Azaya 34:6 - Yálá laawoo hɛɓɛ (dc)

⁶ Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.

Yálá laawoo hɛɓɛ

⁶ Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.

Bible

⁶ Zâla ƃalai da m̀olii díŋãa da díwulɔ kɔ́-kɔɔ̂i Ɣâla Yâwɛɛ ŋɔƃóa-sɔkpɔi ma. A pâi ŋɔsâla kɛ́tɛi kulâi Bosera taa-leei su. A pâi zu-kâra mɛni kɛ́tɛi ŋí kɛ̂i Idɔŋ lɔii ma.

Azaya 34:6 ပူးပေါင်းရင်းမြစ်များ

Samia Veerɛi 1:22

Kɛlaa, ə kɛi mąątí a nuąi ə kɛi di paa di ɲąmą, da kɔ́kuláá wulɔ. Ɉonatan nwɔ kilɛn hvo ta kɛ pu li nu ta tɔwɔ. Saulə nwɔ kɔ́ kɔ́ ɓɔwai hvo kɛi tɛ taai a mąą kpalaa.

Kɔlɔnikɔ Maa-ŋuŋ 1:44

Bɛla haa pulu, Zera lon Yovavə yai həɠə Bɔsra, ya ɓə hee a dɔɔmun.

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Azaya 29:2

Gáá pai heei Ariɛlə ɓa, di kaa pai kɛi di woolaai, diɛ ɲiŋɛ̨; gaa pai kɛi ɲə́i a kuláá ta.

Azaya 34:5

Yai-Laa yɛ diɛ; nwɔ́ kɔ́ kɔ́ ɓɔwai aa pilɛ yələkɔlɔn ɉu pələ, gaa kɛa woloi Edɔmə ɓa, a nu huwui tii ŋį́ ɉukala mɛ̨nį gili tee gwə́i.

Azaya 63:1

Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Azaya 63:3

Ɲą́ą́ dɔ̨nɔ̨ ɓə doo gɔwɔ hu, nu kanŋaa lɔwai, nu ta lɔpee hvo kɛ bɔ́. Níí holi pələ, ŋį́ di hiɠɛ, gɛ́ ɓɔlɔn di mɛ̨i, níí holi pələ ɓa, di ɲąmą ə taɠa mą́ą́ həɠəɠaa ɓa, ŋį́ mą́ą́ həɠə kəlee kpɔlu.

Azaya 65:12

Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Ɉeremi 12:12

Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Ɉeremi 49:13

Yai-Laa woo li, gáá gwɛ́lai a gbɔ́ɔ́ kpinį lee, Bɔsra kaa pai lɛɛi a lɔi pun, a taa kpoloon, diɛ gɛ a lalan ɉɛn, da nɛ̨ŋɛ̨n naa hɛn. Daaɠaa kpɔ ɲee hu di kaa pai lɛɛi a taa kpoloon, a yələ kəlee da nwɔɔ.»

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

Ɉeremi 51:40

Gáá lii a diɛ, diɛ di nwun dee, yɛ ɓɛlaa hilɛɠaa, yɛ ɓoluɠaa da ɓɛlaaɠaa.

Izikiɛ 21:10

Nu kəlee kaa pai gili kɔ́lɔn ɉi la ti, diɛ kɛ ɲą́ą́ Yai-Laa, ɲą́ą́ ɓə ŋą́ kɔ́ kɔ́ ɓɔwai kulɔ daa hu, ɛlɛɛ, hva kɛa pənə hvo lɔ laa.›

Izikiɛ 35:15

mąąhɔlɔɓo ə́ kwəinɛ̨ɛ̨ kulɔ, ɓɛlɔwai Israɛlə pɛlɛ́i ə lɛɛ la a lɔi pun, bələ ɓə gáá pai ə́ kɛi la; Seirə yee kaa pai lɛɛ a lɔi pun, da Edɔmə kəlee. Bələ ɓə ka gili kɔ́lɔn na, kaa diɛ ɲą́ą́ ɓə gáá a Yai-Laa.»

Izikiɛ 35:8

Nwɔ nu powaɠaai kaa pai kɛi puu ni di kee mɛ̨i nwɔ yeeɠaai nwuɔ̨, yiiɠaai kɔ́ kɔ́ ɓɔwa a di paa, di kaa pai kɛi puu ni ɲee kpu kpuɠaa lɔwai, ɲee lɔwai lɔiɠaa hu, nwɔ ya pɛlɛɛɠaai hu.

Amɔsə 1:11

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Sofoni 1:7

'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Dutɛrɔnome 32:14

Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.

Dutɛrɔnome 32:41

Gáá nwɔ́ kɔ́ kɔ́ ɓɔwa ɲą́ą́lii! Gaa pai kiti teei! Gáá nwą́ną kulɔi ɲówoɠaa diɛ. Nuąi wɛli kpɛɛmaa túwɔ́ ɓo a ɲą́ą́, gáá gwələ kulɔi.