Azaya 33:10 - Yálá laawoo hɛɓɛ (dc)

¹⁰ Yai-Laa yɛ diɛ; múhəɠə hiɛ li kɛa, gáá kɛa haŋąi ŋį́ tɔɔ, Náá mąą kaa kɛa pai wiɛi.

Yálá laawoo hɛɓɛ

¹⁰ Yai-Laa yɛ diɛ; múhəɠə hiɛ li kɛa, gáá kɛa haŋąi ŋį́ tɔɔ, Náá mąą kaa kɛa pai wiɛi.

Bible

¹⁰ Yâwɛɛ a m̀ôi ǹɔii-ŋûŋ-ŋai dîa ǹyɛɛi, “Ka káwoli tɔ́ɔ. Ŋà pá ŋáwala-walai lɛ̂i kâa.

Azaya 33:10 ပူးပေါင်းရင်းမြစ်များ

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Mąątɛ̨nɛ̨ 12:6

Ya ɓə Yai-Laa a kɛ diɛ: «Mąąwɛli nuą laanɔ̨nwɔ̨ ɓo pələ, da yeehvowolo nuą wɔlɔ pələ, múhəɠə hiɛ kpɔlɔ li. Nui di kɛi di lɛayá pili mą, gɛ́ ɉee liilaa hu.»

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Mąątɛ̨nɛ̨ 7:6

Ɲówo ə hvilɛn búlu, ə ɉón, ə nwɔ́ yɛnɛ̨ɛ̨ kiin nɔi ɓa, ə gbóyɛli kəlee pu pɔlɔ hu!

Mąątɛ̨nɛ̨ 78:65

Ną́mu ə muhəɠə yɛ nu a kɛi háá yíi, yɛ kɔ́kuláái lɔɔ yee aa pɛli mą.

Mąątɛ̨nɛ̨ 94:16

Gbɛɛ ɓə pai mą́ą́ mɛ̨nį ɓoi nwea nuąi ŋɛ̨i lííla, gbɛɛ ɓə pai tɔɔi búlu, kuɔ kɔ́ pɛlɛ vulu nuąi ŋɛ̨i diɛ?

Lɛɛ gbɔwɔ ɓa 14:18

Eziptə nuą kaa pai gɔlɔn ɉii diɛ ɲą́ą́ ɓə gáá a Yai-Laa, ɓɛlɔwai gáá pai nwɔ́ huwalawala laa mąąwiɛi lɛi la Eziptə tɔɔmun, nwɔ wotoloɠaai da ɉoo mɛ̨i nuą diɛ.»

Azaya 10:16

Yili mąą mɛ̨nį ɓa, Nąmu Yai-Laa Mɛ̨nį Kəlee ŋą Hééɓomun, kaa pai nuą koohaɠa kpɛa-kpɛaɠaai tii kpalai, nwɔ̨n ɲɛ too di wɔ hɛn gɔwii hu, yɛ kpaɠa nwɔ̨n a muhəɠə.

Azaya 10:33

'Ka Nąmu Yai-Laa Mɛ̨nį Kəlee ŋą Hééɓomun kaa! Gaa nwulu hulɛ kɛnɛ̨i woŋoɠaa pui nɔi ɓa a vaŋą kɛnɛ̨; yiiɠaai di tɔɔ nwun ɲą kwɛa, da yiliɠaai pɔn, yiiɠaai di yee muhəɠɛɛ di ɓɛlaa diɛ, da yiliɠaai pɛlɛ.

Azaya 2:19

Ka lɔ gwɛni woloɠaa hu, ka lɔwa tee ka lɔ ɉu, ə gɛ, Yai-Laa nwɔ liiɲąnwąnąai pai, ka pu ka həɠə dɔwɔ, ka ka mąąkilɛ nwɔ nwąną kulɔ vaŋąi tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Azaya 2:21

Di ka pai kɛi lɔi kwɛni woloɠaa hu da kwɛni ɓɛlaɠaa mu, ə gɛ, di pu di həɠə Yai-Laa nwɔ liiɲąnwąną tɔwɔ, diɛ di mąąkilɛ nwąną kulɔ hvaŋą tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Amɔsə 6:1

Kpalo ɓɛlaai kaa, Siɔn daai hee ɓo nuą, kaai ka káá ka nɛɛ nu. Kaai gaa ka kwəi, ka káá ka nɛɛ hu, Samari yeeɠaa tonna. Gaa yɛ kiɛ, kaa ɓə ka laa tɛɛ hį́iɠaa lɔwai, Kaai a Israɛlə nu huwu ɲɛ̨i tɔwɔ nuą.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!