Azaya 35:4 - Yálá laawoo hɛɓɛ (dc)

⁴ Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Yálá laawoo hɛɓɛ

⁴ Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Bible

⁴ Diai yao káa díkponôi, m̀ó dîa yɛ̂ɛi, “Ka tɔɔ a gbanaŋɔɔ, káfe yào! Káɣâlai a pâi kákulâi kákpɔara-ƃelai yêei, é díkula maa kɛ́.”

Azaya 35:4 ပူးပေါင်းရင်းမြစ်များ

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Mąątɛ̨nɛ̨ 116:11

Ɉú pu pələ mą́ą́, ŋį́ kɛi kɛ diɛ: «Nu kəlee kaa a lɛɛ nuą.»

Mąątɛ̨nɛ̨ 145:19

Nuąi da ɲɔw mą, a di liiɓa kɛ, a nwəli tɔɔ di tomą woo ɓa, yɛ di ɓalo.

Mąątɛ̨nɛ̨ 50:3

Ku wɔ Yálái ə pa wɛ! Hvo kɛa naapilɛ! Nwɔ̨n gaa ɲɛ̨itɔwɔ, yɛ kɛɛ kələn; tulɔ hvaŋą kɛnɛ̨ ə ɓo gwɛlɛ nąą kəlee.

Mąątɛ̨nɛ̨ 94:1

Yai-Laa! Nwąną kulɔ Yálá! 'Ə́ kpɔwɔ lɛ! Nwąną kulɔ Yálá!

Azaya 1:24

Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 31:5

Bələi lɔ nwɛ̨niɠaa da di koon naa ɓo la, bələ lɔ ɓə Yai-Laa Mɛ̨nį Kəlee ŋą Hééɓomun kaa pai Ɉerusalɛmə mąąkɔ̨nwɔ̨i la; gaa pai mąąkɔ̨nwɔ̨i yɛ gulɔ mɛ̨nįi, gaa pai mąąhvaalɛɛi, yɛ nwun mąąɓo.

Azaya 32:4

Nuąi da kpɛlin mɛ̨nį ɓa, di kaa pai kɛi tɔɔi a di nwąnąi, diɛ mɛ̨nį mukulaa kaa; nuąi kɛi mumu, di nɛ̨n yɛ pənə di la, diɛ hvaa ɉa-ɉa, ɛlɛɛ nuą diɛ gulɔ ɉu kɔ́lɔn.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 34:8

Yai-Laa nwąną kulɔ hvóló li, gwɛlan da Siɔn mąą mɛ̨nį ɓo la, mąą kwɛlan ni.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Azaya 37:6

Yili yɛ diɛ: «'Ka li kaa ka wɔ mɛ̨nį nąmu ɓa, Yai-Laa yɛ: hvo ɲɔw nwooɠaai tii ə́ mąn mąą mɛ̨nį ɓa, yai Asiri tɔɔmun ə nwɔ kɛlaɠaai tɔɔ la, diɛ pa mɛ́lɛ kpɛɛi la mą́ą́.»

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 44:2

Mɛ̨nįi Yai-Laa ə mo, ya ka, yai a ə́ pɛlimun, yai ə́ pɛli ə́ too ə́ lee kwəi, yɛ kpɔnmąą tɛɛ ə́ pɔ, Ɉakɔbə, 'hvó ɲɔw, yɛ́i a nwɔ tímun, yɛ́i ə́ hutɔɔ, yɛ́i ŋį́ ə́ həɠə ɉu a nííɓa.

Azaya 47:3

Nuą di ə́ kpuwulu kaai! Ə́ tənəi ŋɛ̨i ə́ kpáánŋąąi, yɛ́ noo, nuą di gaa, gáá pai nwą́ną́ kulɔi, nu ta hvo laa, yɛ kpɛ̨ąn ɉii dɔ́wɔ́.

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Azaya 49:4

Kɛlaa, nwɛ́i, ŋį́ kɛi kɛ diɛ: «ŋą́ą́ gbɔ́wɔ́ hviikpɛɛ lɔ kpɛi kpɛli, ŋą́ą́ vą́ŋą́ kəlee hu kala lɔ hvąŋą pulu, dɔlɔ hvo mą, ya pa nwɔ́ tɛ̨ą mɛ̨nį ə kɛi lɔ mą́ą́ kpɔn, Yai-Laa kwɛlɛ!» Vɛ́la ə ɓo nwɔ́ Yálái yəi.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Azaya 63:4

Ŋą́ naa tii gwə́i, gɛ́ nwą́ną́ kulɔ hvoló aa həli, nwun mąąɓo kwɛlan aa kɛ pa.

Azaya 66:15

Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.

Azaya 7:4

ə́ mo mą, yɛ mą: «‹Ə́ líí laa yɛ́, hvo ɲɔw, ə́ líi hvo kulɔ yɛ́ gwɛi kpuwɔ hveelɛi ŋɛ̨i di mɛ̨i lulu kaa kulɔi mąą mɛ̨nį ɓa; diɛ ɓaa, Aramə tɔɔmun Resin da Remaliahu lon di wɔ liiholi kɛnɛ̨ɛ̨i.

Danîa 10:18

Ɲąąɓa, yii tii gɛ pələ ə kɛ ɲɛ nu, ə ɲee hee mą́ą́, ə gɛ, ŋą́ pənə ŋą́ hvaŋą hɔlɔɓo.

Danîa 10:19

Nu yii tii yɛ mą́ą́: «Hulɔnu, yɛ́i ŋɛ̨i ə́ wɛli kaa Yálá ɓa, hvo ɲɔw! Liilaa ə kɛ ə́ yəi, ə́ hvaŋąlɔ, ə́ ə́ huwalawala.» Ɓɛlɔwai ə kɛi yiliɠaai ɓo la mą́ą́, huwalawala ə kɛi tɛɛ ɓɔ́. Ŋą́ mo mą nąąlɔwai, gɛ́ mą: «Nwɔ́ mɛ̨nį Nąmu, nwə́li tɔɔi ə́ woo ɓa, mąąhɔlɔɓo, yaa huwalawala tɛɛ ɓɔ́.»

Osia 1:7

«Ɉuda nwɔ pɛlɛ́i nwɛi, ŋą́ nwɛlilakɛ, gɛ́ di nwun mąąɓo, ɲą́ą́ Yai-Laa di wɔ Yálái, və́ pai di nwun mąąɓoi a kilɛn, a wala kɛ tii kɔ́ kɔ́ ɓɔwa, a wala kɛ tii a kɔ́, ə mą kɛ hoo da hoo mɛ̨i kɔ́ kɔ́ nuą.»

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Egaa 2:4

Yili ɓə gaa mą, ɲą́ą́ Yai-Laa, gɛ́ kɛ yɛ́: Zorobabɛlə ə́ hvaŋąlɔ! Yehosadakə lon Ɉosue, yɛ́i ə́ kaa a haláá laa həli mun gɛnɛ̨, ə́ hvaŋąlɔ! Nwɔ nuą kəlee, ka ka hvaŋąlɔ! Ɲą́ą́ Yai-Laa, nwóó li: 'Ka ka yee pɛlɛ gólo ɓa, gáá pai kɛi ka pɔ, Yai-Laa Mɛ̨nį Kəlee ŋą Hééɓomun woo li.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lukə 21:28

«Ɓɛlɔwai mɛ̨nįɠaai tii kaa pai gɔwɔ tɔɔi la yɛ kɛi, ka ka nwun muhəɠə ka yələi kaa, mąąhɔlɔɓo, Yálá kaa pai kɛa ka nwun mąąɓoi ɉu hvo kwɛa li.»

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!

Samuɛlə dɔlɔɔ 23:17

yɛ mą: «Hvo ɲɔw, ną́n Saulə yee hvo pai pɛlii yɛ́; yɛ́ ɓə pai kɛi a tɔɔmun, gɛ́ ɓo ə́ pɔ, ną́n gili kaa tii ɉu.»