Azaya 33:20 - Yálá laawoo hɛɓɛ (dc)

²⁰ Ə́ ɲɛ̨i hee Siɔn taa ɓa, yai gaa a guɔ hɛliɠaai pu taa, ə́ kaa pai Ɉerusalɛmə kaai, yai gaa a liilaa kɛɛnąą, həɠə pɛ́lɛ́ yii di hva kɛa gulɔ, yai di hva kɛa gɔwɔ hvilɛn nwuluɠaa kulɔ, yai di hva kɛa ɲɛliɠaa kulɔ.

Yálá laawoo hɛɓɛ

²⁰ Ə́ ɲɛ̨i hee Siɔn taa ɓa, yai gaa a guɔ hɛliɠaai pu taa, ə́ kaa pai Ɉerusalɛmə kaai, yai gaa a liilaa kɛɛnąą, həɠə pɛ́lɛ́ yii di hva kɛa gulɔ, yai di hva kɛa gɔwɔ hvilɛn nwuluɠaa kulɔ, yai di hva kɛa ɲɛliɠaa kulɔ.

Bible

²⁰ Ka Zãiyɔŋ taa-leei káa. Gáa a daa-lêei nyii kwa kúɣâla mɛni maa kuu kpaya-kpayai kɛ̀ zui. Ka Zerusâlɛŋ taa-leei su káa. Gáa a taa-lêe nyíi núu a kɛ̀ zu, ŋ̀uŋ ma ƃôɔɔi. Gáa yɛ̂ɛ ƃûu nyii va wɔ́lɔ kùla dɔɔ̂i.

Azaya 33:20 ပူးပေါင်းရင်းမြစ်များ

Mąątɛ̨nɛ̨ 128:5

Yai-Laa ə lúwɔ́ too yɛ́, ə həɠə Siɔn yee nwuɔ̨, yɛ́ pɛli Ɉerusalɛmə nwɔ nwun na nɛ̨ɛ̨ kaai, ə́ wɔ yɛnɛ̨ɛ̨ kəlee yee mu.

Mąątɛ̨nɛ̨ 46:5

Kɛlaa yá kɛnɛ̨ ta kaa laa, mɛlaɓoɔ ɉu tamąą, yɛ kwəinɛ̨ɛ̨ tɛɛ Yálá nwɔ taai pɔ; yɛ yələkɔlɔn ɉu Yálá nwɔ pɛlɛ́ɠaai mąąhəɠə.

Mąątɛ̨nɛ̨ 46:6

Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Azaya 32:18

Nwɔ́ nu huwui kaa pai heei liilaa lɔi hu, di wəli pulu laɠiɛ di wɔ pɛlɛ́ɠaai mu, hvįįtɔɔ ɲąąlaɠiɛ hu.

Azaya 33:6

Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Azaya 37:33

Yili ɓə gɛi, mɛ̨nįi Yai-Laa kaa moi yɛ hvilɛn na Asiri tɔɔmun mą, ya ka: hvo pai lɔi daai ŋɛ̨i hu, hvo pai nwɔ tɔ́nwąɠaai pilii laa, hvo pai woloi daa ɓa a nwɔ kɔ́ kɔ́-kwɛlihɛnŋąąi, hvo pai goto pɛlɛi ɉį́i ɓa.

Azaya 4:5

Siɔn yee nwuɔ̨ nąą kəlee, da ɲąąkpɔnŋąą kəlee mɛ̨i, Yai-Laa kaa pai tulɔ kpinįn bɛlɛi di mɛ̨i hvóló ŋą, ə kɛ a nwɔ̨n nən di mɛ̨i kpinįi. Yai-Laa nwɔ mąąwiɛ a gbąnąn bili gəlee mɛ̨i,

Azaya 54:2

Ə́ wɔ pɛlɛ́i hvilɛn a mu kɛnɛ̨, gbaɉaɠa ɲąąkɛnɛ̨, hvo da kɛ a hviikpɛɛ, bɛlɛ lɔnwɔɠaa kɛ a di huwala walaa,

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Izikiɛ 48:35

Mąą tinɛ̨n ŋąą doɔ gee hu, yee tɔɔɉu waa pow kɔ́w mɛ̨ihaaɓa. Ə həɠə háákəlee ɓa, daa laa ɓaa kɛa: ‹Yai-Laa kaa ɓɛ.›»

Izikiɛ 48:8

«A hvilɛn Ɉuda nwɔ lɔi ɓa, ə həli voló kulɔi pələ, ə həli la gboloyá ɓa, ka lɔi ta lɛɛ laa, goloon ɉu a kɛ a yee tɔɔɉu waa pow hveelɛ kɔ́w lɔɔli, a kwɛa lɔ yɛ ka wɔ lɔiɠaai dɔ̨nɔ̨ kwɛa pələ; ə həɠə voló kulɔi pələ, ə həli la gboloyá ɓa, gɛɛnąą mąąhəɠɛɛ a kɛ ɉɛ̨ąi.

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Dutɛrɔnome 16:16

Kwɛlan dɛitɛi ye mu, hinąą kaa pai kɛi lii Yai-Laa ka wɔ Yálái lííla gee mɛ̨i haaɓa; gɛɛnąą tii gaa pai ɲeekpiɛ lɛi laa, ɓɛlɔwai ka káá pai kɛi lɛɠɛ yii dɛ hɛn və ɉu nwɔ hɛli pui la, da nɔwɔ mɛ̨ihveelɛ tɛɛ pulu hɛli, ɛlɛɛ, da gələ hɛli pu yələ. Nu ta lɔpee hvo kɛ gaa pai Yai-Laa ka wɔ Yálá lííla a ɲeehowolo.

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.