Azaya 32:17 - Yálá laawoo hɛɓɛ (dc)

¹⁷ Tɛ̨ą kaa pai ɓai a liilaa; tələnmolaa yɛ pa yɛnɛ̨ɛ̨ wəli pulu laɠi, a yələ kəlee mɛ̨nį.

Yálá laawoo hɛɓɛ

¹⁷ Tɛ̨ą kaa pai ɓai a liilaa; tələnmolaa yɛ pa yɛnɛ̨ɛ̨ wəli pulu laɠi, a yələ kəlee mɛ̨nį.

Bible

¹⁷ Mɛi-kâa laa lɛ́lɛɛ mɛni da lii-sêe da pâi kɛ̂i ǹɔii su. A pâi kɛ̂i tí, kpɛ́ni fêi, nûa da pâi kɛ̂i tɔ̃yâ da teniŋ-ƃô mɛni-ŋa kɛ̂i a díkîe-ni.

Azaya 32:17 ပူးပေါင်းရင်းမြစ်များ

Mąątɛ̨nɛ̨ 119:165

Nuąi ə́ wɔ tɔn nwooi wɛli kaa diɛi, di kaa liilaa hu, di wɛi, di kalin ɉɛn və kɛa di tɔwɔ.

Mąątɛ̨nɛ̨ 85:10

Nuąi da ɲɔw mą, nwɔ ɓaloi a mąą lɛɠɛ diɛ, ɛlɛɛ, mąąwiɛ kaa pai heei nɔi hu.

Mąątɛ̨nɛ̨ 85:8

Yai-Laa, ə́ wɔ wɛlikɛmąąlaa lɛ kuɔ wɛ! Ə́ ku ɓalo!

Hanwon 1:33

Kɛlaa, nui a nwəli tɔɔ nwóó ɓa, nwɔ pɛlɛ́i mu ɲąą a nɛ̨ɛ̨, kpalo hva gaa.»

Hanwon 14:26

Nui a ɲɔw Yai-Laa ɓa, dɔɔi a walawala, Yai-Laa kaa a mąą nu mąąkilɛi, nonnii wəli pulu laɠiɛ.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 11:13

Ɛfraimə nwɔ toloi kɔ́lɔ a haa mą, Ɛfraimə hva kɛa tolo kulɔ a Ɉuda, Ɉuda ɲowo mɛ̨nį hva kɛa ɓo, Ɉuda hva kɛa yowolaa hee Ɛfraimə ɓa.

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Azaya 28:12

Ə gbɛa mo diɛ, yɛ diɛ: Hviitɔɔ lɔwai aa həli, nui viikpɛɛ, ka nɛɛ laa ə vįitɔɔ, kɛɛnąą ɲąąlaɠiɛ ka.» Kɛlaa di hvo gɛ di hvo di wəli tɔɔ nwoo ɓa.

Azaya 30:15

Mąąhɔlɔɓo, mɛ̨nįi Yai-Laa ka wɔ Yálái, a Israɛlə nwɔ Mąąhəɠəmun ə mo ya ka: Ka ɓalo mɛ̨nį a kulɔ ka hɔn mąą pənə mɛ̨nį hu, kaa ka hvii tɔɔ, ka hvaŋą kaa liilaa hu, da kilitɔɔmąąlaa, Kɛlaa, ka hvo yili pɔ.

Azaya 33:6

Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Azaya 48:18

Ee kə! Akɛ kɛ ə́ ə́ wəli tɔɔ nwɔ́ tɔ́n nwooɠaai diɛ, ə́ wɔ liilaai ə li kɛ yɛ ya lee kɛnɛ̨, ə́ wɔ tələnmolaa ə ɓo yɛ gboloyá;

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Azaya 57:19

Gɛ́ kwəinɛ̨ɛ̨ wələ lɔ di la. Yai-Laa yɛ diɛ: Liilaa, liilaa 'ə kɛ nui kwɛala mą, 'ə kɛ lɔ nwɔ̨nɔ̨ kpuɔlamun mą, a tɛ̨ą, gáá pai di ɓaloi!

Azaya 66:12

Mąąhɔlɔɓo, mɛ̨nįi Yai-Laa kaa moi, ya ka: Gáá pai liilaa yɛɛi mɛ̨i yɛ tɛɛ ya. Ɛlɛɛ, gɛ́ hįįɠaa di wɔ mąąwiɛ tɛɛ bɔ, yɛ ya a kɛi kulɔ yee hu a vąŋą kɛnɛ̨. Di kaa pai kɛi ɲįnį tɔɔi ka la, diɛ ka pomo, diɛ ka hee di kɔ́wɔ mɛ̨i.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Izikiɛ 37:25

Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Hebreu 12:11

Hutɔɔ mɛ̨nį lɔpee gəlee, ɓɛlɔwai a kɛ həli la nu ɓa, hva gwəinɛ̨ɛ̨ a ɲələ, a nii ɲąąnwąną. Kɛlaa, ɉu a kwɛa, ɉutɔɔ mɛ̨nįi tii a kɛ mą a liilaa da tələnmolaa.

Hebreu 6:11

Kɛlaa, yii kpɔ nwɛli kaa kuɔ, ya ɓaa: ká tɛitɛi, ká ká hvaŋąlɔ, ká gilitɔɔmąą laa tii hunɛ̨ɛ̨, ə lɛɛ la ɉu ɲąą kpɛɛ yələ,

Zɔ̂ŋ Maa-ŋuŋ 4:17

Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.