Azaya 31:2 - Yálá laawoo hɛɓɛ (dc)

² Ya pa yai tii kpɛli nwɛlɛɛi, a pɛli mɛ̨nį ɲąąnwąnąą laai nu ɓa; ɛlɛɛ, yii a mo, hva ɉəɠə mą. Gaa muhəɠəi nu ɲɔ̨nwɔ̨ɔ̨ɠaa laa ɓa, da mɛ̨nį ɲɔ̨n gɛ nuąi tii di kaa di təlii kpɔn mąą tɛɛ mɛ̨nį ɓai.

Yálá laawoo hɛɓɛ

² Ya pa yai tii kpɛli nwɛlɛɛi, a pɛli mɛ̨nį ɲąąnwąnąą laai nu ɓa; ɛlɛɛ, yii a mo, hva ɉəɠə mą. Gaa muhəɠəi nu ɲɔ̨nwɔ̨ɔ̨ɠaa laa ɓa, da mɛ̨nį ɲɔ̨n gɛ nuąi tii di kaa di təlii kpɔn mąą tɛɛ mɛ̨nį ɓai.

Bible

² M̀ɛnii a gɛ̂i è gɔ́lɔŋ. A gɛ̀ mɛni kpɔ̂lu é láa nûa dîa. A ǹúu sɔŋ nyɔ́mɔɔ-ŋai kula-maa kɛ̂ da diai da tɔ̂ɔ dípôlui.

Azaya 31:2 ပူးပေါင်းရင်းမြစ်များ

Zôo 12:13

Kɛlaa, kili mɛ̨nį da mɛ̨nį kɔ́lɔn ŋąą di kaa a Yálá nwɔɔ. Liɛwoo da kili kɛ ɲəi di ɓo a nwɔɔ.

Zôo 12:16

Hvaŋą da nwun na nɛ̨ɛ̨, di kaa bɔɔ ŋą. Nui daa ɉəɠə pələ mɛ̨i, da nui ɉəɠə bələ mɛ̨i, di kəlee di kaa Yálá yəi.

Zôo 5:13

Ya ɓə a kilimąą nuą too diɛ kpinįi di wɔ gbáná ɓaaləi ŋą, a kpəɲan yiliɠaai di wɔ liɛwoo tɔwɔ.

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Azaya 14:20

Di hvo pai ə́ pɛlɛi diɛ, kámą hu, mąąhɔlɔɓo, yáá ə́ wɔ lɔi kala, yáá ə́ wɔ lɔi hu nuą paa, di hva kɛa nu huwu ɲɔ̨nwɔ̨ɔ̨ laa ɓo kpɔ tanɔ̨n gbɛli.

Azaya 21:17

Ɛlɛɛ, Kedarə nwɔ kilɛn bili nuą, dɛi tɛi lɔ ɓə pai lɛɛi; Yai-Laa Israɛlə nwɔ Yálái ɓə mo.

Azaya 22:14

Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa ə mɛ̨nįi ŋɛ̨i ɓo mą́ą́, yɛ mą́ą́: Nɛ̨ŋɛ̨n tii hvo pai kulɔi kaa a yələ ta, hvo kɛli ka haa. Nąmu Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa aa gwɛla.

Azaya 28:21

A tɛ̨ą, Yai-Laa kaa pai muhəɠəi a líiɲąnwąną, yɛ bələi ə gɛ la Perasimə yee ɓa, gaa pai vaŋą həɠəi, yɛ bələi ə gɛ la Gabaɔn yɛɛkɔ́wɔi, ɲɔ̨nwɔ̨ yee ə tɛɛ yili ɓa, lə kwəi pilimąą ɓəi! Nwɛ̨ą mɛ̨nį ka.

Azaya 28:29

Mɛ̨nįɠaai tii kəlee di həɠə Yai-Laa Mɛ̨nį Kəlee ŋą Hééɓomun pɔ, yai gaa a liɛwoo kɛmunn nɛlɛɛ, mɛ̨nį kəlee kɛ kpaɠala ə ɓo mą.

Azaya 30:3

Faraɔn nwɔ taa wala wala kaa pai kɛi a ka nwumɛ̨ hɛn, ka mąą kilɛ mɛ̨nį Eziptə nįnįn mu yɛ kɛ a ka ɲɛ̨i paa mɛ̨nį.

Azaya 30:7

Gbɔnmąąi Eziptə kaa pai dɛɛi di pɔ, a kɛ lɔ a hvaŋą da kpɛli kpɛli, yili mąą mɛ̨nį ɓə ŋį́ naa hee la a Rahavə; hee kpɛli.

Azaya 31:3

Eziptə mun gaa lɔ a nu, yálá hvə li, nwɔ hooɠaai di kaa lɔ a huwɔ, malakaɠaa hvə li. Ɓɛlɔwai Yai-Laa kaa pai ɲee haŋąi la, mąąkɔ̨nwɔ̨ kɛ mun gaa pai kalin ɉii, nui di mąąkɔ̨nwɔ̨i yɛ too; di kəlee di nwun na a pili a gee.

Azaya 32:6

Yaan, kilikpɛɛɲəimun nwɛi, ɓowo wooɠaa ɓə a mo, yɛ mɛ̨nį ɲɔ̨n gili tee gwəi, a túwɔ́ a nɛ̨ŋɛ̨n ɉəɠə mun dúwɔ́ pələ. Yɛ Yai-Laa laa mąątea woo ɓo, nui pulú aa gbɔlɔɔn, yɛ nɛɛ a gwəi howolo, nui kpələ wɛli kaa mą, yɛ nɛɛ a yá wɛli.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Ɉeremi 10:12

Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Ɉeremi 36:32

Ɉeremi ə hɛɓɛ́ takpɛli həɠə, ə dɛɛ Neriya lon Barukə pɔ. Ɉeremi ə kɛi nwooɠaai Ɉuda tɔɔmun Yoyakimə ə di kələn, di ɓo mą, yɛ di pɛ̨ɛ̨. Ə mɛ̨nį takpɛliɠaa tamąą ɓo, lɔ yɛ bələi yiiɠaai tii di kɛ la, ə di pɛlɛ mą.

Izikiɛ 29:6

«A mąą yələ Eziptə nuą kəlee da gili kɔ́lɔn, diɛ kɛ Yai-Laa ɓaa a ɲą́ą́; a diɛi tii kɛ a hveen gbaɠa, Israɛlə nwɔ pɛlɛ́i yɛ gilitɔɔ mą.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Lonon mo 10:35

Ɓɛlɔwai mąąnɛ̨ɛ̨ kɛ di li la a mįnɛ̨ kəhi, Moisə a kɛ mą: «Yai-Laa ə́ muhəɠə Ə́i yowoɠaa hu taɠa, nuąi diɛ di tɔɔ Ə́ la, di pu di həɠə Ə́ ɲɛ̨itɔwɔ!»

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Lomaŋ 16:27

Yálá tanɔ̨n gbən yai mɛ̨nį kəlee kɔ́lɔn, mąąwiɛ ə kɛ mą, Jesus Kristə laa hu, a yələ kəlee! Ə kɛ ti.

Zasua 23:15

Ə həli kɛa kaa! Mɛ̨nį lɛlɛɛɠaai Yai-Laa ka wɔ Yálái ə mo ka laa mɛ̨i, bələi lɔ ə naa hvɛɛ la, bələ lɔ ɓə, mɛ̨nį nwąnąąɠaai ə mo yɛ hvilɛn na kaa, gəlee pɔ mɛ̨nį kaa pai kɛi la, ə lɛɛ la ɉu, nɔi lɛlɛɛ ŋɛ̨i Yai-Laa ka wɔ Yálái ə dɛɛ ka pɔ, ə ka kpɛ ɉu.

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.