Azaya 32:11 - Yálá laawoo hɛɓɛ (dc)

¹¹ Ka mąą kaa pai kpɛlin, kaai ɲɛ̨i mɛ̨nį ta hva ka lii kulɔ kaa, ka nwun mini-mini ə yɛɛ a kaa, a kaa ŋɛ̨i kiliŋąhiɛ hvo kaai, ka ɉəɠəɠaa kulɔ kaa, ka ka kpuwuluɓo, ka həɠə kpulon ka niŋəi.

Yálá laawoo hɛɓɛ

¹¹ Ka mąą kaa pai kpɛlin, kaai ɲɛ̨i mɛ̨nį ta hva ka lii kulɔ kaa, ka nwun mini-mini ə yɛɛ a kaa, a kaa ŋɛ̨i kiliŋąhiɛ hvo kaai, ka ɉəɠəɠaa kulɔ kaa, ka ka kpuwuluɓo, ka həɠə kpulon ka niŋəi.

Bible

¹¹ Ka wɔ́lɔ tûa kánîa kɛ̂i. Lii-sɛ̂lɛŋ da fé kâa. Kɛlɛ yao a pâi pâi kákɔlɔ̂i lonii ma. Ka kámaa kpôloŋ ká malôŋ seɣe too kâa.

Azaya 32:11 ပူးပေါင်းရင်းမြစ်များ

Mąątɛ̨nɛ̨ 123:4

Aa hee ku hu, aa ku hon ku kwąną. Yee laholoon naa kaa lɔ a yɛlɛ kulɔ ɉu Ɲɛitɛ laa ə lɛɛ a tɛɠɛɓo ɉu nuą di wɔɔ!

Lɛɛ gbɔwɔ ɓa 33:4

Ɓɛlɔwai nuą di mąąwɛli woo ti mɛ̨n na, di kəlee di bu mą a wɔlɔ. Nu ta lɔpee hvo kɛa nwɔ hɛli həɠə too gwąną.

Azaya 15:3

Nuą daa di mąą yili a ɓíi haɠa gwəliɠaa pɔ, nu kəlee kaa nwoo laai bɛlɛ́ɠaa kwɛlɛ, da gwəli hąąiɠaa, di ɲɛ̨iyá yɛ pu wuuu.

Azaya 2:19

Ka lɔ gwɛni woloɠaa hu, ka lɔwa tee ka lɔ ɉu, ə gɛ, Yai-Laa nwɔ liiɲąnwąnąai pai, ka pu ka həɠə dɔwɔ, ka ka mąąkilɛ nwɔ nwąną kulɔ vaŋąi tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Azaya 2:21

Di ka pai kɛi lɔi kwɛni woloɠaa hu da kwɛni ɓɛlaɠaa mu, ə gɛ, di pu di həɠə Yai-Laa nwɔ liiɲąnwąną tɔwɔ, diɛ di mąąkilɛ nwąną kulɔ hvaŋą tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Azaya 20:4

Bələ ɓə Asiri tɔɔmun gaa pai lii la a Eziptə nuą, da Nubi nuą, kɔluwɔlaa hu. Ɉilɛlɛa da ɉilɛgoloɠaa di ɓo a di kpuwulu, kɔ́lɔ hva kɛ di kɔ́wɔ ŋą, bɛlɛ hva kɛ diɛ, diɛ di wulɛn gaa; a kɛ Eziptə ɓa a nwumɛ̨.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Azaya 3:24

Wulɔ kun nɛ̨ɛ̨, mąą a hvalin a hɛn nulɔ kun, hɛ̨ą yili kɔ́lɔ mąą a hvalin a gɔtɔ yɛli, nwun naa lɛlɛɛ mąą a hvalin a nwun gbəlaan, həɠə lɛlɛɛ mąą a hvalin a mąąwɛli həɠə di wɔ lɛlɛ mąą a pənə a kwɛli kələn bɔɔ.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Azaya 47:8

'Ə́ wəli tɔɔ kɛa yɛnɛ̨ɛ̨ wɛli la kɛmun, yɛ́i tɔɔlaa kɛi a ə́ wəli pulu laɠiɛ, yɛ́i yá kɛ kɛi diɛ ə́ kwəi pələ: «Ɲą́ą́ lɔ ɓə laa, akɛ ɲą́ą́ hvəi, nu takpɛli hvo laa, nwɛ́i və́ pai kalaninnaa kɛi a yələ lɔpee ta, və́ pai hvɛɠɛi a nónnii.»

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Ɉeremi 49:3

Hɛsbɔn! 'Toma yɛ́ kɛ mą: «Daa Ai taa pu!» 'Ka tomą, kaai a Raba yee mu taaɠaa! 'Ka ɓíi haɠa too ka kwąną, 'ka ká woo laa! 'Ka tɛɛ gumunŋaa lɔwai! Milkomə kaa lii kɔluwɔlaa hu, da nwɔ haláá laa həli nuą, da nwɔ nu kpɛa kpɛa kəlee, di kaa lii a gee.

Ɉeremi 6:26

Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Osia 2:3

'Ka kɛ ka nąn nonnii diɛ: «Ami, nwɔ́ nu huwu», kaa ka mąąhalani diɛ: «Ruhama, nwɛli kɛmąą mun.»

Zooɛ 1:8

Ə́ woolaa yɛ́ nɛ̨ɛ̨gbɛla a hilɛ həɠə a nįnɛ̨ a haa ɲəi.

Amɔsə 4:12

Ną́mu Yai-Laa yɛ nwɔ̨nɔ̨ diɛ: Yili ɓə gaa mą, Israɛlə lɔi hu nuą, bələi gáá pai ka hon ɉii la, kaa kpinįi ka káá pai gbaɠala kaa. Yɛ bələi gáá pai mɛ̨nį laai la kaa, ka kili yɛ ɓo ɉu, 'ka ka kpɔwɔ pɛli, ka ka wɔ Yálái ka káá pai kwiɛn ɉii.

Sofoni 2:15

Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Zĩi 5:5

Ká kɛ ká nɛ̨ɛ̨ hu yɛnɛ̨ɛ̨, káá ká liiɓa kɛ, káá ká laa nɛ̨ɛ̨ mįi, a hɛli ɲələɠaa.