Azaya 33:1 - Yálá laawoo hɛɓɛ (dc)

¹ Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Yálá laawoo hɛɓɛ

¹ Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Bible

¹ Kpalo-ƃêlai kâa, káai kákaa a kúkpɔara-ƃelai. Kaâ kákɔlɛ ma-ƃelai kélee su-kara, kákɛ ƃò ɣele ma. Kɛ́lɛ káwala-walai kpɛɛ-ŋa ɣelei a pâi. Kákpɔara-ƃelai da pâi kákîrii, dí kápaa.

Azaya 33:1 ပူးပေါင်းရင်းမြစ်များ

Hanwon 22:23

Mąąhɔlɔɓo, Yai-Laa a nuą tii mąąkɔ̨nwɔ̨, nuąi da hɛn gulɔ di yəi, Yai-Laa yaa kpɛli a hɛn gulɔ mąą nuą yəi.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 14:25

Gáá pai Asiri huyalii nwɔ́ lɔi hu, gáá pai gii gii ɉii nwɔ́ yeeɠaai nwuɔ̨, nuąi kɛ ɉeɛ di mɛ̨i, da ɉəɠə mąą nuą mɛ̨i, nuąi nwɔ tiɛ̨i ə kɛ di nwuɔ̨, diɲɛ̨i tii a həɠə di nwuɔ̨.»

Azaya 17:14

Yələ a kɛi wulu, ɲɔw kɛnɛ̨ yɛ nu hu pu mą, gɛɛ yələ hvo ɓɔ, hɛn da hva kɛa kɛ laa, nuąi da too ku mɛ̨i, di kɛ pələ kaa pai kɛi tii, nuąi da too ku yəi hɛnŋąą hu bələ ɓə di kɛ pələ kaa pai kɛi la.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 24:16

Ku kaa wələ woo mɛ̨n ɉi, yɛ həɠə lɔi kpɛlai pələ, yɛ kɛ diɛ: «Ɓáá ə lɔ təlinmo Yálá ɓa.» Ya ɓə ŋą́ kɛ diɛ: Ŋą́ą́ kpɔlɔɔn! Ŋą́ą́ kpɔlɔɔn! Nwún na ɲɔ̨nwɔ̨ɔ̨i, ɲaba lɔ nuą daa ɲaba lɔ mą́ą́. Ɲaba ka, ɲaba lɔ nuą daa ɲaba lɔ kɛnɛ̨.

Azaya 31:8

Kɔ kɔ́ ɓɔwa yii hvo a nu kan ɲəi ɓɔwa, ya ɓə pai Asiri paai, nu kan ɲəi ɓɔwa hvee pai ɉu kalai, gaa pai pui kɔ́ kɔ́ ɓɔwa ɲɛ̨i tɔwɔ, ɛlɛɛ, nwɔ kɔ́ kɔ́ laŋąąi di kaa pai lɛɛi a luwɔ kóló kɛ nuą.

Azaya 48:8

Hvo nii ta kɛ bələ mɛ̨nį ni, hvo kɛ di kɔ́lɔn, və́ ni kɛ ə́ wəli lon doo li ɉu nąąlɔwai tɔwɔ, mąąhɔlɔɓo, gbaɠala ə kɛ mą́ą́, gɛ kɛ ya kulɔ nu pulu, ə́ kɛ ni ə́ lee kwəi, diɛ kɛ yɛ́: «Kulɔ nwoo mun lon.»

Izikiɛ 39:10

Di hvo pai kwɛi kwɛlii yɛɛ kɔ́wɔ ta hu, di hvo pai wulu pɔn ɉii lɔwɔi; mąąhɔlɔɓo, gɔ́ kɔ́ hɛnŋąąi tii ɓə di kaa pai kɛi nwɔ̨n ɉeei la. Nuąi di yəi hɛnŋąą kulɔ di yəii, da diɛ kpɛlimąn di wɛiɠaai kulɔ di yəi, nuąi too di mɛ̨́i, da too diɛ kpɛlimąn di mɛ̨i. Yai-Laa woo li.

Sofoni 3:19

Mąą yələi tii, nuąi kpɔ kɛi ə́ mɔ̨nɔ̨ɓo, ŋą ɲéé pɛlɛ diɛ. Ŋį́ mɛlaa kɔ́wɔ nwąnąąɠaa ɓalo; yiiɠaai daa pili, ŋį́ di ɲąą kpɔn. Ka ɲɛ̨i a pɔ̨nɔ̨, ka laa lɛlɛɛ ə tɛ nɔiɠaa ti ka nwumɛ̨ ɉu di ɲɛ̨i ɓa.

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

M̀ɛni-lɛɛi 13:10

Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 17:17

Mąąhɔlɔɓo, Yálá aa ɉuwɔi tii kwəi kili pɔ mɛ̨nį kɛɛ too di lii hu, a gwəi kili tanɔ̨n, ya ɓaa, di di hvaŋą da di wɔɔ huwalawalalaa lɔ ɉuwɔi tii ŋą tíɓo hu, ə lɛɛ ɉu, Yálá laa woo pɔ mɛ̨nį ə kɛ.

Nwun mąąɓo 1:7

Adoni-Bɛzɛkə yɛ diɛ: «Tɔɔɓɛlaa pow mɛ̨ihveelɛ, diɛi kɛ daa di yee kpuɔ da di kɔ́wɔ kpuɔ tee diɛ, di kɛi kɔ̨nɔ̨n bɛnɛ̨ yɛɠɛ ɲə́i daɓali mu. Mɛ́nii ŋį́ gɛ a nuą, Yálá aa gwələ kulɔ mą́ą́.» Də li a Adoni-Bɛzɛkə Ɉerusalɛmə daai, nąą ɓə ə haa laa.

Nwun mąąɓo 9:23

Yili pulu, Yálá ə kili ɲɔ̨nwɔ̨ɔ̨ ta lɔ Abimelɛkə da Sisɛmə kalanɉonŋaa di lɔwai. Sisɛmə kalanɉonŋaa di hvo kɛa kɛi Abimelɛkə woo hon,