Azaya 33:22 - Yálá laawoo hɛɓɛ (dc)

²² Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Yálá laawoo hɛɓɛ

²² Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Bible

²² Yâwɛɛ ƃa kúkâloŋ da kúmɛni ŋá-tee nuui. Ǹyaa ƃé a tɔ̂ŋ kpɛ̀tɛ kúmɛni ma. A pâi kúŋuŋ ma ƃôi.

Azaya 33:22 ပူးပေါင်းရင်းမြစ်များ

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Nehemi 10:14

Hodiya, Bani, Beninu.

Mąątɛ̨nɛ̨ 44:4

Di wɔ kɔ-kɔ-ɓɔwa hvə nɔi tɛɛ di pɔ, di wɔ kuláálaa vəi gɔ́ nɛ̨ɛ̨ diɛ; kɛlaa, ə́ yee hvąŋą kɛnɛ̨i ɓə, ə́ yee kɔ̨nwɔ̨n mə, ə́ ɲɛ̨́ilai nwɔ nwɔ̨n nən ɓə, mąąhɔlɔɓo, di wɛli ə kɛ yɛ́.

Mąątɛ̨nɛ̨ 44:5

Ee kə Yálá! Yɛ́i a nwɔ́ Heeɓomun, Yɛ́ ɓə kɛi gɛ, kɔ́ɠaa diɛ nɛ̨ɛ̨ Ɉakɔbə ɓa.

Mąątɛ̨nɛ̨ 50:6

Yələkɔlɔn gaa nwɔ tələnmolaa loloɓoi, Yálá ɓə a kiti teemun.

Mąątɛ̨nɛ̨ 74:12

Ya pa ə həɠə wɔlɔ wɔlɔ ɓa, Yálá, yɛ́ lɔ ɓə a nwɔ́ tɔɔmun, yɛ́ kɔ́ɠaa nɛ̨ɛ̨ nɔi ŋɛ̨i ɓa.

Mąątɛ̨nɛ̨ 75:7

Nu kpɔwɔ hɔlɔɓo mɛ̨nį, hva həɠə hvóló ɓɛlai bələ, hva həɠə hvoló tooi bələ, hva həɠə lɔi pun ɉu pələ.

Mąątɛ̨nɛ̨ 89:18

A tɛ̨ą, yɛ́ ɓə a di wɔ huwalawalalaai hɛn da hva tɔɔ na. Yɛ́ ku ɲɛ̨i pono a ə́ yəi mɛ̨inɛ̨ɛ̨ɠaa.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Azaya 1:10

Sodomə nu kpɛa-kpɛa, ka ka wəli tɔɔ Yai-Laa woo ɓa! Gomorə nuą ka ku wɔ Yálái nwɔ liɛwoo mɛ̨n! Yɛ diɛ:

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 16:5

Wɛlikɛmąąlaa a dɔɔkpəlin hee gbilin, ɛlɛɛ, Davidə yəi bɛlɛ́n, kiti tee mun ɉaŋąą kaa pai heei laa, yɛ tɛ̨ą hu kpɛ, ɲee mąąhulaa mɛ̨nį ɲɛ̨i kulɔi.»

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 24:23

Ɲąnįn ɲɛ̨i mąą kaa pai wɛlii, nwumɛ̨ ə tɛ a hvóló, a tɛ̨ą, Yai-Laa Mɛ̨nį Kəlee ŋą Hééɓomun ya ɓə tɔɔlaa kɛi Siɔn yee nwuɔ̨; da Ɉerusalɛmə daai, nwɔ mąąwiɛ hu galanɉonŋąą ɲɛ̨i ɓa.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 33:17

Ə́ ɲɛ̨i kaa pai tɔɔi tɔɔmun nɛlɛ pələ ɓa, ə́ ɲɛ̨i kaa pai hiɛi nɔi nąą kəlee mɛ̨i.

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Azaya 41:21

Yai-Laa yɛ diɛ: 'Ka pa ka ka wɔ mɛ̨nįi too, Ɉakɔbə nwɔ tɔɔmun yɛ diɛ; 'ka pa ka ka woo hukulɔ.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Azaya 51:4

'Ka ka ɲɛ̨i hee mą́ą́, kaai a ŋi nu kanŋaa, ŋi taai hu nu kan, ə́ wəli tínɛ̨n nɔ bɔ pələ: Mąąhɔlɔɓo, ɲą́ą́ ɓə pai tɔ́n naai, nwɔ́ kitii kaa pai kɛi a yɛnɛ̨ɛ̨ nuą di wɔ kɛɛ pɔ̨nɔ̨!

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Azaya 60:16

Ə́ kaa pai hįį lɔi kəlee ɲįnįyá kpələi, yɛ́ pilɛ tɔɔɓɛlaa di wɔ hɛn gɔwii hu, yɛ́ gbaɠala kaa la yɛ, ɲą́ą́ Yai-Laa, ɲą́ą́ ɓə ə́ ɓalo, yɛ́ kɛ, Ɉakɔbə nwɔ Kpakoloi ɓə ə́ nwun mąąɓo.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Lukə 2:11

Daa ka Nwun mąąɓomun gaa, háákələi, Davidə ŋą taaleei hu, naa ɓaa a Kristə, mɛ̨nį kəlee nąmu.

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Zĩi 4:12

Yá pa, nu tanɔ̨i lɔ ɓə dɔn dɔɔ, yaa lɔ ɓə a kiti teemun: Yaa lɔ ɓə a nu nwun na pilii, yɛ ɓalo. Gbɛɛ ɓaa a yɛ́, yai yá ə́ ɓɛlan gaalon giti tee?

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

Samuɛlə dɔlɔɔ 12:12

Kɛlaa, Nahasə yai kɛ a Amɔn nuą di wɔ tɔɔmun, gaai ka mo yɛ pa kɔ́ pɛlɛi kaa, ka kɛ mą́ą́: ‹Kpələ! Tɔɔmun mə mąąnɛ̨ɛ̨ ə ku ɲąąwooɓo.› Ya pa Yai-Laa ka wɔ Yálái ɓə gaa a ka wɔ tɔɔmun.