Azaya 30:32 - Yálá laawoo hɛɓɛ (dc)

³² Yai-Laa nwɔ gbɔn pili pələ mą tɛi tɛi, damąn nwoo, da gwɛnįn nwoo da tɔɔ, ɛlɛɛ, Yai-Laa kaa pai kɛi heei ɉu, yɛ ɲee kpɛŋɛ̨n mɛ̨i.

Yálá laawoo hɛɓɛ

³² Yai-Laa nwɔ gbɔn pili pələ mą tɛi tɛi, damąn nwoo, da gwɛnįn nwoo da tɔɔ, ɛlɛɛ, Yai-Laa kaa pai kɛi heei ɉu, yɛ ɲee kpɛŋɛ̨n mɛ̨i.

Bible

³² À kɛ̀ díkula-maa kɛ̂i, ŋɔnûai da pâi kɛ̂i gbùŋ-gbuŋ tuâi, díkɛ kɔnîŋ ɣàle, díkɛ lii-nɛ̃ɛ kùla. A pâi kɔ̂i dímɛni ma.

Azaya 30:32 ပူးပေါင်းရင်းမြစ်များ

Zɛnɛse 31:27

Lə mɛ̨nį ɓa ə́ ə́ loo mą́ą́ yɛ́ pu, ɛlɛɛ ə́ mówo? Ya gíli pu kɛ ɉu, kɛlɛi kwa yili gwəinɛ̨ɛ̨ kulɔ kɛ, ku ə́ tɔɔ pələi a wələ da hvɛli woo nɛ̨ɛ̨ɠaa.

Kɔlɔnikɔ Veerɛi 32:8

Asiri tɔɔmun nwɛi, nu kanŋaa ɓə ɲəi, kɛlaa gu wɛi, gu wɔɔ Yálái Yai-Laa kaa gu pɔ. Yaa ɓə a kpɔnmąą tɛɛ gu pɔ, yɛ gu wɔɔ kɔ́i kɔ́.» Ɉuda tɔɔmun Ezekiasə woo tii ə nɔi lonnii liilaa ə di hvaŋąlɔ.

Zôo 16:12

Ŋą́ kɛ kpɔ nɛ́ɛ́ hu, ə pa ə ɉu kala. Ə ɉón a gɔ́n bulu, ə nówa nɔi ɓa. Ɲą́ą́ ɓə ə dɔ́ɔ́ nwɔ mɛ̨ɛ̨kɔwɠaa tɔwɔ.

Azaya 10:24

Yili mąą mɛ̨nį ɓa, mɛ̨nįi Nąmu Yai-Laa Mɛ̨nį Kəlee ŋą Hééɓomun kaa moi, ya ka, yɛ diɛ: Kaai a nwɔ́ nu huwui, ka heɛ Siɔn, 'ka hvo ɲɔw Asiri ɓa, yai ka kɛlɛi a gbɔn; yɛ nwɔ tunwɔ̨n pili ɲee mɛ̨i, yɛ bələi Eziptə ə kɛi gɛ la.

Azaya 10:26

Yai-Laa Mɛ̨nį Kəlee ŋą Hééɓomun kaa pai nwɔ hvaɠai pilii ɲee mɛ̨i, yɛ Asiri kɛlɛ la, yɛ bələi ə Madian kɛlɛ la Orɛvə kwɛnii ɓa, yɛ nwɔ tunwɔ̨n ɉaŋą gboloyá mɛ̨i, yɛ bələi ə gɛ la Eziptə lɔi hu.

Azaya 11:15

Bələi tii Yai-Laa ə Eziptə ya kpɛa-kpɛa kpala la, bələ ɓə gaa pai haŋąi la Eufratə ɲa lee ɓa, ə ɲąąkwɛlɛ ɉu a ya pɛlɛɛ mɛ̨ihveelɛ, nuą diɛ pɛli deen ɉii di kɔ́wɔ ŋą.

Azaya 19:16

Nąąlɔwai Eziptə a kɛ lɔ yɛ nɛ̨ɛ̨nu, yɛ ɲɔw, mąą yɛ kpɛlin, ɓɛlɔwai a Yai-Laa Mɛ̨nį Kəlee ŋą Hééɓomun yee kaa la mɛ̨i.

Azaya 2:19

Ka lɔ gwɛni woloɠaa hu, ka lɔwa tee ka lɔ ɉu, ə gɛ, Yai-Laa nwɔ liiɲąnwąnąai pai, ka pu ka həɠə dɔwɔ, ka ka mąąkilɛ nwɔ nwąną kulɔ vaŋąi tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Azaya 24:1

Ka kɛɛ kaa! Yai-Laa kaa lɔi hu kalai, yɛ nɛɛ a gboloon, gaa lɔi mɛ̨i hɛnŋąą kalaɠalai, yɛ ɉu hee ɓo nuą taɠa taɠa.

Azaya 24:8

Dulu woo nɛ̨ɛ̨ɠaa di hvo kɛa tɔɔi, ɉɛli pu nuą tín aa kpɛla mą, gwɛnįn nwoo nɛ̨ɛ̨ hvo kɛa tɔɔi.

Azaya 30:29

Ka wɛi, ka káá pai kɛi wələ tooi, yɛ da kɛi hɛli pu kwii hɛ̨ą, ka ɓo la kwəinɛ̨ɛ̨ hu, yɛ nui di kaa ɓɔɔ hvɛɛi bulu, yɛ li la Yai-Laa nwɔ yeei pɔ pələ, Israɛlə mąą kɔ́nwɔ̨ kwɛni pɔ pələ.

Azaya 31:4

Mɛ̨nįi Yai-Laa ə mo mą́ą́ ya ka, yɛ diɛ: Akɛ yala hilɛ, a wala kɛti yala lon, a kɛi kpəɠi gɔ̨nɔ̨n mɛ̨i, taatɛlɛɛ pulu nuą di mą pa a di kpulu kɛnɛ̨, di tómą woo hva mąąɲɔw, di tín va nii kulɔ mą. Bələ ɓə Yai-Laa Mɛ̨nį Kəlee ŋą Hééɓomun kaa pai yɛɛi la Siɔn yee nwuɔ̨, nwɔ yee kpu kpui mɛ̨i, kɔ́ kɔ́ mɛ̨nį ɓa.

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Izikiɛ 28:13

Ə́ kɛ Edɛn Yálá nwɔ kɛɛnąą lɛlɛɛi, ə́ mąątínɛ̨n ŋąąi kɛ a kúwɔ́-kwɛni huwui lɔpee, da hɛni.

Izikiɛ 32:10

Ə́ mąą mɛ̨nį ɓa, gáá pai lɔi tamąą mąąwɛlii, di wɔ tɔɔɓɛlaa nwun milimili kaa pai yɛɛi a diɛ, ɓɛlɔwai gáá pai kɔ̨nwɔ̨i la a nwɔ́ kɔ́ kɔ́ ɓɔwai di ɲɛ̨i ɓa. Di ta hvo pai kpɛlai kpɛlin ɉii, gbɔwɔ mąą mɛ̨nį ɓa, a ɲələi yá too la.

Hebreu 12:26

Yálái ŋɛ̨i nwoo ə kɛi lɔi tumo, aa mo yiihu, yɛ: «Gáá pai lɔi kpɛlin ɉi tanɔ̨n gbən a gbəli-kpəli, hva lɛɛ lɔ a lɔi yaa tanɔ̨n, yələkɔlɔn naa kaa ɉu.»

Samuɛlə dɔlɔɔ 10:5

Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.

Samuɛlə dɔlɔɔ 18:6

Yii kɛa Davidə ə Goliatə paa, gɛɛ kɛa həɠəi gɔ́ ɓa yɛ pa, nɛ̨ąą di həɠə Israɛlə lɔi kəlee hu, diɛ pa tɔɔmun Saulə laakwiɛn ɉii, diɛ wələ too, daa wələ yɛliɠaa laa, diɛ kwəinɛ̨ɛ̨ wələɠaa too, diɛ damąn da gwɛni di ɲɔw.