Azaya 31:8 - Yálá laawoo hɛɓɛ (dc)

⁸ Kɔ kɔ́ ɓɔwa yii hvo a nu kan ɲəi ɓɔwa, ya ɓə pai Asiri paai, nu kan ɲəi ɓɔwa hvee pai ɉu kalai, gaa pai pui kɔ́ kɔ́ ɓɔwa ɲɛ̨i tɔwɔ, ɛlɛɛ, nwɔ kɔ́ kɔ́ laŋąąi di kaa pai lɛɛi a luwɔ kóló kɛ nuą.

Yálá laawoo hɛɓɛ

⁸ Kɔ kɔ́ ɓɔwa yii hvo a nu kan ɲəi ɓɔwa, ya ɓə pai Asiri paai, nu kan ɲəi ɓɔwa hvee pai ɉu kalai, gaa pai pui kɔ́ kɔ́ ɓɔwa ɲɛ̨i tɔwɔ, ɛlɛɛ, nwɔ kɔ́ kɔ́ laŋąąi di kaa pai lɛɛi a luwɔ kóló kɛ nuą.

Bible

⁸ Asiria su a pâi karâi kɔ̂i. Kɛ́lɛ vé pâi kɛ̂i a núu-kpune ŋɔwála-wala. Asiria-ŋai da pâi pûi kɔ́ ma. Kɛlɛ da pâi dínyaŋkpa-ŋai sonîi dí lí a dia luɛ-lâa su.

Azaya 31:8 ပူးပေါင်းရင်းမြစ်များ

Zɛnɛse 49:15

Aa gaa yɛ, ɓɛi gaa laa, nąą lɛlɛɛi, nąą ɲąą nɛ̨ɛ̨i. Aa ɉɛ̨ą lɛan tiɛ̨ həɠə mɛ̨nį ɓa. Mąąnɛ̨ɛ̨i lɔ luwɔ kóló ɓa.

Kɔlɔnikɔ Veerɛi 32:21

Yai-Laa ə malaka ta tɔɔ, ə Asiri tɔɔmun wɔ kɔlaɠai hu kɔ́kuláaɠaa kəlee, gɔkuláa ɲɛ̨itɔwɔ nuą kəlee da galanɉonŋąą paa. Asiri tɔɔmun ə bulu pənə ə li bɔ lɔi, ɲɛ̨i paa a nwumɛ̨. Ɓɛlɔwai ə lɔ la ɲəi bɛlɛ́n, gwəi lonnii di baa a kɔ-kɔ ɓɔwa.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 14:2

Lɔiɠaa kaa pai di yee heei Ɉakɔbə nwɔ pɛlɛ́i mu, diɛ pənə diɛ li a diɛ di kaa lɔi hu. Israɛlə nwɔ pɛlɛ́i kaa pai Yai-Laa nwɔ lɔi hɔlɔɓoi a nwɔɔ, di nwɛ̨ąą tii kɛ a di nwɔ luwɔ nɛ̨ą da luwɔ hinąą; a diɛi tii di kɛ di yəi luwɔlaa hui; Ɉakɔbə a pənə ə nuąi tii kɛ a di wɔ luwɔɠaa, ə hee nuąi kɛi di mɔ̨nɔ̨ ɓo di mɛ̨i.

Azaya 14:25

Gáá pai Asiri huyalii nwɔ́ lɔi hu, gáá pai gii gii ɉii nwɔ́ yeeɠaai nwuɔ̨, nuąi kɛ ɉeɛ di mɛ̨i, da ɉəɠə mąą nuą mɛ̨i, nuąi nwɔ tiɛ̨i ə kɛ di nwuɔ̨, diɲɛ̨i tii a həɠə di nwuɔ̨.»

Azaya 17:13

Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Azaya 21:15

mąąhɔlɔɓo, di kɛi pu kɔ́ kɔ́ ɓɔwa tɔwɔ, diɛ həɠə kɔ́ kɔ́ ɓɔwa ɲąąliɛ tɔwɔ, kilɛn daa ɲala ɉu, di kɛi həɠə ɲɛ̨i tɔwɔ, gɔ́ ə hviyɛn di mɛ̨i.

Azaya 27:7

Ə di kɛlɛ mɔ̨ɔ̨ yɛ bələi ə di kɛlɛ-nuą kɛlɛ lai? Ə di paa mɔ̨ɔ̨ yɛ bələi ə di paa nuą paa lai?

Azaya 29:5

Ə yowoɠaa kpulu kaa pai kɛi yɛ lɛɠɛ hunwɔ̨, Ə́ mɔ̨nɔ̨ɓo tɔɔɓɛlaa kpulu a kɛ yɛ mɔ̨nun galai hvaŋą kaa líila. Ɛlɛɛ kpɔlɔ ɲąą ɓa,

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Azaya 37:7

Mɛ̨nįi gáá pai bui nwəlii ya ka: «Di kaa pai wɛlɛɛ ta ɓoi mą, gaa pai pənəi ə li nwɔ lɔi hu, gáá pai gɛi di baa laa a ɓɔwa kwɛa, gbɔ-kpɔɔ lɔi hu.»

Azaya 66:16

A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Izikiɛ 21:28

Di kaa pai gaai a lɛɛ-tɔlu; daa di kilitɔɔi lɛ diɛ; di wɔ nɛ̨ŋɛ̨nŋąąi kili too mɛ̨nį ɓə di ɲą; di kaa pai di hon ɉi gɔ́ hu.

Osia 1:7

«Ɉuda nwɔ pɛlɛ́i nwɛi, ŋą́ nwɛlilakɛ, gɛ́ di nwun mąąɓo, ɲą́ą́ Yai-Laa di wɔ Yálái, və́ pai di nwun mąąɓoi a kilɛn, a wala kɛ tii kɔ́ kɔ́ ɓɔwa, a wala kɛ tii a kɔ́, ə mą kɛ hoo da hoo mɛ̨i kɔ́ kɔ́ nuą.»