąą nįnįn nąą kəlee hee kɛa gee la, yɛ diɛ: «Aa pɛli.» Ə gəlee kpɔn kɛa gee ɓa a nɛlɛɛ, hvo pa nee kulɔ gee la.

Azaya 44:17

Yili pulu, gbəlii tii kɛa a lɛɛ, ə bɛli a hali, ə gɛ a nwɔ yálá, yɛ kwɛli hvilɛn mą, yɛ pɛlɛ nií la, yɛ mąą mɛ̨nį laa həli mą, yɛ kɛ mą: «Málo! Mąąhɔlɔɓo, yɛ́ lɔ ɓə a nwɔ́ yálá!»

Ɉeremi 1:16

«Mɛ̨nįɠaai ŋį́ mąą kili tee gwə́i di wɔ túwɔ́ pələ ɲɔ̨nŋąą mąą mɛ̨nį ɓa; gáá gəlee hukulɔi diɛ; ya baa: Daa ɓo mą́ą́, daa dóó, diɛ haláá kulɔ haliɠaa diɛ; a hɛnŋaai di bɛli a di yee, diɛ pɛlɛ di lííla.

Ɉeremi 10:11

Mɛ̨nįi mąąnɛ̨ɛ̨ ka mo diɛ, ya ka, ka kɛ diɛ: Ɲáláɠaa di hvo yələkɔlɔn da lɔi di pɛli, mąąnɛ̨ɛ̨ di həɠə lɔi mɛ̨i; di kulɔ yələkɔlɔn mu.

Ɉeremi 16:20

Akɛti nu a mɔ̨ɔ̨ pɛli yáláɠaa pɛlii a gbɔwɔ nwɔɔ? Ya pa, ɉɛnŋaa tii di hvo ɓaa yáláɠaa.»

Ɉeremi 2:11

Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Danîa 11:8

Yili pulu, gɔ́ pulu hɛnŋaa gaa pai ɉəɠəi, a li la Eziptə lɔi hu, ɉɛnŋaai tii ɓa: mąąnįnįn ɉaɠaaɠaa, yai kɛ a nɔi tii nwɔ alaɠaa, hɛni hɛnŋaŋa lɛlɛɛɠaa, da wali kwɛliɠaa, yai kɛ a ɲalaɠaai tii di wɔɔ. Yili pulu, kwɛlan damaa a tɛɛ, di hva kɛ kɔ́ kɔ́i.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Osia 8:6

Mąąhɔlɔɓo, ə həɠə Israɛlə pələ, yɛlɛ mun da ɓə bɛli, Yálá hvo li; a tɛ̨ą Samari nwɔ nįŋɛ̨ lon hu kaa ɓuwɔi a gbuɔ kpuɔ.

Galatə 4:8

Tɔlɔɔ tɔlɔɔ, ká hvo ni kɛ Yálá kɔ́lɔn, ká kɛ a haliɠaa di wɔɔ luwɔ, a diɛi tii di hvo kpɛli a Yálái.