Azaya 33:2 - Yálá laawoo hɛɓɛ (dc)

² Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Yálá laawoo hɛɓɛ

² Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Bible

² Yâwɛɛ, kúmalôŋ káa. Yá nɔ́ ƃé kúkili káa yâ kúmɛni-sôli káai kélee su.

Azaya 33:2 ပူးပေါင်းရင်းမြစ်များ

Mąątɛ̨nɛ̨ 123:2

A tɛ̨ą, bələi lɔ luwɔɠaa ɲɛ̨i kaa la di nąmįną yee ɓa, əlɛɛ bələi lɔ tinɛ̨ɛ̨nu ɲɛ̨i kaa la neenɛ̨a yee ɓa; bələ kpɔlɔ ɓə ku ɲɛ̨i kaa la Yai-Laa ku wɔ Yálái ɓa, ə lɛɛ la ɉu, ə ku ɲɛ̨imąąwɛlikaa.

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Mąątɛ̨nɛ̨ 25:3

Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 33:22

Yai-Laa, ə́ wɔ wɛlikɛmąąlaa ə kɛ ku mɛ̨i; yɛ bələi ku kilitɔɔi la yɛ́i.

Mąątɛ̨nɛ̨ 37:39

Tələnmo nuą ɓalo mɛ̨nį a həɠə Yai-Laa pɔ, ya ɓə gaa a di mąąkpɛ pɛlɛ́ wala wala, ɓɛlɔwai mɛ̨nį wala wala ta a di kaa la.

Mąątɛ̨nɛ̨ 46:1

Nwələ ɲɛ̨itɔwɔmun Kore lonnii di wɔ wələ.

Mąątɛ̨nɛ̨ 46:5

Kɛlaa yá kɛnɛ̨ ta kaa laa, mɛlaɓoɔ ɉu tamąą, yɛ kwəinɛ̨ɛ̨ tɛɛ Yálá nwɔ taai pɔ; yɛ yələkɔlɔn ɉu Yálá nwɔ pɛlɛ́ɠaai mąąhəɠə.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 60:11

Gbɛɛ ɓə pai lii a ɲą́ą́, daai mąątinɛ̨nŋąą a hį́i bɔ pələ? Gbɛɛ ɓə pai lii a ɲą́ą́, yɛ hə́li a ɲą́ą́ kpɔ Edɔmə?

Mąątɛ̨nɛ̨ 62:1

Nwələ ɲɛ̨itɔwɔmun, Yedutun Davidə nwɔ Yálá mąątɛ̨nɛ̨ wələ.

Mąątɛ̨nɛ̨ 62:5

Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Mąątɛ̨nɛ̨ 90:15

Bələi lɔ ku hutɔɔ hvólóɠaa tamąą la, a gwɛlanŋaai ti ku mɔ̨nɔ̨ kɔ́lɔn nai, ku kwəinɛ̨ɛ̨ hvólóɠaa tamą lɔ ti.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Lɛɛ gbɔwɔ ɓa 14:27

Moisə ə ɲee haŋą. Yələwala pɔ, gboloyá ə pənə ə laa naai. Eziptə nuąi ŋɛ̨i kɛi pu, daɠaa di kwiɛn a ɲá, Yai-Laa ə di mąą wəleen, di pu ɲai.

Azaya 17:10

Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Azaya 37:3

Ə gɛ də li diɛ mą: Ezekiasə woo ka, yɛ: «Haa kəlee hvólói kaa a lii kələn gwəi hvóló, hutɔɔ hvóló, da nwumɛ̨ hvóló, lon ɉinąą daa di nwun gulɔ di lee kwəi, kɛlaa lon-gaa hvąŋą hvo di lee yəi.

Azaya 40:10

Ną́mu Yái-Laa ka! Gaa pai a hvaŋą, yeetɛɛmąą laa kaa ɲəi, nwɔ hvɛla kulɔ kɛ hɛn kaa ɲəi, nwɔ ɲąąkɛlɛ hɛn ə ɓo ɲəi.

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 59:16

Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Ɉeremi 14:8

Israɛlə kilitɔɔi ɓaa yɛ́, mąąwɛli mɛ̨nį a həli kuɔ, yɛ́ ɓə yá kulɔ ɉu, lə ɓə kɛ, yaai, ə́ kaa túwɔ́i yɛ yá kɛ a nwea nɔi? Yɛ ya kɛ a hiɛ kulɔ mun, yii gaa lɔ kpinį tɔ̨nɔ̨ kɛ?

Woolaa 3:23

Di gaa lɔ a di nįnɛ̨ yələwala kəlee. Yai-Laa! Ə́ wɔ kulɔ nwoo ɓalaa hu kɛnɛ̨i

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.