Azaya 32:7 - Yálá laawoo hɛɓɛ (dc)

⁷ Hvulumun nwɛi, gɛ mɛ̨nį kəlee a kɛ lɔ a hvulu, a mɛ̨nį ɲɔnŋaa kili tee gwəi, yɛ mąąwɛli nuą nwun na pili la a lɛɛ woo, ə mą kɛ a mąąwɛli nuąi tii, di wɔ tɛ̨ą mɛ̨nį li.

Yálá laawoo hɛɓɛ

⁷ Hvulumun nwɛi, gɛ mɛ̨nį kəlee a kɛ lɔ a hvulu, a mɛ̨nį ɲɔnŋaa kili tee gwəi, yɛ mąąwɛli nuą nwun na pili la a lɛɛ woo, ə mą kɛ a mąąwɛli nuąi tii, di wɔ tɛ̨ą mɛ̨nį li.

Bible

⁷ Ǹúui ŋɔtárei fé seri ní zui, káa a núu nyɔ́mɔɔ, gɛ́ mɛni nyɔ́mɔɔ sii támaa kɛ̀. A gôlo-ƃelai su kàra a ŋɔlɛ́ɛ mɛni-ŋai, va ǹɛɛ naa dí dítɔ̃yâi sɔlɔ ƃó.

Azaya 32:7 ပူးပေါင်းရင်းမြစ်များ

Mąątɛ̨nɛ̨ 119:95

Nuąi di hvo Yálá pɔ, di kɛi nwún na pili pələ kwɛli, nwɛ́i, níí laai lɔ ə́ wɔ tɔn nwooɠaai mɛ̨i.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 26:10

Kɛlaa, da kɛi nu ɲɔ̨nwɔ̨ɔ̨ mąąwɛli kaa, hva tələnmo yíi mąąkwɛli; ə mą kɛ, tɛ̨ą lɔi hu ɓə, a mɛ̨nį ɲɔ̨n gɛ lɔ laa, ɛlɛɛ, hva Yai-Laa nwɔ mąąwiɛ kaa.

Azaya 29:21

Diɛ ɓaa nuąi da di ɓɛlaa kiti tee lɔ a di woo, nuąi da hɛlɛn dɛ di ɓɛlaa tɔwɔ kiti hu, nui hɔn və mą, diɛ doo kpinį hu.

Azaya 5:23

Nui aa ɉɔn gɛ, da kiti nɛ̨ɛ̨ mą, mąąhɔlɔɓo, aa di tuwɔ ɲąą, di hva tələnmo mun nwɔ tɛ̨ą ɓo.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 59:15

Tɛ̨ą mɛ̨nį hva kaa laa, ɛlɛɛ nui a bulu tínɛ̨n mɛ̨nį ɲɔ̨n mą, da too mɛ̨i, gɛɛ tii, Yai-Laa ə nąą kaa, yili ə ɲɔ̨nwɔ̨ kpɔ ɲɛ̨i mu ha ha, a kɛi tii kiti hvo mo li laai.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Danîa 12:10

Ŋaatɛ mɛ̨nį ɓə pai nu tamąą mąąhəɠəi ə di waa, di kwələ. Nuą yiiɠaai di túwɔ́ pələ ɲɔ̨nwɔ̨ɔ̨, di kaa pai kɛi túwɔ́i lɔ a ɲɔ̨nwɔ̨ɔ̨, di hvo pai pɛli ŋąą kaai. Kɛlaa, nuąi a nwun gɛ ɉu nuą diɛ ɓə pai mɛ̨nįɠaai tii ŋąą kaai.

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Maafîu 26:4

Pələi mąąnɛ̨ɛ̨ di Jesus hon na loo hu di baa.